இடது புஜம் - ஸ்திரீ சம்போகம் - கவிதை

முழங்கால்-சுகம், கணைக்கால் -சுபம்
பாதம்-பிரயாணம்,வலது புஜம்-ஆரோக்கியம்
முகம்-பந்து தரிசனம்,இடது மணிக்கட்டு-கீர்த்தி
பஞ்சாங்கப் பல்லி விழும் பலன்களுக்கு
சிறு வயதில் ரொமப ஆசைப்பட்டு
எதுவும் நடக்கவில்லை

வாலிப வயதில்
ஆண் குறி -  தரித்திரத்திற்கு பயந்து
இடது புஜம்-ஸ்திரீ சம்போகம்,புட்டம்-சுபம்
மார்பு - தனலாபம்,வயிறு - தான்ய லாபம்
பலன்களுக்கு ஆசைப்பட்டு
அதுவும் நடக்காமல் ஏமாந்து
நானும் பல்லிகளும் பிரிந்து விட்டோம்
பழைய வீட்டை விற்று விட்டு

புது ப்ளாட்டில்
வலது செவி-தீர்க்காயுசு பலனுக்கு 
ஒரு பல்லியும் இல்லை என்றாலும்
மனதில் குறுக்கும் நெடுக்கும்
டைனோசர் மாதிரி ஒடுகிறது
மிருத்தியு(எமன்)பயம்