எங்கேயும் எப்போதும் - சினிமா விமர்சனம்

தமிழ் சினிமா வரலாற்றில் பட முடிவில் 99% “சுபம்” போட்டுத்தான் முடிப்பார்கள்.பொழுதுபோக்க வரும் வெகுஜனங்கள் அதைத்தான் விரும்புவார்கள்.மக்கள் விரும்பாத சோகத்தோடு முடித்தப் படங்களின்  கடைசிக் காட்சிகளை “சுபமாக” எடுத்து இணைத்து வெளியிட்டும் உள்ளார்கள்.

ரொம்ப வருடத்திற்க்குப் பிறகு சோகத்தோடு முடியும் அதுவும் முக்கியமாக ஸ்டார் ஆகிவிட்ட நடிகை/நடிகர்களை வைத்து சோகத்தோடு முடிப்பது தைரியம் வேண்டும். அது “எங்கேயும் எப்போதும்” படம்.

எங்கேயும் எப்போதும் நல்லதும் கெட்டதும் நடப்பதற்கு
வெயிட்டிங் லிஸ்டில் காத்துக்கொண்டிருக்கிறது.அன்னியராக நேருக்கு நேர் பழகிய தருணங்கள்  முடிந்து பிரிந்து  நினைவு பொதிகளாகி நெஞ்சத்தில் மிதந்து ஒரு ஓரத்தில் காதல் சாரல் அடிக்க ஆரம்பிக்கிறது அமுதாவிற்கும் கெளதமமுக்கும்.அதைச் சொல்ல இருவரும் ஒருவரை ஒருவர் அவரவர் ஊரில் தேடி அலைந்து கிடைக்காமல் ஏமாந்து எதிரெதிர் திசையில் பஸ்ஸில் பயணிக்க, பஸ்கள்  நேருக்கு நேர் கோரமாக மோதி விபத்தாகி நேருக்கு நேர் சந்திக்கிறார்கள்.

 தவிர இவர்களுடன் பிரயாணம் செய்த மற்ற பிரயாணிகளின் கனவுகள் ஆசைகள் திட்டங்கள் கொண்டாட்டங்கள் எல்லாவற்றையும் சின்னபின்னமாக்கிவிடுகிறது இந்த நேருக்கு நேர் மோதல் விபத்து.இதில் மற்றொரு காதல் ஜோடியும் அடக்கம்.

 

படத்தின் முக்கியமான விஷயம் கதையின் freshness.விபத்தின் பின்னணியில்  சொல்லப்பட்ட காதல் கதை.அதுவும் சென்னை பிசி ரோடில்இருவரும்

சர்வ சாதாரணமாக (அனன்யா /சர்வா) நடந்தபடி  பிரயாணித்தபடி கதையை நடத்திச் செல்வது இன்னும் fresh.அந்தப் பக்கம் திருச்சியில் அஞ்சலியும் ஜெய்யும்.

இடை இடையே வீடியோ கோச் பஸ் விர் விர்ரென்று நெடுஞ்சாலையில் பறப்பதைக் காட்டுவது speed படத்தை நினைவூட்டுகிறது.சாகும் தருவாயில் தன் காதலன் பெயரைத் தெரிந்துக்கொள்ள முனகி கேட்பதும் பிறகு கண்ணீர் துளி வழிவதும் ரொம்ப டச்சிங்.

சொல்ல வந்த விஷயத்தை சுவராசியமாக சொன்னாலே வெற்றிதான்.

முக்கிய பாத்திரங்களாக வரும் நான்குபேரும்
அனன்யா(அமுதா), அஞ்சலி(மணிமேகலை), ஜெய்(கதிரேசன்), கெளதம்(சர்வா) பின்னி இருக்கிறார்கள்.

முன் ஜாக்கிரதை முத்தம்மாக்களாக வரும் அஞ்சலி மற்றும் அனன்யா நடிப்பு அருமை.

Anjali has killing look. Ananya has சமத்துப் பெண் look.

படம் முடிந்து வீடு திரும்பிய பிறகும் நான்கு பேரும் நினைவில் சுழன்று சுழன்று அடிக்கிறார்கள்.

படத்தில் குறைகள் இல்லாமல் இல்லை. விபத்தை முதலிலேயே cut shot மூலம் சொல்லாமல் சஸ்பென்ஸாக வைத்திருந்தால் கிளைமாக்ஸில் தாக்கம் அதிகம் இருந்திருக்கும். உடல் உறுப்புக்களை தானம் செய்வதில் ஆர்வம் காட்டும் குணம் உள்ள  அஞ்சலி கதிரேசனின் சம்பளப் பணத்தை இப்படித் தண்ணீராக செலவு செய்வது நெருடுகிறது.

B.E. படித்த அமுதா (அனன்யா) ரொம்ப உஷாராக இருப்பது ஓவர்.

படத்தின் மிகப் பெரிய மைனஸ் பின்னணி இசை.

நடுநிசி நாய்கள் - சினிமா விமர்சனம்

சஸ்பென்ஸ் த்ரில்லர்களில் எனக்குத் தெரிந்து  இரண்டு வகை உண்டு.

ஒன்று மர்மமான சம்பவங்களை விறுவிறுப்பாகக் காட்டி முடிவில் ஏன்?எதற்கு?எப்படி? என்று முடிச்சை அவிழ்ப்பார்கள். இரண்டு ஏன்?எதற்கு?எப்படி? என்று முடிச்சை முதலிலேயே அவிழ்த்துவிட்டு அதன் சம்பவங்களை விறுவிறுப்பாக சொல்லிக் கடைசியில் முடிப்பார்கள். மூன்று இரண்டும் கலந்தவாறு சொல்லுவார்கள்.இது ரொம்ப அபூர்வம்.

( ஸ்வப்னா ஆபிரகம்(பக்கத்து வீட்டு பெண்மணி).கவிதை எழுதுவாராம்.பெரிய பாடகர்.எம்பிஏ பட்டதாரியாம்.)

கெளதம் இரண்டாவது வகையை தேர்ந்தெடுத்துள்ளார்.நடுநிசி நாயகள் தலைப்பு மட்டும் திகிலாக இருக்கிறது.தன்னுடைய கடைசி victimஐ ஒரு இரவில் வேட்டையாடுவதுதான் கதை.

ஆனால் ஒரு தாக்கமும் இல்லை.மேக்கிங் பளபளவென்று இருக்கிறது.ஆனால் ஒன்ற முடியவில்லை.பல படங்களில் இதைப்போல் பார்த்தாயிற்று.அந்நியன்,ஆளவந்தான்,
யுத்தம்செய்.மொட்டை அல்லது தலை முடியை விரித்துப்போட்டுக்கொண்டு உறுமுதல்.சைக்கோ/விசிட்டிங் அவர்ஸ் மற்றும் பல.

இப்போதுதான் யுத்தம் செய் பார்த்த சீட்டின் சூடு ஆறவில்லை.அதை டைப்பில் இன்னும் ஒரு திரைப்படம்.அடுத்தது என்ன என்ற ஒரு பரபரப்பு இல்லாததால் த்ரில் இல்லை.திரைக்கதையில் ”மீனாட்சி அம்மா” தீடிரென்று “பக்கத்து வீட்டு ஆன்ட்டி”ஆவது பெரிய சறுக்கல்.அவனின் சுகன்யாவின் மேல் காதலும் சரியாகக் காட்டப்படவில்லை.

இவன்தான் பக்கத்து வீட்டு ஆன்டியாகவும் சமராகவும் இரண்டு மனம் பிழ்ற்ந்த ஆளுமையாக (split personality) முதலிலேயே காட்டி இருக்கலாம்.முதல் கொலை அவள் செய்வதாகத்தான் காட்டப்படுகிறது.

கதைக் கரு?இது சிகப்பு ரோஜாக்களின் வேறு வடிவம்தான்.ஆனால் அது வந்த காலம் வேறு.1978 கிட்டத்தட்ட 32 வருடம் ஆகிவிட்டது.அப்போது அது வித்தியாசம்.எடுக்கப்பட்ட விதமும் அருமை.

சிறுவயதில் தன் தந்தையாலேயே பாலியல் தொந்தரவிற்கு ஆளாகி அதன் நினைவுகளால் மனம் பிழ்ற்ந்து பிற்காலத்தில் தவறான காம அணுகுமுறைக்கு அலையும் இளைஞனின் கதைதான் கரு.

சிறுவயதில் தவறான அனுபவங்களினால் “மனம் திரிந்து”
அதனால் எதிர்மறை காரியங்களை செய்யும் கருக்கள்
இயக்குனர்களுக்கு லட்டு மாதிரி.அதில்தான்
வன்முறையையும் பாலியில் காட்சிகளை அழகுப்படுத்திக்காட்டலாம்.

அவன் மருத்துவத்திற்கோ அல்லது இந்திய ஆணைப் பணிக்கு படித்து பாஸ் பண்ணுவது மாதிரி காட்டுவதில்லை.காட்டினால் தியேட்டரில் ஈ அடிக்கும்.

படத்தில் ஹிரோவாக நடித்திருக்கும் வீரா நன்றாக செய்திருக்கிறார்.கள்ள  விழி விழித்துக்கொண்டு “பீலா” விடும் இடங்கள் அருமை.(சிகப்பு ரோஜாக்கள் கடைசிக்காட்சி கமல் போலவே தோற்றம்).அவருடைய உடல் மொழியும் ஒத்துவருகிறது.சமீரா ரெட்டி ஒகே.மீனாட்சி அம்மாவாக வரும் ஸ்வப்னா ஆபிரகம் உணர்ந்து நடித்திருக்கிறார்.

டெயில் பீஸ்-1:
முதலில் காட்டப்படும் தணிக்கைச் சான்றிதழில் ஏதேச்சையாக இரண்டு உறுப்பினர்கள் பெயர் கண்ணில் பட்டது. 1.நிர்மலா பெரியசாமி 2.புஷ்பகந்தசாமி.

டெயில் பீஸ்-1: 
நான் படம் பார்க்கும்  வழக்கமான தியேட்டரில் நாகரிகமானவர்கள் வருவார்கள். அமைதியாக படம் பார்ப்பார்கள்.இந்த முறை இரண்டு “நடுநி”ச்சீ” நாய்கள்” ஆபாசமாக  குரைத்து எல்லோரையும் நெளிய வைத்தது.தனியாக படம் பார்த்த எனக்கே அருவருப்பாக இருந்தது.

யுத்தம் செய் -விமர்சனம்

பல சந்தர்ப்பங்களில் நம் முன்னே நடக்கும் அநியாயங்களைத் தட்டிக் கேட்க திராணி இல்லாமல்”இவனுங்களை எல்லாம் நிக்க வச்சு சுடனும்” என்று மனதிற்குள்ளேயே பல்லைக் கடித்துக்கொண்டு நிழல் யுத்தம் நடத்தி வேறு வேலையைப் பார்க்கப் போய்விடுவோம்.

(அமைதியாக இருக்கும் இந்த இடத்தை அடுத்த சில நிமிடத்தில் ஜேஜேவென கூட்டம் காட்டுவது அருமை)

”யுத்தம் செய்” படத்தில் ”ஒரு குரூப்” தனக்கு நேர்ந்த அநியாயத்தைக்கண்டு மனம் திரிந்து பின் அதற்கு எதிராக ஒரு அர்ஜெண்ட் ரெளத்திரம் பழகி  பின்னால் ஸ்கெட்ச் போட்டு கொரில்லா யுத்தம் செய்கிறார்கள்.யுத்தம் செய்யும் போது  யாரிடமும் மாட்டாதபடி SOP,Six Sigma,Kaizen, why why analysis கடைப்பிடித்து யுத்ததில் நடைமுறைப்படுத்துகிறார்கள்.

ஏற்கனவே இது மாதிரி ஒரு தாத்தாவும் (இந்தியன்),இன்னொரு தாத்தவும்(ஒரு கைதியின் டைரி) மற்றும் எஸ்.ஏ. சந்திரசேகர் கதாநாயகர்கள் தங்கள் நீதி மன்றத்தில் நிறுத்தி தண்டனை வழங்கினார்கள்.

என்ன அநியாயம்? காமவெறி பிடித்த வக்கிர(voyeuristic) மூத்த குடிமகன்கள் நேரலை செக்ஸ் காட்சிகளுக்காக நகரத்தில் பெண்கள் சீரழிக்கப்படுகிறார்கள்.கொலை செய்யப்படுகிறார்கள்.இதை ரெளடிகளும், தீய ஆட்டோ டிரைவர்களும்,போலீஸ் கருப்பு ஆடுகளும் கூட்டணிப் போட்டு செய்கிறார்கள்.பணம் புரளுகிறது.

சிபிஐ சிஐடி அதிகாரியான சேரனின் தங்கையும் கடத்தப்படுகிறார். தன் சொந்த வேலையாகவும் அரசு வேலையாகவும் இதை எடுத்துக்கொண்டு சேரன்
துஷ்டர்களை கண்டுப்பிடிப்பதுதான்  கதை.இவரும் இந்த வளையத்திற்குள் நல்லவன் கம் கெட்டவன் என பயணிக்கிறார்.

டைரக்டர் மிஷ்கின் கதையைச் சுவராசியமாகச் சொல்லி இருக்கிறார்.படம் கிரைம் த்ரில்லர் என்றாலும் ஒரு horror படத்திற்குண்டான திகிலும் கலந்திருக்கிறது.பாராட்ட வேண்டிய விஷயம்.பல காட்சிகள் அசத்துகிறது.
முக்கியமாக கடைசிக் காட்சிகள் அருமை.

ஆபாசம் காட்ட வாய்ப்பு இருந்தும் காட்டாமல் விட்டதற்கு பாராட்டியே ஆக வேண்டும்.

மிஷ்கினின் காட்சி ஊடக மொழி வித்தியாசமாக இருக்கும்.இதன் குறிகோள் என்ன?காட்சியின் ஆழமும் உயிர்துடிப்பும்  பார்வையாளனை ஒன்ற வைத்து வசனத்திற்கு வேலை இல்லாமல் காட்சியை நகர்த்துவதுதான். காட்சியின் ஒவ்வொரு துளியும் பார்வையாளனைப் பாதிக்கவேண்டும்.


இந்தப் படத்தில் இவரின்  காமிரா  மொழி சற்று ஓவராகி ஓட்டம் மெதுவாகிறது.கிரைம் த்ரில்லார் படத்துக்கு வேண்டிய விறுவிறுப்பு முன் பாதியில் இல்லை. பஸ் பயணத்தில் அங்குங்கு சாப்பாட்டுக்கு நிறுத்துவது போல் இவர் கேமராவை காட்சிகளில் காமிராவை நிறுத்தி நிறுத்தி ”பிலிம்”
காட்டுகிறார்.காட்சியின் ஆழம்தான்(நடுநிசியில் அசோக் நகர் காவல் நிலையம் ) காமிராவின் போக்கிலேயே உறைக்கிறதே. இப்படி நிறுத்துவது படத்திற்கு என்ன மதிப்பு கூட்டுகிறது என்று தெரியவில்லை.

(தன் ரூமில் இறைந்துக்கிடக்கும் புத்தகங்களில் நடுவில் உட்கார்ந்திருக்கும் காட்சி,எட்டுகால் பூச்சி காட்சி,மற்றும் வேறுஒரு காட்சி, காட்சியின் தீவிரத்தைக் காட்டாமல் வருடாந்திர காலண்டர் பக்கங்களுக்கான "photoshoot" போல் படுகிறது)

அதற்குப்பதிலாக முன்பாதியின் கதையை பார்வையாளர்கள் புரிந்துக்கொள்ளும்படி புத்திசாலித்தனமாக நகர்த்தி இருக்கலாம்.பின் பாதி சுறுசுறு விறுவிறு.முடிச்சு அவிழ்ந்து மர்மம் விலகும் காட்சிகள் கலக்கல்.

படம் எந்த ஒரு தனித்தன்மை இல்லாமல் ஒரு கலவையாக இருக்கிறது.அடிக்கடி யதார்த்தைவிட்டு  தடம்புரண்டு விலகி மீண்டும் சேருகிறது.காமிரா மொழி?இதே மாதிரி கிரைம் த்ரில்லர் ”ஈரம்” படம் எந்தவித பந்தா இல்லாமல் அதில் பார்வையாளர்கள் ஒன்றி சுவராசியமாக காட்சிகள் ஓடியது.இது ஏன் அப்படி இல்லை?

இம்முறை கையோடு டார்ச் லைட் எடுத்துக்கொண்டுபோய் அடித்துப்பார்த்ததில் குறியீடு ஒன்றும் தெரியவில்லை.

 நடிகை லட்சுமி ராமகிருஷ்ணன்

பாத்திரங்களுக்குத் தேர்வான எல்லா நடிகர்களும் அருமை. இசக்கியாக வரும் அசோக் நகர் காவல் நிலைய இன்ஸ்பெக்டர் கலக்குகிறார்.ஜெயபிரகாஷ்,செல்வா,
லட்சுமிராமகிருஷ்ணன்,மகேந்திரன்,வில்லன்கள், போலீஸ் ஆபிசர்கள் அருமை.

சேரனும் பாத்திரத்தை உணர்ந்து செய்திருக்கிறார்.மிடுக்குக் காட்ட வேண்டிய இடங்களில் ஏன் காட்டமாட்டேன் என்கிறார்.குழப்பமாக இருக்கிறது.

சேரனின் உதவியாளர்களாக வரும் திபா ஷா,ஷங்கர் இருவரும்தான் பட்டுக்கோட்டை பிரபாகர் நாவலில் வரும் பரத்,சுசீலா கணக்காக இருக்கிறார்கள்.

இசையமைப்பாளர் கிருஷ்ண குமார்.

இசை கே என்னும் கிருஷ்ண குமார்.முதல் படம். அதுவும்
கிரைம் த்ரில்லர்.சவாலான வேலை.நன்றாகச் செய்திருக்கிறார். வித்தியாசமாக இருக்கிறது.வாழ்த்துக்கள். ஆனால் சில இடங்களில் காட்சியோடு ஒட்டாமல் அமெட்சூர் நெடி அடிக்கிறது.முதல் காட்சியில் ஏன் வயலினை இந்த உரசு உரசுகிறார்.இது என்ன விதத்தில் இந்தக் காட்சியின் ஆழத்தைக் காட்டுகிறது என்று புரியவில்லை.அதே வயலின் அட்டைப்பெட்டிக் காட்சிகளில் பொருந்தி அசத்துகிறது.

சேரன் பாலத்தில் போடும் சண்டை, சண்டையா? காமெடியா?யதார்த்தமாகவே இல்லையே.ஜப்பான் படத்தில் இப்படித்தான் போடுவார்களோ?இந்தக் காட்சியின் பின்னணி ராஜாவின் இசையின் இருந்து சுடப்பட்டது?

சேரன் தன் தொலைந்துப் போன தங்கையின் போட்டோவைக்காட்டி வருத்தத்தோடு ஆட்டோ ஓட்டுனர்களிடம் விசாரிக்கையில் அவர்கள் பதில் சொல்லாமல் நக்கல் அடிப்பது யதார்த்தமாகவே இல்லையே.இது மாதிரி சில இடங்கள் யதார்த்தைவிட்டு விலகி ஒட்டாமல் நிற்கிறது.

குற்றம் குறைகள் இருந்தாலும் சுவராசியமான ஒரு கிரைம் த்ரில்லர்.மிஷ்கின் தன்னுடைய உலகத்தரமான காமெரா மொழியை காட்டாமல் அடுத்தப் படத்தில் ”காட்ட” வேண்டும்.

நந்தலாலா - விமர்சனம்

கிட்டத்தட்ட ஒன்றரை வருடங்கள் பயணித்து நேற்றுதான் தியேட்டருக்கு வந்தது இந்த பயணப் படம் நந்தலாலா.

பாம்பே டு கோவா, மெட்றாஸ் டு பாண்டிச்சேரி என்று பயணத்தை மூலமாக வைத்து படங்கள் வந்தது.இதிலெல்லாம் ஒரு குறிகோளோ அர்த்தமோ இல்லாமல் ஒரு ஜாலி டிரிப் நோக்கத்தில் இருக்கும். சமீபத்தில் வந்தப் படத்தில் ஒரு குறிகோள் உண்டு.அது குவார்ட்டர் கட்டிங் அதற்காக ஒரு இரவு பயணம்.

நந்தலாலாவும் ஒரு பயணப்படம்தான்.

இதில் முன் திட்டம்,முன்பதிவு,முன்யோசனை எதுவும் இல்லாமல் குருட்டாம் போக்கில் பயணம். ஆனால் இது ஒரு வித்தியாசமான பயணம்.தொப்புள்கொடி ஊடே பயணித்து முன்பின் பார்த்திராத அம்மாவைத் தேடும் பயணம். அம்மாவைத் தேடி ஒரு ஆறு(ஏழு/) வயது பள்ளிச் சிறுவனும்,மனநிலை சரி இல்லாத ஒரு குழந்தை இளைஞனும் “அன்ன வாசல்” தாய்வாசல்”  என்று தம் தம் ஊருக்கு செல்லுகிறார்கள்.

இருவர் இடையே உள்ள அம்மா பாசத்திற்கு ஏங்கித் தவிக்கும் கெமிஸ்டரியில் நெடுஞ்சாலையில் பயணித்து கடைசியில் அந்த கிராமங்களுக்கு போய் சேருகிறார்கள். முடிவில் அம்மாவைப் பார்த்தார்களா? திரையில் பார்த்துத் தெரிந்துக்கொள்ளவும்.

இதில் வரும் அம்மாக்கள் வழக்கமான சினிமா அம்மாக்கள் அல்ல.அம்மாக்கள் தங்கள் குழந்தைகளை மறுக்க ஊனம்,மனநலம்,கள்ளக்காதல் இன்னபிற பல காரணங்கள்.

முன்னே மகேஷ் முத்துசாமி (காமிரா) பின்னே இளையராஜா தொடர இருவரும் ரத்தமும் சதையுமாக பயணிக்கிறார்கள்.இடையில் நிறைய விளிம்பு நிலை மனிதர்களை சந்தித்தபடி போகிறார்கள். 95% லாஜிக்கோடு பயணம்.

இயக்குனர் மிஷ்கின் இந்தப் படத்தை செதுக்கி உள்ளார் என்றுதான் சொல்ல வேண்டும்.அவரே மன நலம் சரியில்லாத இளைஞனாக பாத்திரம் ஏற்று வாழ்ந்திருக்கிறார். பாலுமகேந்திரா வசதியாக குளிர் மலைப் பிரதேசத்தை தேர்ந்தெடுத்துக்கொள்வது போல் இவர் பச்சை பசேல் நெடுஞ்சாலை.

இரண்டரை மணி நேர பாசங்குத்தனங்கள் மிகவும் கம்மியான குறும்படம் அல்லது பத்துப்பக்க குறுநாவல்.

முதல் காட்சியே, பள்ளி முடிந்து பல குழந்தைகளும் தத்தம் அம்மாக்களோடு வீடு திருமபிப் போக இவன் மட்டும தனக்கு அம்மா இல்லாத தாழ்வு மனப்பான்மையில் தலை குனிந்திருப்போதோடு ஆரம்பிக்கிறது. படம் முழுவதும் வசனங்களைவிட காட்சிகள்தான் பேசுகிறது.

முதலில் மெதுவாக தொடரும் பயணம் ஒரு கட்டத்தில் சூடுபிடிக்கிறது.ஒரு கட்டத்தில் சோகம் அப்ப ஆரம்பிக்கிறது.

சிறுவன் நடிக்கும் அஸ்வத்ராம் தாரே ஜமீன் பர் படத்தில் நடித்தவனாம்.மிகை இல்லாமல் முகத்தில் அம்மா வருத்தத்தோடு வாழ்த்திருக்கிறார்.பாலியல் தொழிலாளியாக வரும் ஸ்னிக்தா அகோல்கர் ஒல்லிக்குச்சியாக பொருந்திவருகிறார். ரோகிணியும் அம்மாவாக வருகிறார்.இது தவிர சில அம்மாக்கள். தோன்றும் மூன்று பெண்களும்(வேலைக்காரி/அம்மா/ஸ்னிக்தா) ஒரே மாதிரி தோற்றத்தில் இருந்து சற்று குழப்புகிறார்கள்.

இப்போது பள்ளி சிறுவன் கடத்தல் சீசன். அதனால் சிறுவன் சரியாகப் போய் சேருவானா என்று ஒரு பதைபதைப்பு உள்ளுக்குள் படம் பார்க்கும்போது ஏற்படுகிறது.

தன்னிடம் பயணிக்கும் இளைஞனை “மாமா” என்று விளிக்க ஆரம்பிப்பது ஒரு குறியீடு. தான் தேடிப்போகும் “அம்மா”வின் உடன்பிறந்தவனாக நெருங்கிப்

போவது அருமை. ஜாதிகலவரத்தில் உன் ஜாதி என்ன என்று யாரோ கேட்க இளைஞன் “மெண்டல்” என்று சொல்வதும் அருமை.

அரை படம் முழுவதும் தொளதொளப் பேண்ட்டின் இடுப்புப்பட்டையை பிடித்தப்படி இருக்க ஸ்னிக்தா சரி செய்து இடுப்பில் கயிறு கட்டிவிடுவது சூப்பர் டச். இப்படிப்பிடிக்காமல் இருந்திருந்தால் பாத்திரத்தின் லூசுத்தனம் அவ்வளவுவாக வெளிப்பட்டிருக்காதோ?

டைட்டில் முதலிலேயே இசை இளையராஜா என்று போடப்படுகிறது.

இசை லாலா ராஜா.(லாலா என்றால் பெரியண்ணன் என்ற அர்த்தமும் உண்டு)இந்தப் படத்தின் ஒவ்வொரு திசுக்களுக்கும் ராஜாவின் இசை ஆக்ஸிஜன் எடுத்துச்செல்கிறது.ரொமப நாளைக்குப் பிறகு இளையராஜாவிற்கு Full Meals.

அதுவும் “அம்மா” கதை ஆச்சே “சும்மா” விடுவாரா? ஸ்டார்ட் மீயூசிக்தான்.

படத்தின் அமைதியிலும் ராஜா இருக்கிறார்.ராமாராஜன்/ராஜ்
கிரண்களுக்குத்தான்  அம்மா பாட்டு.இங்கும் எதற்கு ஸ்டிரியோ டைப் அம்மா பாட்டு. படம் முழுவதும்தான் இதேதானே ஓடுகிறது?


ஹாஸ்பிடல் சீன்/ வீடுவிடாக தன் அம்மாவைத் தேடும் சீன் ராஜா  பின்னணியில் அசத்துகிறார்.

குறைகள்:

படத்தின் நீளம்.காட்சி ஊடம்தான் சினிமா என்றாலும் அதற்காக சில இடங்களில் பாத்திரங்கள் அடைப்படை வசனம் கூட பேசாது ரோபோ மாதிரி இருப்பதைத் தவிர்த்திருக்கலாம்.

இருவரும் ஒருவரை ஒருவர் கடந்து செல்வதோடு படத்தை முடித்திருக்கலாம்.தாக்கம் இருக்கும்.

மொத்தத்தில் மனதில் தாக்கத்தை ஏற்படுத்தும் படம்.

வ குவார்ட்டர் கட்டிங் - பட விமர்சனம்

மதுபான விளம்பரத்திற்குத் தடை என்று வந்ததும் King Fisher மினரல் வாட்டர்,Haywards/Bagpiper சோடா,Smironoff காசெட்டுகள்,Teacher"s

சாதனை விருதுகள் மற்றும் Royal Challenge கிளாஸ் டம்ளர்கள் என்று மறைமுகமாக(surrogate ad)விளம்பரம் கொடுத்து”டகால்டி”செய்தார்கள்.

ஆனால் இதையும் அரசாங்கம்  தடை செய்தது.

அதே மாதிரிதான் டைட்டிலில் “வ குவார்ட்டர் கட்டிங்”.டைட்டிலுக்கே சப் டைட்டிலாம்.படத்தில் கண்டமேனிக்கு எல்லோரையும் கலாய்ப்பது போல் டைட்டிலிலும் கலாய்ப்பா?உள்ளே மவுண்ட்ரோடு,மெட்ராஸ்..?

சுந்தர்ராஜன்(சிவா)என்கிற சுரா(சுரா என்று கூப்பிட்டால்தான் அவனுக்குப் பிடிக்கும்)கோயம்பத்தூரிலிருந்து சவுதிக்குப் போக சென்னை வந்து தன் வருங்கால மாமா(சரண்)(அக்காவை காதலிப்பவர்)ரூமில் தங்குகிறான்.

சரண் ஒரு மாட்டு டாக்டர்.

மறுநாள் காலை நாலு மணிக்கு விமானம்.அன்று இரவு ஒரு குவார்ட்டர் கட்டிங்(XXX)போட்டுதான் விமான ஏறுவது என்று லட்சியமாக் கொண்டு கட்டிங்த் தேடி மாமாவுடன் தருமமிகு சென்னையில் அலைகிறான்.
தேர்தல் நாள் வருவதால் மூன்று நாட்கள் டாஸ்மாக் கடைகள் கிடையாது.நொந்து போகிறான்.

கட்டிங்கைத் தேடி ஓடுகிறான்...ஓடுகிறான்...
வாழ்க்கையின் ஓரத்திற்க்கே ஓடுகிறான்.அவன் லட்சியத்திற்குக் குறுக்காக நிறைய இடையூறுகள்...சவால்கள்...கடைசியில் அவன் கட்டிங் லட்சியம்நிறைவேறுகிறதா.? படம் பார்க்கவும். 
இதுதான் வ குவார்ட்டர் கட்டிங்கின் சரக்கு(கதை.

கதை ஒரே இரவில் நடக்கிறது.சீரியஸ்னெஸ் இல்லாத கதை.ஆனால் நிறைய சிரிக்க வைக்கிறார்கள்.நடுவில் நமுத்த அப்பளம் போல் கதை சுவராசியம் இல்லாமல் போய் பின்னால்  1/24 அளவு விறுவிறுப்பு கூடுகிறது.சில இடங்களில் இம்சை அரசன் 24ஆம் புலிகேசி பார்ப்பது போல் லாஜிக்கே இல்லை.
கடைசியில் கும்பிடப் போன தெய்வம் குறுக்கே வந்து  கூரையைப் பிச்சிட்டு கொடுப்பது நல்ல டிவிஸ்ட்.

வித்தியாசமான கேமரா ஒளியில் சொல்லப்பட்டு ரசிக்க முடிகிறது. 

தமிழ்ப்படத்தின் ஹாங்க் ஓவர்கள் அங்கங்கு தெரிகிறது.ரசிகர்களும் அதே ஹாங்க் ஓவரில்தான் படத்திற்கு வந்திருப்பார்களோ?டைட்டில் குவார்ட்டர் கட்டிங் ஆச்சே?

கதாநாயகன் சிவா வழக்கமான எஸ்வி சேகர்த்தனமான காமெடி.இது அவருக்குப் பொருந்தி வருகிறது.நன்றாக செய்திருக்கிறார்.ஆனால் அதே தமிழ்ப்பட வாய்ஸ் மாடூலேஷன் காமெடி.இது மாதிரியே தொடர்ந்தால் மேஜர் சுந்தராஜன் ஆகி விடுவார்.மாமாவாக வரும் சரண் நன்றாக செய்திருக்கிறார்.இவர் மனதில் நிற்கிறார்.வித்தியாசமான கேரக்டர்.

         டைரக்டர் காயத்ரி-புஷ்கர்

கதாநாயகி(?)லேகா வாஷிங்டன் ஜோடி அல்ல.கட்டிங் லட்சியத்தின் குறுக்கே வந்துபோகும் ஒரு மக்குப் பெண்.அவரும் நன்றாக செய்திருக்கிறார்.

செட்டிங்குகள் ஏன் சைனீஸ் ரெஸ்டாரெண்டுபோல் சிவப்பு நிறத்தில்?நைட் எபெக்ட்டா?இசை ஜி.வி.பிரகாஷ்.சுமார்.லேகா பாடும் பாட்டின் நடன அமைப்பு நன்றாக இருக்கிறது.”உன்னைக் கண் தேடுதே” பழையப் பாட்டு ரிமிக்ஸ் வேறு உண்டு.கொடுமை.

மறு நாள் 4 மணிக்கு விமான ஏறப்போவதின் சீரியஸ்னெஸ் இல்லாமல் குவார்ட்டருக்கு அலைவது ஒரு கட்டத்தில் அபத்தம்.வசனங்களில் மட்டுமில்லாமல் பின்னணி,உடை,சக நடிகர்கள் முகங்கள்,ஆங்கிலோ இந்தியர்கள் பேசும்தமிழ்,வாகனங்கள் என்று நகைச்சுவையை கொண்டுவந்திருக்கிறார்கள்.

சொன்ன கதை குழப்பில்லாமல் சொல்லப்பட்டிருக்கிறது.படபிடிப்பு அருமை(நிரவ் ஷா).

ரசித்த ஜோக்குகள்:

(பாலத்தில் தற்கொலைக்கு முயலும் பெண்ணை காப்பாற்ற தூக்கும்போது)”சாவற்த்துக்கு முன்னேமே பொணம் கனம் கனக்கற”.

சரண் அணிந்திருக்கும் சட்டைப் பாண்ட்டைப் பார்த்து “மூணு மொட்டை மாடில திருடினா மாதிரி இருக்கு”

படத்தில் இன்னும் கூட புல் கதைக்கொண்டு வந்து சுவராஸ்யம் கொண்டு வந்திருக்கலாம்.

”அவதார்” ராவணன் -விமர்சனம்

”நீங்கள் தொடர்பு கொள்ளும் வாடிக்கையாளர் தொடர்பு எல்லைக்கு வெளியே இருக்கிறார் ” என்ற தகவல் தொடர்பு சம்பந்தமான ஆட்டோமேடிக் குரல் ஒன்றை செல்லில் அடிக்கடி கேட்கலாம்.இந்தப் படத்தை பார்த்துக்
கொண்டிருந்த போது அப்படித்தான் தொடர்பு எல்லைக்கு வெளியே 2000 கி.மி. தூரத்தில் சுத்தமாக ஒட்டாமல் இருந்தேன்.

இத்தனைக்கும் இப்படத்தில் தமிழ்நாடு சம்பந்தமான திருநெல்வேலி,பிரபு,கார்த்திக்,ப்ரியா மணி,விக்ரம்,வையாபுரி,பரிசல்,காடு,அருவி,மலை கிராமம்,குகை, இருட்டு( மணிரதனம் அல்ல)தாவணி,மல்லிகைப்பூ,மணிரத்னம்,சுஹாசனிஎல்லாம் போட்டு அடைத்து இருக்கிறார்கள்.

ஆனால் ”அவதார்” பட கிரகவாசிகளைப் போல் படு அந்நியமாக இருக்கிறார்கள்.பேசுகிறார்கள்.கம்புயூட்டர் வடிவமைத்த டான்ஸ்ஆடுகிறார்கள்.கோனாரக் கோவில் அருகே கல்யாணம் நடக்கிறது.சுத்தமாக வட்டரத்தன்மை காணவில்லை.காட்டும் வட்டாரத் தன்மையிலும் ஒரு Hi-Fiத் தனம்.

ராமாயணத்தின் கதைதான் ஒன் லைன் ஸ்டோரியாக பெரிய கேன்வாசில் வழக்கமான மணியின் non-linearல் சொல்லப்பட்டிருக்கிறது.ஆழம் இல்லை.ஏன்? எதற்கு? என்ற அடிப்படையில்லாத சம்பவங்கள் non-linear narration ல் நீர்த்துப் போகிறது.

பழங்குடி மக்களின் தலைவன் தங்களுக்கு போலீஸ் இழைக்கும்/இழைத்த அநீதிக்கு எதிராக பழி வாங்கும் நோக்குடன் SPயின் மனைவியை (ராகினி) கடத்தி காட்டிற்கு கொண்டு சென்று 14 நாட்கள் வன வாசம் வைத்துவிட்டு திருப்பி அனுப்புகிறான்.இடையில் நடக்கும் சம்பவங்கள்தான் கதை.  கடைசியில் என்ன ஆகிறது? முடிவைத்திரையில் பார்க்கவும்.

வனவாசத்தில் ராகினிக்கும் வீராவுக்கும் ஏதாவது கெமிஸ்டரி,பிசிக்ஸ்,ட்ரிக்னாமெண்டரி எப்படி இருக்கிறது என்பதை பிரேமுக்கு பிரேம் காவியத்தன்மையுடன் சொல்ல விழைகிறார்கள்.

சொன்னார்களா? சுத்தமாக இல்லை.

படத்தில் சுத்தமாக ஜீவனே இல்லை. Soul is dead.படு செயற்கையான டப்பிங் பட mismatch வசனங்கள் அண்ட் mismatch உணர்ச்சிகள்.மெயின் கதைக்கு அணைந்து வராத காட்சிகள்.மெயின் கதாபாத்திரங்களும் அவர்கள் உணர்ச்சிகளும் வெறும் பில்ட அப்தான்.சுத்தமாக ஒட்டவே இல்லை.

சாதாரண வசனங்களை ரொம்ப படுத்தி எடுத்து ஹாலிவுட் ஸ்டைல் ஆக்கி.....?வசனங்களுக்கு சுஹாசினி கோனார் நோட்ஸ் போட்டால் நல்லது.காட்சிகளை ஆழமாக உள் வாங்காமல் அசட்டுத்தனமான அச்சு பிச்சு வசனங்கள்.

அருமையான பின்னணிதான் நம்மை பரிதாமாக கெஞ்சி ஒரளவுக்கு ஒட்ட வைக்கிறது.

மூன்று மொழியில் ஒரே சமயத்தில் எடுக்கப்பட்டு, தமிழ்+ஹிந்தி+தெலுங்கு மூன்றையும் கூட்டி காட்சி அமைப்பு+எமோஷன்+கதாபாத்திரங்கள்+லோகேஷன்+வசனம்+உடை போன்றவைகளுக்கு ஒரு ஆவரேஜ் எடுத்து குழம்பி,குதறி ரெண்டுங்(மூன்று?) கெட்டானாக படம் பல் இளிக்கிறது.

ஆனால் ஓவர் பிலட் அப்போடு இளிக்கிறது.

பாடலகள் ஆவரேஜ்தான். வழக்கமாகவே ரஹ்மான தமிழ்+இந்தி+குளோபல்= ஆவேரஜ் எடுத்து பாட்டைக் கம்போஸ் செய்வார்.இதிலும் அதே.அதே ரெண்டுங்கெட்டான் தனம். ”உசிரே போகுது” ”கெடக்காரி”பாடல்கள் ஓகே. “கள்வரே” பழைய எம் எஸ் விஸ்வநாதனின் பாடலை பாலிஷ் செய்து போடப்பட்டது? பின்னணி நிறைய இடங்களில் அமைதியாகவே இருக்கிறது.”கோடுபோட்டா” பாடல் அருமையாக படமாக்கப்பட்டிருக்கிறது..

அசோகவனத்து Lux Supreme சீதாவாக ஐஸ் வருகிறார்.நடிப்பு? விக்ரம் அச்சு அசலாக வீராவாக வருகிறார். பாராட்டுக்கள்.உழைப்பு எல்லாம் வீண்.
பிருதிவிராஜ் நல்ல நடிப்பு. தலையில் கொண்டைப் போட்டு கையில் வில் கொடுத்தால் அப்படியே சாட்சாத் ராமர்பிரான்தான். மழுங்க மழித்த சாந்தமான ராமன் முகம்.

அனுமான் கார்த்திக் காமெடி தெலுங்கு டப்பிங் டைப் ஹிம்சை.

தியேட்டரில் எல்லோரையும் கலகலக்க வைத்தது ”கதவைத் திற காற்று வரட்டும்” ஹிரோயின் ரஞ்சிதா. முகம் காட்டும் போதெல்லாம் தியேட்டரில் விசில் பறக்கிறது. ப்ரியா மணியும் பிரபுவும் குறுக்கும் நெடுக்கும் வந்து போகிறார்கள்.

அருமையான லோகேஷன்.அருமையான கேமரா, விக்ரம் நடிப்பு.

மொத்தத்தில் மணிரத்னம் “பிலிம்” காட்டி வா(லி)ட்டி வதம் செய்துவிட்டார்.

அங்காடித் தெரு - விமர்சனம்

எப்படித்தான்  அவ்வளவு ரகத்துணிகளையும் காட்டி, கஸ்டமர்களுக்கு எதுவும் பிடிக்காமல் போய்,மீண்டும்  பொறுமையாக (திட்டிக்கொண்டே)அழகாக அடுக்கி வைத்து , மறுபடியும் அடுத்த கஸ்டமருக்கு......? என்று பல முறை யோசித்ததுண்டு.

இதுக்குத்தான் சம்பளம் கொடுக்கிறாங்க என்று கஸ்டமர்கள் சொல்வதுண்டு.ஆனால் இந்த குத்தலுக்கு மேல்  இவர்களுக்கு சொல்ல முடியாத ரணங்கள் இருக்கிறது.

நடிகைகளின் விளம்பர சிரிப்பில் பளபளக்கும் பிரம்மாண்ட அடுக்குமாடி துணி கடைகளில் வேலைப் பார்க்கும்(நீல காலர் தொழிலாளர்கள்?) விற்பனைப் பெண்/ஆண் வர்க்கத்தின் வேலையில் சந்திக்கும் அவலங்களை நெஞ்சைப் பதற வைக்கும் காட்சிகளாக அண்ணாச்(சீ)ங்காடித் தெருவில் (ஆவணத்)திரைப்படமாக எடுத்துள்ளார் இயக்குனர் வசந்த பாலன்.

இங்கு வேலை பார்க்கும் சேல்ஸ்பிரிவு பெண்/ஆண்களை ஒரு முறையாவது  உற்று பார்க்க வைத்துவிட்டா இயக்குனர்.

ஆரம்பத்தில் ஒரு அண்ணாச்சி கடைக்கு நன்றி சொல்லிவிட்டு,அண்ணாச்சி வட்டாரவழக்கே பேசவிட்டு, மெயின் அண்ணாச்சி அங்காடித் தெருவிலே நடப்பதாகக் காட்டி,ஒரு அண்ணாச்சியே நடிக்க விட்டு, அண்ணாச்சி வட்டரா பெயர்களேயே சூட்டி“இதில் வரும் நிகழ்ச்சிகளும், கதா பாத்திரங்களும் கற்பனையே” என்கிறார் இயக்குனர்.படம் முழுவதும் அண்ணாச்சிகள்,அக்காச்சிகள்தான்.

நெம்ப தெகிரியம் ஜாஸ்தி அண்ணாச்சி.

இந்த மாதிரி சென்னையில் அடுக்கு மாடி செந்தில் முருகன் துணிக்கடையில் கவுண்டர் சேல்ஸ் வேலைப் பார்க்க்கிறார்கள் ஜோதிலிங்கம், கனி. இங்கு இவர்களுக்கும் மற்றவர்களுக்கும் முதலாளிகளால் நடக்கும் தொல்லைகள் ஒரு(பல?) பக்கம்.இந்த தொல்லைக்ளுனூடே ஜோதிலிங்கம், கனிக்கும் காதல் மலர்கிறது.

பிறகு காதலுக்கும் கடையே எதிரியாகி பல வித ரணங்களுக்கு பிறகு  கடையை விட்டு வெளியேறுகிறார்கள்.இந்த மெயின் கதையோடு சில கிளை கதைகளூம்.

வழக்கமான காதலாக சொல்லாமல் பணியிட தொல்லைச்சார்ந்து  அதனுடன் பின்னிப்பிணைந்து love-hate ஆகச் சொல்லி இருப்பது அற்புதம்..எல்லா காட்சிகளுமே இப்படி ஒட்டி வரும்படி செய்த இயக்கனருக்கு பாராட்டுக்கள்.
குழப்பமில்லாமல் தெளிவாகப் போகும் திரைக்கதை.யதார்த்தமான வசனங்கள்.சென்னையில் கதை நடந்தாலும் முக்கால்வாசி “அண்ணாச்சி” மொழிதான்.

அச்சு அசலாக காட்சியின்  பின்னணிகளூம்.

அஞ்சலி(கனி), மகேஷ் (ஜோதிலிங்கம்) ரொம்ப யதார்த்தமாக வந்து தாக்குகிறார்கள். மகேஷுக்கு ஆஸ்கர் அவார்டு கொடுக்கலாம்.அஞ்சலியும் அச்சு அசலாக அப்படியே இருக்கிறார்.இதில் வரும் அஃறிணை உயர்திணை எல்லாமே உயிரோட்டத்துடன் உலாவ விடுகிறார் கேமரா மேன் ரிச்சர்ட் நாதன்.நண்பனாக வரும் பாண்டி,சூப்பர்வைசர் வெங்கடேஷ் இருவரும் மனதில் நிற்கிறார்கள்.

முதலில் வரும் சென்னை இரவு காட்சிகள் ரொம்ப யதார்த்தம்.

நடுவில் ”காதல்” படம் நினைவு வருகிறது.மகேஷின் முகம் நடிகர் பரத்தை வேறு நினைவுப்படுத்துகிறது.இந்த மாதிரி  ரெண்டு அல்லது மூன்று நாள் தாடி “பாண்டிபயல்கள்’ படத்திற்கு படம் தோன்ற ஆரம்பித்துவிட்டதால் ஸ்டிரியோடைப் ஆகி விட வாய்ப்பு இருக்கிறது. இனி வரும் படங்களில் தவிர்க்க வேண்டும்.

சரி... இவ்வளவு யதார்த்தமாக இருக்கும் படம்  நிறைவு  தருகிறதா?

படத்தின் நீள............ம்.வேண்டாத  ஒரு பக்க கதைச் சொருகல்கள் பல. முதலில் நெஞ்சில் அறைந்த வந்த பணியிட அவலக்காட்சிகள் ஒரு கட்டத்தில் ஓவர் டோசாகி நீர்க்கிறது. ஒரு கட்டத்தில் இயக்குனருக்கும் அண்ணாச்சிக்கும் ” பெர்சனல் வெஞ்சன்ஸ் போல” என்றும் எண்ணும்படி வைக்கிறார்

அடுத்து பழைய கால படம் போல ஓடினார்கள்,ஓடினார்கள் வாழ்கையின் ஓரத்திற்கே ஓடினார்கள் என்றபடி சோகத்தைப் ரெடிமேட் பீஸ் போல் அடுக்கித் தாக்குகுகிறார் வசந்தபாலன்.ஓவர் மெலோடிராமா. யதார்த்தம் நீர்க்கிறது. “நறுக்” என்று சொல்லி அறைந்திருக்கலாம்.

வெட்டி ஒட்டி இருந்தால் படத்திற்குப் படமும் அவர்களின் அவலங்ளைச் சொன்ன மாதிரியும் பளிச்சென்று இருந்திருக்கும்.

இப்படத்தில் இரண்டு பேர் இசையமைத்திருக்கிறார்கள்.விஜய் ஆண்டனி,ஜி.வி.பிரகாஷ்.

”அவள் அப்படி ஒன்றும் அழகில்லை” என்ற கல்யாணி ராகத்தில் போடப்பட்டமெலடி இனிமை."உன் பெயரை சொல்லும்” ஓகே ரகம்.”கண்ணில் தெரியும்” அப்பட்டமான ரஹுமான் சாயல் பாட்டு.

பின்னணி இசை: விஜய் ஆண்டனி,ஜி.வி.பிரகாஷ். இரண்டு பேரையும் அதே அண்ணாச்சி கடையில் சேல்ஸ் பிரிவில் ஒரு வருடம் வேலை பார்க்கச் செய்ய வேண்டும். பின்னணி படு மட்டம்.காட்சியின் உணர்ச்சிகளைப் வெளிப்படுத்தாமல் ”“டொட்டொய்ங் டொட்டொய்ங்”வாசிக்கிறார்கள்.அற்புதமாக மூட் லைட்டிங்கில் எடுக்கப்பட்ட காட்சியின் செத்து சவமாகிறது.

உதாரணமாக கடை முதலாளி பிள்ளையாரை கும்பிடும் காட்சிப்பின்னணியில்,வயலினில் வெஸ்டர்ன் கிளாசிகல்.பொருந்தவே இல்லை.

படத்தில் கும்பல் கும்பலாக கேரக்டர்கள் வருவதால் இசைக்கும் கும்பலா?நான் வலது பக்கம் நீ இடது பக்கம் என்று பிரித்து அடித்திருக்கிறார்கள்.


டெயில் பீஸ்:

படத்தின் இடைவேளையில் “நந்தலாலா” வின் முன்னோட்டம் காட்டப்பட்டது.அதில் ஒரு லாங்க் ஷாட் காட்சியில், highwayல் மோட்டாபைக் ஒன்று வருகிறது.அதன் பின்னணி இசையை கேட்க வேண்டிவிஜய் ஆண்டனி,ஜி.வி.பிரகாஷ் இருவருக்கும் பரிந்துரைக்கிறேன்.

உடனே சங்கம் தியேட்டர் செல்லவும்.

இசை யார் ??????????

விண்ணைத் தாண்டி வருவாயா?

காதல் கதை சீசன் முடிந்து பல மாதங்கள் ஓய்ந்துப்போய் மீண்டும் ஒரு காதல் கதை.ஒரு (அப்பர்?)மிடில் கிளாஸ் காதல் கதை.மாடி வீட்டு (த்ரிஷா) ஓனர்ப் பெண்ணைக் கிழ் விட்டு வாடகை வீடு சிம்பு 500%(கண்டதும் காதல்)காதலிக்கிறார்.அவள் மலையாளி கிறிஸ்டியன்.இவர் இந்து.அவள் இவனை விட ஒரு வயது பெரியவள்.

த்ரிஷாவுக்குப் பிடிக்கிறது.ஆனால் பிடிக்கவில்லை.பிடிக்கிறது.
ஆனால்பிடிக்கவில்லை.பிடிக்கிறது.ஆனால் பிடிக்கவில்லை.இவளுக்குப் பிடித்தாலும் அப்பா சத்தியமாக கல்யாணம் செய்ய அனுமதிக்க மாட்டார்.அவர் ஒரு உண்மையான கிறிஸ்டியன்.

ஒரு மாதிரி இரண்டும் கெட்டான்தனமாக  த்ரிஷா-சிம்பு மாட்டிக்கொண்டு அல்லாடுகிறார்கள். காதல் வெற்றி பெற்றதா?

இருவரின் காதல் போராட்டம் ரியாலிடி ஷோ மாதிரி கண் முன் ஓடுகிறது.சிம்பு நேர்த்தியாக ஹேர்கட் செய்துகொண்டு ஸ்மார்ட்டாக இருக்கிறார். நடிப்பும் அதே ஸ்மார்ட்.த்ரிஷா சிம்புவை மிஞ்சுகிறார்.அவர் முகத்தில் எப்போதும் போல் ஒரு நமுட்டு சிரிப்பு.சிம்புவின் நண்பராக வரும் கணேஷ் சூப்பர்.பில்டிங் சூப்பரவைசர் மாதிரி வாய்ஸ் மாடுலேஷன் யதார்த்தம்.

அவர்கள் அடிக்கடி முத்தம் கொடுத்துக்கொள்வதும் விகல்பமாகத் தெரியவில்லை.

சிம்பு அவர் டிரஸ்ஸில் ”அடுத்தவிட்டுப் பையன்” மாதிரி த்ரிஷாவுக்கும் கொஞ்சம் வித விதமான காட்டன் சாரி உடுத்தி ”அடுத்தவீட்டுப் பெண்” கொண்டு வந்திருக்கலாம்.

 

ரஹ்மானின் இசையில்  “விண்ணைத்தாண்டி வருவாயா” ”ஓமனப் பெண்ணே”நன்றாக இருக்கிறது.இன்னும் கூட பாட்டை இயற்கையான தீற்றல்களுடன் ரொமாண்டிசைஸ் செய்யலாம்.மெட்டாலிக் சவுண்டை குறைக்கலாம்.

”ஹோசன்னா” பாட்டிற்கு தியேட்டரே அதிர்கிறது.இதெல்லாம் லட்டு மாதிரி ஏஆருக்கு.

டூயட் பாடல்களில் லோகஷன் மாறி கலரிங் கடுக்கன்  ஜீரத் தொப்பி தலை டான்ஸர்கள் கூட ஆடும்போது காதல் கதையின் வீரியம் நீர்த்துப்போகிறது. சாதாரண சிம்புவின் விரல் படம் ஆகிறது.இருவர் மட்டும் கண்ணியமாகப் பாடுவது மாதிரி வைத்திருக்கலாம். மற்ற பாடல்கள் over globalised ஆனதால்ஓகே ரகம்.

பின்னணி இசை இன்னும் கூட மெருகேத்தலாம்.ஓகேதான்.கேரளா லொகேஷன்களில் நேட்டிவிட்டியோடு பின்ன வேண்டாமா? தவறவிட்டு விட்டார்.முந்தைய படங்களில் இருந்த பிஜிஎம் லெவல் கூட இதில் இல்லை.மிடில் கிளாஸ் பிஜிஎம் கொடுத்திருக்கலாம்.

உயிரோட்டமாக ஒரு மிடில் கிளாஸ் காதல் சொல்லவேண்டும் என்றால் எளிமை மிக அவசியம்.ரிச்னெஸ்ஸை குறைக்க வேண்டும்.பாடல்களை குறைக்க வேண்டும்.

 காதலுக்கு மரியாதை படம் நினைவில் வந்து போகிறது.பாசில் ரொம்ப அருமையாக ஆரம்பம் முதல் கடைசிவரை செதுக்கி இருந்தார்.காரணம் மிடில் கிளாஸ் எளிமை.கெளதம் மேனன் தவறிவிட்டார். செதுக்கியது 55%

ஆயிரத்தில் ஒருவன் - சென்சார் கட்ஸ்

பொதுவாக சினிமா படங்கள் படப்பிடிப்பு முடிந்ததும் சென்சாருக்கு சென்று "A" (வயது வந்தோர் மட்டும்)அல்லது "U" (தடையில்லாமல்அனைவரும்)அல்லது "U/A"(தடையில்லாமல் ஆனால் 12 வயதுக்கு கிழ் உள்ளோர் பெற்றோரின் வழிகாட்டுதல் படி  பார்க்கலாம்) என்று அதன் உள்ளடக்கத்திற்கு ஏற்றாற்போல் சான்று வாங்கி ரிலீஸ் செய்யப்படும்.



எந்த காட்சிகள்  வெட்டப்பட்டது அல்லது எந்த வசனங்கள் ஊமையாக்கப்பட்டது (mute)(”கொய்ங்”என்று  ஒரு ஒலி வரும் வசனத்தினிடையே ) என்று விவரங்கள் அடங்கிய ஒரு போட்டோ காபி சினிமா தியேட்டர்களில் டிஸ்பிளே செய்திருப்பார்கள். இதைப்பார்க்க ஒரு கூட்டம் பார்க்க அலை மோதும். எனக்கும் ரொம்ப ஆர்வம் உண்டு.

 டிஸ்கி:பின்வருவன சில பேருக்கு அதிர்ச்சி தரலாம்.முதலில் எனக்கும் அதிர்ச்சிதான்.ஆனால் இதையெல்லாம் கிட்டத்தட்ட 25 வருடமாக பார்ப்பதால் மற்றும் சென்னை மாநகரத்தின் செம்மொழிகள் அத்துபடியானதால் இதெல்லாம் ஜூஜூபி ஜக்குபாய் ஆகிவிட்டது !

ரீமா என்ன சொல்றாங்க? muted?



ஆயிரத்தில் ஒருவன் படத்தின் சென்சார் பரிந்துரைகள்: (என் ஞாபகத்தில் இருந்தது.தவறு இருந்தால் திருத்தலாம்)


1.”தயவு செய்து இது முழுவதும் கற்பனையே.சோழ பாண்டிய வரலாறு இதன் சம்பந்தம் இல்லை என்று ஒரு டைட்டில் கார்ட் போடுங்கள்”(செல்வராகவன்தான் இதை போட்டவர் என்று நாம் நினைக்கிறோம்.ஆனால் கதை வேறு)

2.”நாதாரி முண்ட” ”ஓத்தா” “புண்ட மவளே” “தேவடியா பையா” “ass hole""fuck you” போன்ற வார்த்தைகளை நீக்கவும்.(ஊமைப்படுத்தவும்(mute)?)

3. “அந்த இரண்டு பெண்களும் மது அருந்தும் காட்சியை ரொம்ப நீட்ட வேண்டாம்”

4.”ஆர்மி சிறு பெண்னை வன்புணரும் காட்சியின் தீவரத்தைக் குறைக்கவும் (அல்லது வெட்டவும்?).”

5.”சோழ மன்னனின் மனைவியை வன்புணரும் காட்சியை நீக்கவும் (வெட்டவும்?)

6.”தலை வெட்டப்படும் காட்சியின் தீவரத்தை குறைக்கவும்.”(வெட்டவும்?)


சென்சார் போர்டு பற்றிய சிறு பதிவு விரைவில்.....

தமிழ்”ப்”படம் - துரைதயா on cloud nine

சின்னத்திரை விஜய் டீவி “லொள்ளுசபா” வின் தமிழ்ப்பட கிண்டல் லொள்ளுகளை சற்று பெரிதாக பெரிய திரையில் எடுத்துள்ளார்கள். ”தமிழ்ப்பட” கருவை வைத்தே ”தமிழ்ப்பட”த்தின்” சிக்னேச்சர் இசையான “விஷ் புஷ்” கொண்டு “தமிழ்ப்பட”த்தைநக்கல் அடித்துள்ளார்கள்.சத்தியமாக ”லொள்ளுசபா” மற்றும் "சூப்பர் டென்"(சன் டீவி) இவற்றிற்கு நன்றி சொல்ல வேண்டும்.அதில் நக்கல் ஒன்று விடாமல் படத்திற்குப் படம் புல் கவரேஜ்.அதில் ஜீவா என்பவர் தூள் கிளப்புவார்.



லொள்ளுசபா ஜீவா

சின்னத்திரை கொஞ்சம் அமெச்சூர்.ஆனால். இது professtional spoof..”ஓம் சாந்தி ஓம்” என்ற ஹிந்திப் பட டைப் என்றும் கூட சொல்லலாம்.லொள்ளுசபாவில் பாகவதர் முதல் இன்றைய சிவா(சென்னை-28) வரை நக்கல் அடிப்பார்கள்.
சதயராஜும் சில படங்களீல் நக்கல் அடித்திருக்கிறார்..

புளிச்சுப்போன வடிவேலுவின் மூணாம் கிளாஸ் மற்றும் விவேக் காமெடிக்கு ஒரு மாற்று.இவர்களின் தாங்க முடியாத விஷயம் காமெடி நேரடியாக புரிந்துக்கொண்டிருக்கும்போதே அதை விளக்கிச்சொல்லி காமடிச் செய்வார்கள்.

ஆனால் இது ரொம்ப slapstick ஆக இல்லாமல் ஒரு மாதிரி புத்திசாலித்தனமான காமெடி.காட்சிகளுக்கு கோனார் நோட்ஸ் போடாத காமெடி.திகட்டத் தொடங்கும்இடங்களில் சமாளித்து வேறு காட்சிகள்.மொத்தத்தில் செம்ம ரகளை.

படத்தின் மிக பெரிய பலம் கதாநாயகன் ஷிவா.அடுத்த வீட்டு பையன் லுக்.அதே சமயத்தில் திராவிடன்+ஆரியன் கலந்த ஒரு கலவை முகம்.அந்த வெகுளி முகம் இவருக்கு ஒரு பெரிய ப்ளஸ்.அசத்துகிறார்.அவர் திரையில் தோன்றும்போதெல்லாம் விசில் பறக்கிறது.ரசிகர்களின் செல்லம்மாகி விட்டார்.

பறவை முனியம்மா. இதில் ஒரு முக்கியமான பாத்திரத்தில் வருகிறார்.தூள் கிளப்புகிறார்.

கதை என்ன?சினிமா பட்டி கிராமத்தில் ஆண் குழந்தப்பிறந்தால் கள்ளிப்பால் வைத்து சிசுக்கொலைச் செய்கிறார்கள்.ஏன்? ஆண்கள் கிராமத்தை விட்டுப் போய் நகரத்தில் சினிமாவில் பெரிய ஸ்டாராகி அரசியலில் ஈடுபட்டு 2011 முதலமைச்சர் ஆக முயற்சிக்கிறார்கள். அதனால அந்த கிராமத்திறகு நல திட்டங்கள் எதுவும் அரசு அளிப்பதில்லை. கள்ளிப்பாலில் இருந்து அப்படித் தப்பித்த ஒரு ஆண் பெரியஆளாகி “தமிழப்பட” ஹீரோ சாகசங்கள் செய்வதுதான் கதை.

படத்தின் டைட்டில் கார்டே பழைய படத்தை (பாலாஜி படங்கள்)ஒத்து இருக்கிறது.நடுவில் ‘கிர்கிர்” ரீல் சுத்தும் சத்தம்.கட்டிளம் காளைகள் பாஸ்கர், வெ.ஆ.மூர்த்தி,மனோபாலா காலேஜ் ஸ்டூடண்டாக வருகிறார்கள்.படம் தவிர பாட்டுக்களும் கிண்டல்.கதாநாயகியை விட தோழி அழகாக இருப்பது.

நக்கல்கள் பாரதி ராஜா காலத்திலிருந்து தனுஷ் வரை.ஆனால் ஜேம்ஸ்பாண்ட் படம்,(கையில் பூனை வைத்துக்கொண்டு) நக்கல் எதற்கு? அதெல்லாம் காலாவதி ஆகி ரொமப வருஷம் ஆயிற்றே.இப்பொழுது இல்லையே!அடுத்து மதுரை பாஷை(அவிங்க..இவிங்க) படஙகளை ஏன் விட்டுவிட்டார்கள்?கிராமத்துப்படங்களும்(அதுவே நொந்துப் போய்) காலாவதி ஆகி ரொம்ப நாளாகி விட்டதே?

சில சாம்பிள் சிரிப்பு:
டூயட் பாட்டில் ஒரு ஸ்வெட்டரில் குலவல்,ஒரே போர்வையில் சல்லாபம் ஆனால் நிச்சியதார்த்தம்(வழக்கம்போல ஸ்கிரீன் நிறைய நிச்சியதார்த்த கூட்டம்) அன்று ஒருவர் முகத்தை ஒருவர் பார்க்க வெட்கப்படுகிறார்கள்.

கோர்ட் காட்சியில் நீதிபதியின் தீர்ப்பு.

தமிழினத்தின் ஒரே தலைவர் கலைஞர் கருணாநிதியின் பேரன் துரைதயாநிதி Cloud Nine Movies எடுக்கும் படத்தின் விளம்பரங்களில் படத்தின் தலைப்பில் சந்திப்பிழை(”ப்”)இருக்கிறதே என்று பல பேர் கவலையானர்கள்.ஆனால் இப்போது வரும் விளம்பரங்களில் “ப்”பை சொருகிவிட்டார்கள்.

வேண்டுமென்றே இதுவும் நக்கலா?

தமிழ்ப்படத்தின் விதிகளைப் பார்க்க படத்தைச் சொடுக்கவும்.

வழக்கமாக காமெடிப் பட போஸ்டர்கள் வேறு மாதிரி இருக்கும்.நடிப்பவர்கள் மண்டை பெரிதாகப் போடப்பட்டு கைகால்கள் குச்சி குச்சியாக போட்டுப் பார்த்தவுடனே”ஹிஹிஹிஹி” வரவேண்டும் என்ற ஒரு இன்ஸ்டண்ட் பில்ட் அப் கொடுப்பார்கள்.இதன் டைரக்டர் சி.எஸ்.அமுதன் ஒரு விளம்பரக் கம்பெனியைச் சேர்ந்தவர் என்பதால் இதன் விளம்பரங்கள் சற்று professtionalஆக இருக்கிறது.இவர்தான் தினமலர் “சண்டேன்னா ரெண்டு” விளம்பரம் எடுத்தவர் என்று கேள்வி.

இந்த படத்தின் பாடல் பற்றிய பதிவு:

தமிழ்ப்படம் பாடல்கள்

குடும்பத்தோடு பார்த்து சிரித்துவிட்டு வரலாம்.

ஆயிரத்தில் ஒருவன் - விமர்சனம்

 ரொம்ப வருஷத்திற்கு முன் தாலி செண்டிமெண்ட், பண்ணையார், துண்டுப்போடுத் தாண்டுதல்,அம்மன் கோவில், தூண் மறைவில் நின்று எட்டிப்பார்த்துக் காதல்,வயல், கற்பழிப்பு, வில்லன் குடோன்,மலை அடிவாரம், அம்பாசிடர் கார் என அரைத்தமாவையே அரைத்தோம்.பிறகு அதிலிருந்து வெளிவந்தோம்.

வெளிவந்து இப்போது மீண்டும் காதல்,எதிர்ப்பு,காட்டும் கதாநாயகி,பில்ட்அப்ஏய்..ஏய்..பஞ்ச்டயலாக்,டாடா சுமோ, காதில்கடுக்கன்,எனவேறுமாதிரிகிரைண்டரில் அரைத்துக்கொண்டிருக்கிறோம்.நடுநடுவே நல்ல படங்களும்வருகிறது.அதிலும் சில படங்கள் வன்முறையை அழகுப் படுத்தலாக இருக்கிறது.

இப்போது ஹாலிவுட் ஸ்டைலில் ஒரு படம்.
ஒரு வித்தியாசமான முயற்சிக்கு செல்வராகவனுக்குப் பாராட்டுக்கள்.அடுத்தக்கட்டத்திற்கான முயற்சி என்று பாராட்டலாம்.

பிரம்மாண்டம் என்றாலே பலமான கதைக்களம் வேண்டும்.அதிலும் நம்ம சேர,சோழ,பாண்டிய, பல்லவ,களப்பிர,ஆர்ய வழி வந்த நம் தமிழ் மக்களுக்கு
எல்லாவிதமான ரசமும் இருக்கவேண்டும். அதனால் நம் டைரக்டர் செல்வராகவப்பெருந்தகை ”ரா”வாகக்கொடுக்காமல்  சரித்திரம்+மாயாஜாலம் சரித்திரம்+மாயஜாலம்+திரில்லார்+அமானுஷ்யம்+குழப்பம்+குத்தாட்டம் என மிக்சிங்கில் கொடுத்திருக்கிறார்.இது உண்மை கிடையாது.ஆனால் உண்மை மாதிரி ஒரு பாவனை பில்ட அப் வேறு கொடுக்கவேண்டும்.செம்ம செம்ம பொறுப்பு டைரக்டருக்கு.

இதில் ஜெயித்தாரா? பார்ப்போம் பின்னால்.

10ஆம் நூற்றாண்டில் பாண்டியர்களோடு நடந்த போரில் சோழர்கள் தங்கள் மன்னர் வாரிசு ஒருவரையும்,குலதெய்வ சிலையையும் எடுத்துக்கொண்டு கண்காணாத ஒரு தேசத்தில் போய் ஒளிந்துக்கொள்கிறார்கள்.ரொம்ப வருடத்திற்குப் பிறகு இதைத்தேடிப்போன ஒரு தொல்பொருள் ஆராய்ச்சியாளர்(பிரதாப் போத்தன்) காணாமல் போகிறார்.

அவரைத் தேடிக்கொண்டு அவள் மகள் லாவண்யா (ஆண்ட்ரியா)தொல்பொருள் ஆராய்ச்சியாளர்/டாக்டர்,மற்றும் இன்னோரு தொல்பொருள் ஆராய்ச்சியாளர் வனிதா பாண்டியன்(ரீமா சென்), கூலி கார்த்திக் என்று இவர்களோடு ஒருபட்டாளம் புறப்படுகிறது அந்த தீவை நோக்கி.ஆனால் அங்கு வேறு ஒரு கதை நடக்கிறது.

கூட வந்தவர்கள் எல்லோரும் இறந்து  மற்றும் காணாமல் போய்விட இவர்கள் மூவரும்(கார்த்திக்,ஆண்ட்ரியா,ரீமா) சளைக்காமல் எஸ்.ராமகிருஷ்ணன் போல் அந்த இடத்தைப் பார்த்தே ஆக வேண்டும் என நடக்கிறார்கள்.

முதல் பாதி விறுவிறுவென போகிறது.கேமரா,லொகேஷன்,
இசை என அசத்துகிறார்கள்.தெளிவான கதை சொல்லல்.ஆர்ட்,மூட் லைட்டிங் எல்லாம் நன்றாக இருக்கிறது. போகும் வழியில் சந்திக்கும் ஆபத்துகளும் அதை எதிர்ப்பதும் பல ஹாலிவுட் படங்களை நினைவுப்படுத்துகிறது.

கார்த்திக் பருத்திவீரன் கணக்காக வந்து பின் நவீனத்துமாக கட்டுடைக்கிறார்.ஆண்டிரியா,ரீமாவைப்பார்தது பாலியல் கமெண்டுகளை அடிக்கிறார். பின்னால் நீங்க அக்கா மாதிரி என்கிறார்.கட்டிங் போடுகிறார்.ஆயிரத்தில் ஒருவன் பெயர் வைத்ததின் காரணமாகவே எல்லா கூலி இளைஞ்ர்களும் எம்ஜியார் ரசிகரர்களாக (சங்க கால இளைஞ்ர்கள்?)ஆக்கப்பட்டு “அதோ அந்த பறவைப்போல”பாட்டுப் பாடுகிறார்கள். மேதகு தொல்பொருள் ஆராய்ச்சியாளரும்(ரீமா சென்) இவர்களுடன் கட்டிங்ப் போட்டு குத்தாட்டம் போடுகிறார்.முதல் பாதியில் இவர்கள்தான் கதையை நகர்த்திக்கொண்டுப் போகிறார்கள்.ஆண்ட்ரியாவும் சிடுசிடுவென ஒரு பாத்திரம்.இவர்தான் இந்த டீம்மின் லீட்.

போகும் வழியில் ரீமாவுக்கும்,ஆண்ட்ரியாவுக்கும் ஒருவித பாலியல் ஈர்ப்பு அல்லது ஒரு வித love & hate கார்த்திக் மேல் ஏற்படுவது நன்றாகச் சொல்லப்பட்டிருக்கிறது.இது சம்பந்தமாக மூவரும் சண்டைப்போடுகிறார்கள் போகும் வழியெல்லாம். கார்த்திக் ரெண்டு பொண்டாட்டி கதையாய் டார்ச்சாரகிறார்.அதனால் கட்சி உடைகிறது.ஆண்ட்ரியாவும்,
கார்த்திக்கும் ஒரு கட்சியும்  ரீமா சென் ஒரு கட்சியுமாக பிரிகிறார்கள். இங்கேயே சோழர் vs பாண்டியர்களாக பிரிகிறார்கள்  என கோடிட்டுக்காட்டப்படுகிறது.

Reema Sen  is bold and beautiful. அவருக்கு ஒரு வாழ் நாள் ரோல்.கத்தாழைக்கண்ணாலே(அவருக்கு இருக்கா?) கார்த்திக்கை  மட்டும் இல்லாமல் எல்லோரையும் குத்துகிறார்.சூப்பர்.அவரின் டப்பிங் அருமையான் குரல்.ஆண்டிரியாவும் நன்றாக செய்திருக்கிறார்.ஓலைச்சுவடிகள் படிக்கும்போது நல்ல தமிழிலும், பேசும்போது ஆங்கிலோ இந்திய தமிழ் ஏன்?கார்த்திக்கும் அச்சு அசலாக சால்ட் குவார்ட்டர்ஸ் கூலியாக.நல்ல பாத்திரம்.அருமையாக செய்திருக்கிறார்.

இருவரின் தோரணையை (ஆன் & ரீமா) பார்க்கும்போது ஹாலிவுட் படம் பார்ப்பது போல்வே ஒரு உணர்வு.அடுத்து கட்டுடைத்தல் செய்கிறார்கள். இருவரும் கட்டிங் போட்டுகிறார்கள்.ஒட்டகக் கறி (10 நாள் பட்டினி)
சாப்பிடுகிறார்கள்.கார்த்திக் மேல் உப்புமூட்டை ஏறி சுமக்க வைக்கிறார்கள்.அவர் சுமை கூலிதானே! தூக்குகிறார்.குளிருக்குக் கட்டிக்கொள்கிறார்கள்.”fuck you " "fuck you" என்று சண்டைப் போடுகிறார்கள்.

இப்படிக் கட்டுடையும்போது  நம்ம சேர,சோழ,பாண்டிய, பல்லவ,களப்பிர,ஆர்ய வழி பொதுப் புத்தி ரசிகர்கள் விசில் அடித்து வெறியாகிறார்கள்.


படத்தில் வரும் புதைகுழிப்போல் படத்தின் பின்பாதியில் ரசிகர்களும் மாட்டிக்கொண்டு தவிக்கிறார்கள்.பின் பாதியை செல்வராகவன் சரியாக ஹோம் செய்யவில்லை.முன்பாதி போல் தெளிவாக இல்லை.குழப்பம்

ஆனா குழப்பம் இல்லாமல் எடுத்திருக்கலாம்.அங்கிருக்கும் மக்கள் சோழ மன்னரின் அடிமைகளா? எந்த தேசத்தைச் சேர்ந்தவர்கள்? ஏன் அடிமை? அல்லது பாண்டியர்களா? ஏன் நரமாமிசம்? என்று வேறு ஆங்கிளில் சிந்தனைப் போகிறது.நானே சிறிது நேரம் கழித்துதான் விளங்கிக்
கொண்டேன் இவர்கள் எல்லாம் ஒன்றுதான் என்று.


(அடுத்து அவர்கள் அதை எடுத்து விடுவார்கள்.எடுக்கப்போகும்போது ஏற்படும் இன்னல்கள்தான் இனி என்று எல்லோரும் எதிர்ப்பார்க்க,ஆனால் அங்கு வேறு கதை நடக்கிறது)

சோழனாக வரும் பார்த்திபன் ஒகே.கருப்பு நிறத்தால் அவர் செட்டாகிறார்.ஆனால்சோழன் ஹிட்லராக காட்சியளிப்பது அபத்தம்.சீமா திடீர் பாண்டிய பாசம் வந்து திடீரென உக்கிரமாகிறார்.கட்சி மாறுகிறார்கள்.கார்த்திக் விபூதி பூசி திடீரென தேவர்மகனாகிறார்.ஆட்சிப்பொறுப்பேர்க்கிறார்.சண்டை நடக்கிறது. நான் எந்த கட்சி என்றே புரியவில்லை.(ரீமா சென் கட்சி?)

தனித்தீவில் இருக்கும் சோழர்களுக்கு உலகத்தொடர்பு இல்லாததால் பஞ்சம் என்று ஒத்துக்கொள்ளலாம் ஆனால் எல்லோரும் “குணா கமல்” போல் கருப்பாக எதையோ பூசிக்கொண்டு மெண்டலாக இருக்கிறார்கள்.நர மாமிசம் சாப்பிடுகிறார்கள்.Kingkong படம் ஞாபகம் வருகிறது.

பெண்டசி/சர்ரியலிசம்/யதார்த்தம் என ஒரே கிறுக்கல் பாண்டியாக இருக்கிறது.அழுகிறார்கள்/சிரிக்கிறார்கள்/ரத்தம் தெறிக்கிறார்கள்.எவ்வளவு ரசிகர்களுக்குப் புரிந்ததோ?இதன் நடுவே மிருகத்தனமான sports வேறு.எது உண்மை எது பெண்டசி எனப் புரியாமல் தலைச்சுற்றுகிறது.இவர்கள் இப்படி இருப்பது கதைக்கு வசதியாக இருப்பதற்காகவா?

 Operation success but patient died என்ற கதையாகிவிட்டது பின்பாதி.

இசை உறுத்தாமல் நன்றாக இருக்கிறது.பின்னணி ராஜாவின் சாயல்.பாட்டில் ரஹமானின் சாயல்.ஜி.வீ.பிரகாஷ்க்கு இந்த படம் ஒரு புல் மீல்ஸ்.நன்றாக செய்திருக்கிறார்.கப்பலில் ஆடும் நடனமும் ,(இந்தப் பாட்டிற்கு விசில் பறக்கிறது தியேட்டரில்)கோவிந்த கோவிந்த என்ற பாட்டின் நடனமும் வித்தியசமாக அற்புதமாக செய்யப்பட்டிருக்கிறது.Here also Reema Sen  is bold and beautiful.

ஹாலிவுட் படங்களில் தொடர்ச்சியாக பரபரப்பு காட்சி வந்து முடியும்போது “பச்சக்” என ஒரு "frozen shot" ஏதாவது ஒரு ஆங்கிளில் அட்டகாசமாக அமைதியாக காட்டப்படு்ம்.உறுத்தாமல் படத்தோடு ஒட்டி இருக்கும். இதிலும் வருகிறது.ஆனால் ஒரு pattern தெரிந்து உறுத்துகிறது.

அடுத்தக் களத்திற்கு சினிமாவை நகர்த்தியதற்கு செல்வராகவனுக்குப் பாராட்டுக்கள்.அடுத்த தடவை நிறைய ஹோம் வொர்க் செய்யுங்கள்.

.

”அவதார் “ ஹாலிவுட் சினிமா விமர்சனம்

ஹாலிவுட் சினிமா  எப்போதும்  எல்லோரையும் பிரமிக்க வைக்கும்.Mackenna"s Gold (மெக்கென்னாவின் தங்கம்-(தமிழில்!) ஆரம்பித்து  நேற்று “அவதார்” வரை பிரமிக்க வைத்து மிரட்டியும் விட்டார்கள் என்னை.இது டைட்டானிக் எடுத்த ஜேம்ஸ் கேமரூன் டைரக்ட் செய்தது.கிட்டத்தட்ட கால் பங்கு ஸ்பெக்ட்ரம் ஊழல் கோடி ரூபாய் பட்ஜெட்.




இதை 3D  ஐமேக்ஸில் பார்க்க சென்னையில்  தியேட்டர் இல்லை.
3D இருக்கிறது.அதில் பார்த்தால் அட்டகாசமாக இருக்கும் என நண்பர்கள் சொன்னார்கள்.நான் பார்த்த தியேட்டரில் 3D இல்லை.ஐநாக்ஸ்ஸில் டிக்கெட் கிடைக்கவில்லை.

அடுத்து இப்பொழுதெல்லாம் தமிழ் டப்பிங்கில் அசத்துவதால் இந்த படத்தைத் தமிழ் டப்பிங்கில் பார்க்க ஆசைப்பட்டால் எனக்குப்பிடிக்காத தியேட்டர்களில்தான் ஓடுகிறது.இதையெல்லாம் அந்தத்தியேட்டர்களில் பார்ப்பதை விட டீவி திரை விமர்சனத்தில் பார்ப்பது பெட்டர்.சென்னையின் மத்தியில் இருப்பது இது மாதிரி படங்கள் ரீலிஸ் ஆகும்போது ஒரு கஷ்டம்.

அதனால் ஒரளவுக்கு கதையின் அவுட் லைன் தெரிந்துக்கொண்டு மீதியை விஷுவலில் தெரிந்துக்கொள்ள நல்ல தியேட்டரில் பார்த்தேன்.

இது ஒரு சயன்ஸ்பிக்‌ஷன்  கலந்த பேண்டஸி கதை.கிட்டத்தட்ட விட்டலாச்சாரியா கதைதான். கதை 2154 நடக்கிறது.நம்மூர்  சமுகவிரோதிகள் இயற்கைக் கொஞ்சி விளையாடும் இடங்களை சுற்றி வளைத்து பிளாட் போட்டு விற்பது போல்  "பேண்டோரா” என்னும் கிரகத்தில் இருக்கும் கனிம வளத்தை, ஒரு பூமி சுரங்க கும்பல் சுரண்ட நினைத்து அதன் இயற்கையை கற்பழிப்பது அதன் பிறகு நடக்கும்  பிரச்சனைகள் போர்கள்தான் படம்.

இசை பிரமிக்க வைக்கிறது.

"பேண்டோரா” கிரகத்தில் மலைகள் /பாறைகள் வானத்தில் தொங்கிக்கொண்டு விதவிதமான இயற்கைத் தாவரங்கள்,நீர்விழ்ச்சிகள்,கொடூரமான மிருகங்கள் என அற்புதமாக இருக்கிறது.ஒரு வித லைட் நீலமும் பச்சையும் கலந்த எமரால்ட் கலர் ஐஸ் சில்லை உணர முடிகிறது.

இந்த கிரகத்தை ஏரியல் ஷாட்டில் பார்க்கும்போது சிலிர்க்கிறது.



இதே கலரில் கிழ்கிந்தா வானரப்பட்டாளம் போல இங்குள்ள நவீ என்னும் கிரகவாசிகள் 10 அடி உயரமும்,துடி இடையும்,கோலிகுண்டு பூனைக் கண்கள்,நீண்ட வாலுடன் ஒரு வித எகிப்து மம்மி முகத்துடன் இருக்கிறார்கள்.இங்கு மனிதர்கள் சுவாசிக்க முடியாது.

இவர்களுடன் கலந்து அந்த கனிவளத்தை(அன்அப்டேனியம்) கவர ஒருவனுக்கு ஜீன் மாற்றம் செய்து “அவதார்” எடுத்து அங்கு போகிறான்.ஆனால் அவர்களுடன்இயற்கையை ஒட்டி வாழ்ந்து அதே பிடித்துப் போய் ஒரு பெண்ணைக் (நேத்ரி)காதலித்து காலப்போக்கில் “ஓகேடா! இது சூப்பர்” என செட்டில் ஆகி இவர்களுடன் சேர்ந்து தலைவனாகி மனிதர்களை எதிர்க்கிறான்.இவர்களுக்கும் (இயற்கை) மனிதர்களுக்கும் (இயற்கை அழிப்பவர்களுக்கும்)நடக்கும் போரை முன்னின்று நடத்தி வெற்றி பெறுகிறான்.

பல முறை பல படங்களில் பிரமித்த போர் காட்சிகள் இதிலும் வந்தாலும் மீண்டும் பிரமிக்கத்தான் வைக்கிறது.சில நம்ப முடியாத காட்சிகளும் இருக்கிறது.தனி மனிதனாக ஆறு கொடூரமிருகங்களுடன் சண்டை இடுவது.அடுத்து எஸ்கேப் காட்சிகள்.

அடுத்து ஹாலிவுட் படத்திற்கே உண்டான கதாபாத்திரங்களுக்குள் ஏற்படும் அபத்த உணர்வு வெளிப்பாடுகள். உதாரணமாக ..கொடூர மிருகங்கள் தாக்க வரும்போது அதை வெயிட்டிங்கில் போட்டுவிட்டு கதாபாத்திரங்கள் உரையாடுவது. இன்னும் சில காட்சிகள்.

அசத்தும் காட்சிகள்: இந்த நவிகள் Tree of Soul கிழ் உட்கார்ந்து கூட்டுப்பிரார்த்தனை செய்வது, திடீரென விசித்தர மிருகங்கள் இவர்களுடன் சேர்ந்து மனிதர்களை எதிர்த்து போர் புரிவது. மலைப் பாறைகளில் ஓடி ராட்ச்ச பறவையை செல்லப்படுத்துவது. இப்படிச் சொல்லிக்கொண்டே போகலாம்.

வேட்டைக்காரன் - படம் பிடிச்சுருக்கு

வேட்டைக்காரன் விஜய் நடித்து அப்படி இப்படி என்று ஒரு வழியாக படம் ரீலிஸ் ஆகி விட்டது.வலையிலும் வருமா வராத என்று பரபரத்தார்கள்.இந்த வேட்டைக்காரன் டைட்டில்தான் பார்க்கத்தூண்டியது. அடுத்து வலையில் வரும் விமர்சனங்களும்.ரொம்ப நாள் வெயிட் செய்ய வைத்த படம். கடைசியாகப் பார்த்துவிட்டேன்.நேற்றுதான் பார்த்தேன். ஒரு ஆச்சரியம் என் மகனுக்குப் பிடிக்கவில்லை.எனக்குப் பிடித்துவிட்டது.

இதன் பாடல்கள்தான் என்னைக் கவர்ந்தன.
ஒரு பாடலில் கிடார்அருமையாகயூஸ்செய்திருக்கிறார் இசையமைப்பாளர்.அருமையான கதை.முதல் சீனே அதிரடியாக இருக்கு.வில்லனின் அந்த பார்வை.ஒருவித சஸ்பென்ஸ்.காமெடியும் சூப்பர்.ஒரு பாடல்  தத்துவம் கூட சொல்கிறது.அந்த டூயட் கூட அருமையா இருக்கு.


1964ல் வந்தாலும் அருமை. எம்.ஜி.யார், சாவித்திரி, எம்.ஆர்.ராதா,நாகேஷ், நம்பியார்,அசோகன்.இசை கே.வி.மகாதேவன்.டைரக்‌ஷன் எம்.ஏ.திருமுகம்.

1.மெதுவா மெதுவா தொடலாமா(என்ன கவிநயம்.விரசம் இல்லை)(ம்.உம்.ஊகூம் என்ற ஹம்மிங் சூப்பர்.)

2.உன்னை அறிந்தால் நீ உன்னை அறிந்தால்(முதலில் வரும் பேஸ் கிடார் அட்டகாசம்)(தத்துவம் அட்டகாசம்)( “மா..ஊ ஆ” என்று குதிரைஇசை சூப்பர்)

3.மஞ்சள் முகமே வருக(அருமையான் டூயட்)



4. சீட்டுகட்டு ராஜா (இது ஒரு மாதிரி கெளபாய் பாட்டு.சூப்பர்) இதன் இன்ஸ்பியரேஷனில்தான் ராஜராஜசோழன் பாட்டு ராஜா போட்டார்.

விஜய் நடித்த வேட்டைக்காரன் 2009 பார்த்துவிட்டுதான் எந்த வேட்டைக்காரன் பெஸ்ட் என்று சொல்லமுடியும்.

 படம் பார்க்க: வேட்டைக்காரன்


பாடல் கேட்க: வேட்டைக்காரன் பாடல்கள்

பழசி ராஜா -சினிமா விமர்சனம்

1838 இல் பிரிட்டிஷ் ஈஸ்ட் இண்டியா கம்பேனியை எதிர்த்துப் போராடிய கேரள வர்மா பழசி தம்புரானைப்(ராஜா) பற்றிய படம்.(எனக்குத் தெரிந்தது “தம்புராட்டியின் ராவுகள்”).அவர்கள் கோட்டயத்தை விட்டு வெளியேறவும், வரி வசூலை எதிர்த்தும் புரட்சி செய்தான் பழசி.இது ஒரு பிரியட் பிலிம் என்பதால பீலா நிறைய விடமுடியாது.பட ஆரம்பத்தில் உன்னைப் போல் ஒருவன் மொட்டை மாடி குரலில் கமல் கதையைப் பற்றி வாய்ஸ்(கதைச் சுருக்கம்)கொடுக்கிறார்.படத்தின் நடுவே ஈழம் ஞாபகம் வருவதைத் தவிர்க்கமுடியவில்லை.

    
 நான கடைசியாகப் பார்த்த மலையாளப் படம் “சங்கரன்குட்டிக்கு பொண்ணுவேனம்”.சமூகப் படங்களைப் பார்த்து அலுத்துப் போனவர்களுக்கு இது ஒரு வித்தியாசமான படம்.நன்றாக எடுத்திருக்கிறார்கள்.ஆனால் மெதுவாகப்போகிறது.என் மகன் வாய்பிளந்தபடிப் பார்த்தான்.காரணம் பிரியட் பிலிம்.

இதிலும்பழசியின்சமகாலகுறுநிலமன்னர்கள்,நண்பர்கள்,ஆள்காட்டிகள்,கட்டிங்குக்காக சோரம் போகிறவர்கள் என்று வருகிறார்கள்.


தமிழ் டப்பிங் வசனங்கள் ஜெயமோகன். டப்பிங்கும் நன்றாக இருக்கிறது.சரத்,மம்மூட்டி சொந்தகுரல்.மம்மூட்டி வழக்கமான தமிழாளம்(எனிக்கி)படம் கிட்டத்தட்ட மூணு மணி நேரம்.முதல் ஒரு மணி நேரத்தில் இடைவேளை.


அந்த நாளின் இயற்கை எழில்,கேரள வீடுகள் /மரசாமன்கள் பார்க்கும் போது, 2009க்கு வராமல் அங்கேயே கேரள வேலைப்பாடு கட்டிலில் உட்கார்நதபடி விவசாயம் பார்க்கலாம்  என்று மனம் ஏங்குகிறது.இந்தப் பிரபஞ்சத்தில் கடவுள் தனக்காக அமைத்துக்கொண்டு நாடு கேரளா என்று சொல்லுவார்கள்.

நடிகர்கள் பத்மப்ரியா(நீலி),கனிகா,திலகன்,கேப்டன் ராஜூ,நெடுமுடிவேணு,ஜெயன்(கைத்திரி அபு) பிஜூ மேனன்(சாந்து),ஜகதி ஸ்ரீகுமார்(காந்தன்மேனன்).கேமரா ராம்நாத் ஷெட்டி,சவுண்ட் மிக்ஸிங் ரசூல் பூக்குட்டி,டைரக்‌ஷன் ஹரிஹரன்,எம்.டி.வாசுதேவன் நாயர்,சண்டை ராஜூ.

மம்மூட்டி சாந்தமான ஆர்ப்பாட்டமில்லாத நடிப்பு.முகத்தில் ஆல்வேஸ் ஒரு சீரியஸ்னஸ் .கருப்பு உடை பாந்தமாக பொருந்தி வந்து அட்டகாசமாக இருக்கிறார்.அடுத்து மனதைத் தொடுபவர் சரத்குமார்.வாழ்நாள் ரோல்.உக்கிரமாக ஒரு படைத் தளபதியைப் போல் மிடுக்கான தோரணை/நடிப்பு.கட்டான உடம்பு.பத்மப்ரியா.”சிக்” என்று வடித்தாற் போல் இருக்கிறார்.”நீலியாக வாழ்ந்திருக்கிறார்.கேரளாவின் Martial Art ஆன களரிபயாட்டு சண்டையில் பின்னுகிறார்.நல்ல நடிப்பு.

சரியான திரைக்கதை அமைப்பினால் ஒழுங்கோடு குழப்பமில்லாமல் போகிறது.மழை காட்சிகள் அருமை.சண்டைக்காட்சிகள் அதை விட அருமை.கேரளாவின் களரி பயாட்டுவைப் பயன்படுத்தி இருக்கிறார்கள்.நம்ம ஊரில் விஜய காந்த் வானில் பறந்து சுழற்றி அடித்துப் வில்லன்களைப் பந்தாடுவார் அது மாதிரி.இது கேப்டனின் “சரி ப்பை(யா)ட்டு”

டப்பிங்கில் “திருவாசகம் ஒதுவது” என்று ஒரு இடத்தில் வருகிறது.கேரளாவில் ஏது திருவாசகம்?அடுத்து ஒரு இடத்தில்(மம்மூட்டி வீட்டு முற்றத்தில்)ஆண்டாள் திருப்பாவைக் கேட்கிறது. ஒரிஜனல்படியே விட்டிருக்கலாமே!

இசை Master Blaster மேஸ்ட்ரோ ராஜா.பின்னணி இசை அபாரம்.ஓவர் இசை இல்லை.அமைதியாக இருக்க வேண்டிய இடத்தில் அமைதி காக்கிறார்.ரெண்டு பாட்டுக்கள்தான் இதில் வருகிறது. மீதி? வெட்டப்பட்டுவிட்டது?”ஆதிஉஷஸ்சந்தியா பூத்தது”பாட்டின்preludeக்கு ஏற்ப ஒரு வெள்ளைக்குதிரை தண்ணீரைக் கிழித்துக்கொண்டு வருகிறது.”குன்னத்தே குன்னகையும்” பாட்டும் நன்றாக படம் பிடித்து உள்ளார்கள்

டப்பிங் பாடல்கள் மலையாளம் போல வீர்யமாக இல்லை.ஜுனூன் டப்பிங்.இதில் காமெடி என்னவென்றால் தமிழ் டப்பிங் பாடல்களைப் பாடினவர்கள் முக்கால்வாசி மலையாளிகள்.

2.5 வருடம் கஷ்டப்பட்டது வீண் போகவில்லை.

ஹாலிவுட் பிரியட் படங்கள் மாதிரி இன்னும் விறுவிறுப்போடு காட்சி அமைப்புகளில் கம்பீரம்,நறுக் எடிட்டிங் என பொளுந்துக்கட்டி இருக்கலாம்.

பழசி ராஜா பாடல் விமர்சனம் கேட்க இங்கே:

இளையராஜா சாரே!.Soங்க்ஸ் மதுரமாயி!

உன்னைப் போல் ஒருவன் - விமர்சனம்

என் விமர்சனத்திற்காகத்தான் கமலும் ரோன்னி ஸ்கூரூவாலாவும் நகத்தைக் கடித்துக்கொண்டு காத்திருப்பதாக ஒரு செய்தி வந்ததால் நானும் எழுதி விட்டேன்.நான் ஒரு ”காமன் மேன்” ஆதலால் சம்பளம் வந்துதான் குடும்பத்தோடு இப்போதுதான் பார்க்க முடிந்தது.காமன் மேனுக்கு டிக்கெட் செலவு 500/-.ரூபாய் 500/-செலவழிக்கும் நான் உன்னைப் போல் ஒருவனா?.தியேட்டர் சூப்பராச்சே!நான் ஒரு பொதுபுத்தி காமன் மேன்.

எப்போதுப் பார்த்தாலும் தீவரவாதத்தால் பாதிக்கப்படும் ஒரு பொது ஜனம் நொந்து போய் அதே தீவரவாதத்தை கையில் எடுத்து தீவரவாதிகளை தன் சுண்டுவிரல் கூடப்படாமல் ரீமோட் கண்ட்ரோல் செயல்கள் மூலம் கொல்லுகிறார்.(அதற்கு முன் சில இடங்களில் குண்டு வைத்து விடுகிறார்.) கொன்று வீட்டு காய்கறிப்பையோடு வீட்டுக்குப் போகிறார்.கதை ஒரு நாள் காலை ஆரம்பித்து மாலை காமன் மேன்/விமன்கள் சாமிக்கு விளக்கு வைக்கும் நேரத்தில்  படம் முடிகிறது.

கதை மதங்கள் சம்பந்தப்பட்டுள்ளதால் கமலுக்கு கத்தி மேல் நடக்கும் சமாச்சாரம். அவரவர் மத கோணத்தில் பார்த்தால் Win-Lose அல்லது Lose-Win ந்தான் பார்ப்பார்கள் என்பதால் கமல் Win-Win சூழ்நிலைக்கு தள்ளப்பட்டுள்ளதாக தெரிகிறது.அதாவது கமலின் மெட்ராஸ் பாஷையில் சொன்னால் ”உனுக்கும் இல்ல எனக்கும் இல்ல.அல்லாரையும் கவர் பண்ணிட்டேன்”.

ஏன்?மீன் பிசினஸ்,புடவை பிசினஸ் போல் கமல் இருப்பது சினிமா பிசினஸ்.உள்ளதை உள்ளதுபடி சொல்லவது சினிமாவில் கஷ்டம்.

கமலைக் கஷ்டப்பட்டுதான் உன்னைப் போல் ஒருவனாக ஒத்துக்கொள்கிறோம்.காரணம் அவரின் பல வருட கதாநாயக பிம்பம் மனதில் உறைந்து கிடக்கிறது.நடிப்பு அவருக்குச் சொல்லித் தரவேண்டாம்.மிளிர்கிறார்.

வலை விமர்சனங்களில் பிரகாஷ்ராஜ் நடித்திருக்கலாம் நாசர் நடித்திருக்கலாம்,என்று சொல்கிறார்கள். இது அபத்தம். இவர்களுக்கு வில்லன் என்ற பிம்பம் இல்லையா? காமன் மேனின் அப்பாவித்தனம் போய் ஒரு வித வில்லத்தனம் தெரியும் இவர்கள் நடிக்கையில்/ செய்கையில்.

நாசரின் வில்லத்தனமான மூக்கே அவருக்கு வில்லன் கேரக்டர்கள் வாங்கிக்கொடுத்திருக்கிறது.மோகன்லால் நமக்கு ரொம்ப பரிச்சியம் இல்லாத ஆள் அடுத்து அவரின் நடிப்பு அவரின் பிம்பத்தை மறைத்து விடுகிறது.ஒரு மலையாளத்தான் போலீஸ் ஆபிசர் என்ற ரீதியில்.


பல பாரதிராஜா,பாலசந்தர் படங்கள் வெற்றிக்கு காரணம் புதுமுகங்கள்.ரொம்ப வருடத்திற்கு முன் வந்த “சோட்டி-சி-பாத்” என்ற படம் காமன் மேன் அமோல் பாலேகர் நடித்ததினால் பல நாட்கள் ஓடியது.இப்போது ஓடிக்கொண்டிருக்கும் ”ஈரம்” படத்தின் நாயகி ‘காமன் கேர்ள்”தான்.அதனால்தான் மனதில் ஒட்டுகிறார்.லட்சுமி, பாரதிக்கு பதிலாகக் கூட புதுமுகங்கள் போட்டிருக்கலாம்.

படம் எந்த வித குழப்பம் இல்லாமல் வழுக்கிக்கொண்டுச்செல்கிறது.பத்துப்பக்க சஸ்பென்ஸ் த்ரில்லர் கதை படிப்பது மாதிரி.நேர்கோட்டு திரைகதை

மொட்டை மாடி லொகேஷன் அபாரம்.கேமராவும் சூப்பர்தான்.மோகன்லாலுக்கு அதிகாரம் இருந்தும்  தன்னுடைய இயலாமையை  வசனங்கள் மூலம் வெளிபடுத்தும் திரைக்கதை.அலட்டிக்கொள்ளாமல் அற்புதமாகச் செய்திருக்கிறார்.போலீஸ் ஆபிசராக வரும் ஆரிப்பும்  நம்மை கவர்கிறார்.லட்சுமியும் மோகன்லாலும் மோதிக்கொள்ளும் இடங்களில் வரும் வசனங்கள் ஷார்ப்.போலீஸ்காரர் (சிவாஜிராவ்)கடைசியில் கட்சி மாறுவது (இந்த ஸ்கெட்ச் கமல் இல்லை) யதார்த்தம்.

 ஆங்கில படம் போல கடைசி காட்சியும் யதார்த்தம்.

எல்லா காட்சிகளும் நம் கண் முன்னே நடக்கும் பிரமையை கேமரா கொண்டு வந்துள்ளது.ரொம்ப மென்மையான வித்தியாசமான இசை.ஸ்ருதி ஹாசனுக்குப் பாராட்டுக்கள்.

கமல் மொட்டை மாடியில் சகல விதமான டெக்னாலாஜியுடன் உட்கார்ந்துக்கொண்டு ஒரு மாஜிக் போல் செய்யும் செயல்கள் சற்று யதார்த்தமாக இல்லை.அதுவும் அந்த காமன்மேன் இந்த ஒன் டைம் வேலையை எந்த வித nervousness இல்லாமல்செய்வது.

குறைகள்:
கமிஷனர் ஆபிசில் கையில் பேக்குடன் எந்த வித கேள்வி இல்லாமல் கமல் நுழைவது.தண்ணீ வராத டாய்லெட்(அதுவும் கமிஷனர் அலுவலகத்தில்)அங்கு பாஸ்கர் பற்றிய சுஜாத்தாத்தனமான அபத்த காமெடிகள்.டீவி சேனல் பெண் கமிஷனர் முன் சிகரெட் பிடிக்கலாமா என்று கேட்பது படு அபத்தம்.அதுவும் பொது அறிவு இல்லாத டீவி சேனல் பெண்.



படிக்க திரைவிமர்சனம்:

“ஈரம்” படம் - முதுகு தண்டில் “சில்”

“ஈரம்” படம் - முதுகு தண்டில் “சில்”

மழை, தென்றல்,சாரல் போன்ற சொற்களுக்கு ஒரு ஈர்ப்பு இருப்பதைப் போல “ஈரம்”என்று சொல்லுக்கும் நிறையவே உண்டு.உச்சரிக்கும் போதே சற்று நனைவது போல ஒரு ஈர்ப்பு.

இந்த ஈரத்தை சொதசொதக்க வைக்காமல் ஒரு வசீகரமான பய ஈர்ப்பை அட்டகாசமாக கொண்டுவந்திருக்கிறார்கள். பொருத்தமானத் தலைப்பு.

அசட்டுத்தனமான ராத்திரி 12மணி,பேய்,எலும்புக்கூடு,முக்காடு,வெள்ளை உடை,’ஊஊ” என்ற ஊளையிட்டு பயமுறுத்தாமல் ரொம்ப நாளைக்குப் பிறகு பார்த்த புத்திசாலித்தனமான “சஸ்பென்ஸ் திரில்லர்”படம் ”ஈரம்”.(eeram).ஓமன், எக்ஸார்சிட் போல பேயில்லாமல் தண்ணீரை வைத்து ஒரு திகில் படம்.

உண்மையாகவே ”அடுத்தது என்ன” ”சீட் முனை” ”நகம் கடிக்க வைக்கும்”சஸ்பென்ஸ் என்று ஒவ்வொரு காட்சியிலும் உணர வைக்கும் படம்.

”அவிங்க” “இவிங்க”மதுரை அறுவை இல்லாத வித்தியாசமான கதை.

ஒரு பிளாட்டில் புதிதாகத் திருமணமான பெண். கடிதம் எழுதிவிட்டு நிறைய தூக்க மாத்திரை சாப்பிட்டு விட்டு  குளியலறைத் தொட்டியில் பைப்பை திறந்து விட்டபடி தற்கொலைச் செய்துக்கொண்டு தண்ணீரில்  முழ்கி இறக்கிறாள்.கொலையா? தற்கொலையா? துப்புத் துலக்குகிறான் அந்த பெண்ணின் முன்னாள் காதலன் அசிஸ்டெண்ட் கமிஷனர்.

அதைத் தொடர்ந்து அந்த பிளாட்டில் வசிக்கும் இரண்டு பேர்,வாட்ச்மேன்,வேறொருபெண்ணின் பாய் பிரெண்ட் அடுத்தடுத்து ஈரம்(தண்ணீர்) சம்பந்தப்பட்டே சாகிறார்கள்.மற்றும் இரண்டு பேர் ஈரத்தால் மிரட்டப்படுகிறார்கள்.சாவுகளுக்கு காரணம் யார்? ஈரம் என்ற அமானுஷ்யமா? வேறு ஆளா?இதுதான் கதை.படத்தைப் பாருங்கள்.

ஆரம்ப காட்சியே  அட்டகாச மேகமூட்ட நீல மூட் லைட்டிங்கில்தான் பிரம்மாண்டமான பிளாட்டில் ஆரம்பிக்கிறது.பிளாட் கொலை முடிந்து பிணத்தை எடுத்து முடித்தவுடன் அந்த பாத்  டப்பின் அவுட்லெட்
”பச்சக்” என்று மூடப்பட  படம் விறுவிறு.

அப்போது ஆரம்பித்ததுதான் மெதுவான தூரல் படம் முழுவதும் முக்கால் வாசி சிரபுஞ்சிதான்.

காட்சிகள் ப்ளாஷ் பேக்கிற்கும் நடப்பு காட்சிகளுக்கும் உறுத்தாமல் அற்புதமாக முன்னும் பின்னும்(cascade) வழுக்கிக்கொண்டுப்போகிறது.

நடிப்பில் முதல் மார்க் புதுமணப்பெண்ணாக வந்து இறக்கும் சிந்து மேனன். ஒரு இஞ்ச் கூட சிதறாமல் உருவாக்கியிருக்கிறார்கள்.நம்பகத்தன்மை.
அடுத்து நந்தா.அதுக்குப்பிறகுதான் மற்றவர்கள்.ஹீரோ ஆதி அனிமேஷன் ஹீரோ உணர்ச்சிகளாக் காட்டுகிறார்.தனுஷ் ஜாடை.

கேமராமேன் மனோஜ் பரமஹம்சா தண்ணீரையே நடிக்க வைத்திருக்கிறார்.படம் முழுவதும் மேக மூட்டம்.பக்கத்து பிளாட்டின் நடக்கிற மாதிரி இருக்கிறது.சில காட்சிகளில் நம்மேல் சாரல் அடிக்கிறது.

 நிறைய க்ளோசப் காட்சிகள் அருமை.இசை பாய்ஸ் படத்தில் நடித்த “தமன்”.இவரும பின்னணி இசையில் தண்ணி காட்டுகிறார்.காதல் காட்சி பின்னணியில் ராஜா சாயல்.பாட்டு ரஹ்மாரிஸ்.நல்ல தியேட்டர். நல்ல சவுண்ட் எபெக்ட்..

எல்லா சாவுகளுமே ஒரு சாதாரண ஆக்சிடெண்ட் என்றாலும் அதற்கு வேறொரு பரிமாணத்தைக் காட்டியது, அடுத்து தியேட்டர் சாவு சாதாரண ஆக்சிடெண்ட்  என்றாலும் அதில் ஒரு அமானுஷ்யதனம் காட்டியதற்கு  டைரக்டர் அறிவழகனுக்கு பாராட்டுக்கள்.

தியேட்டர் சாவு மற்றும் இரண்டு மூன்று இடங்களில் “லாஜிக்” மீறி அமானுஷ்ய காட்சிகள் உள்ளன. இது ஒரு திசைத் திருப்பும் உத்தி.இந்த சுதந்திரம் டைரகடருக்குக் கொடுக்கலாம். நன்றாகத்தான் இருக்கிறது.திரில்லர் படங்களுக்கு சற்று தேவைதான்.

குறைகள்:
முதல் பாதி விறு விறு இரண்டாவது பாதியில் இல்லை.படத்தின் நீளம்.கடைசி 25நிமிடங்கள்  ஒரு திருஷ்டி.யதார்த்தமாக முடிக்க வேண்டியதை “சொத சொதவென சேறாக்கி ஒரே சொதப்பல்”.கதாநாயகிக்கு துரோகம் செய்ததால் அவன் கதாநாயகன் கையில் உதை வாங்க வேண்டும் என்ற ஃபார்முலாவின்
-படி  உதைப்படவைப்பது.

அவ்வளவு பெரிய அபார்ட்மெண்டுக்கு ஒரே வாட்ச்மேனா? ஏன் கொலை ஸ்பாட்டுக்கு  நாய் வரவில்லை.

அசிஸ்டெண்ட் கமிஷனர் ஆன பிறகும் காலேஜ் ஸ்டூண்ட் மாதிரியேதான் இருக்கிறார்.அடுத்து அவர் விசாரணனையும் யதார்த்தமாக இல்லை. போலீசும் சற்று ஹாலிவுட் ஸ்டைலில் இருக்கிறார்கள்.

மேலுள்ள சிறிய குறைகளை ஒதுக்கிவிட்டு கட்டாயம் பார்க்கலாம்.
சவுண்ட் எபெக்ட் முக்கியமானதால் நல்ல தியேட்டரில் பார்க்கவும்.

 கதாநாயகி மனதை கனக்க வைக்கிறார் வீடு திரும்பிய பின்னரும்.

தயாரிப்பாளர் சங்கருக்குப் பாராட்டுக்கள்.

”அயன்” விமர்சனம் -ரொம்ப லேட்

“அயன்” என்ன அர்த்தம்? பிரம்மா என்று அர்த்தம். சுசீந்திரத்தில் 

தாணுமாலயன் சுவாமி என்ற கோவில் இருக்கிறது.தாணு +மால்+அயன்  தாணு =சிவன், மால்(திருமால்)=விஷ்ணு அயன் = பிரம்மா. பிரம்மா என்ற பெயரில் ஏற்கனவே ஒரு படம் வந்து விட்டது.தமிழ் பெயர் இல்லையே. சன் பிக்சர்ஸ் அதனால் பிரச்சனை இல்லை.இதில் சூர்யா பிரம்மாவா? தெரியாது ஆனால் தேவனாக வருகிறார்.

”பர்மா பஜார் பரமசிவம்” அல்லது ”ஒரு கடத்தல்காரனின் வாழ்வில் நடக்கும் சம்பவங்கள்” என்று வைத்திருக்கலாம்.பட ஆரம்பத்தில் கேரக்டர் அறிமுகம்,சிறிது நேரத்தில் கதைக்கு உள்ளே வந்து ஒரு முடிச்சு விழுதல் ,இண்டர்வெல் அப்புறம் கதையை நகர்த்தி அந்த முடிச்சை அவிழ்த்தல் இல்லாமல் இந்த படம் சம்பவங்களாகப் போய்க்கொண்டிருக்கிறது.

அந்த சம்பவங்களை அசத்தல் கேமராவோடு லாஜிக்கோடு சொல்லியிருக்கிறார்கள்.படத்தில் காட்சிகள் விறு விறு.out and out action packed film.தெளிவு.காட்சிகள் நடக்கும் இடம்,கேமரா,லொகேஷன் சூப்பர்.ஆனால் கதை?விஜய் டீவியில் வெள்ளி இரவு சைனீஸ் அல்லது ஜப்பான் அதிரடிப் படங்கள் வரும்.அது ரொம்ப சீப்.அதேதான் அயன்.. ஆனால் சூப்பர் குவாலிடி.கதாபாத்திரங்கள் அதனதன் இயல்பு நிலையிலேயே காட்டப்படுகிறது. 

காங்கோ நாட்டில் நடைபெறும் சண்டை காட்சி சூப்பர்.கெளபாய் பட ஞாபகம் வருகிறது.

நடிப்பில் நிற்பவர் சூர்யாவின் நண்பனாக வரும் ஜெகன்.அடுத்து சூரியா.நாளுக்கு நாள் நடிப்பு மெருகேறுகிறது.அந்த தேவர் மகன் மீசை போலீஸ்...ஏதோ ஒரு படத்தில் போலீஸ் கெட்டப்பை போட்டவர்தான் இன்னும் கழட்டவில்லை. பிரபுவுக்கும் நல்ல ரோல்.வில்லன் ஒகே.அவர் பாகிஸ்தான் வேகப் பந்து வீச்சாளர் ஷோயப் அக்தர் முக ஜாடை.

தமன்னா 45.5kg வாழைத்தண்டு உடம்பை வைத்துக்கொண்டுக் கொல்றாண்ணா!

சூரியா தமன்னா காதல் குறும்புகள் கலக்கல்.

படத்தில் காமெடி ஏர்போர்ட் கஸ்டம்ஸ் ஆபிசர் பொன்வண்ணன் சூர்யாவிடம் ”சொப்பு” வைத்து குழந்தை மாதிரி திருடன் போலீஸ்விளையாடுவது.அடுத்த காமெடி இவர்களெல்லாம் யாரிடமும் மாட்டாமல் இருப்பது.தொழிலில் இவ்வளவு சம்பாதிக்கும் சூர்யா ஏன் ஏழையாய் இருக்கிறார்.

இசை ஹாரிஸ்..”பல பல” பாட்டுக்கு தியேட்டர் அதிருகிறது.”நெஞ்சே நெஞ்சே” பாட்டு நல்லாருக்கு. ஆனால் அதில் வரும் prelude கிடார் இசை அப்பட்டமான காப்பி.ராஜாவின் பாட்டு “விடிய விடிய நடனம்”  படம் “இதயத்தை திருடாதே” மற்ற பாடல்கள் வழக்கமான ஊளை.சுமார்.படத்தின் பின்னணி இசை கொடுமை.

மொத்ததில் ”அயன்” கதையில்லாமல் சம்பவங்களை விறு விறுப்பாகச் சொன்ன படம்.

படிக்க திரில்லர் கதை:-

BPO வில் ஒரு நைட்ஷிப்ட்...

நான் கடவுள் - படம் - நிறைகள் - குறைகள்

பாலா, ரசிகர்களை விசா கொடுத்து ஒரு பாக்கெஜ் டூரில் வேறொரு உலகத்திற்க்கு அழைத்துக் கொண்டுபோய் காட்டி மிரட்டியுள்ளார்(பிரமிக்கவும் வைத்து). படம் முடிந்து வழக்கமான உலகத்திற்க்கு வரும் போது மனது சாம்பல் பூசி ஜெட்லாக் (jetlock)  ஆகி ஒரு மாதிரி ஆகிறது.

மகனால் குடும்பத்திற்கு நிறைய கெட்டவிஷயங்கள் நடப்பதால் சின்ன வயதிலேயே அவனை காசியில் விட்டு விடுகிறார்கள். பல வருடங்களுக்குப்

பிறகு அம்மா அவனைப் பார்க்க வேண்டும் என்று துடிக்க அப்பா மகளுடன் காசிவந்து ஆர்யாவை சந்திக்கிறார்.

அங்கு அவன் அஹம் பிரம்மாஸ்மியாகிய,ஒரு உக்கிர சிவ பக்தனாக(அகோரி) சாமியார்களுடன் வாழக்கை நடத்துகிறான்.அவன் குருவிடம் பர்மிஷன் வாங்கிக்கொண்டு தன் ஊருக்கு அழைத்து வருகிறார் அப்பா.ஒட்டு உறவு இல்லாமல் ”சித்தம் போக்கு சிவம் போக்காக” நாட்களை கடத்துகிறான்.அம்மாவும் அப்பாவும் அவன் போக்கில் விட்டு விடுகிறார்கள். 

இவனோடு அங்கஹீனம் உள்ள பிச்சைகாரர்களை வைத்து (இவர்களுக்கு ஒரு godown வைத்து)பிசினஸ் செய்யும் தாண்டவன் & கோவோடு கதைப் பிண்ணப் பட்டுள்ளது.இந்தக் கூட்டத்தில் குருட்டுப் பிச்சைக்காரியாக பூஜா வருகிறார்.

அட்டகாசமான ஆரம்பம்.காசியின் சாமுத்திரிகா லட்சணம் கங்கையும் எரியும் பிணங்களும்தான்.பின்னணியில் “ஓம் சிவோகம்” பாடலோடு காமிரா எரியும் பிணங்களிடையே ஊர்ந்து சுடலை மாடனை(ஆர்யாவை)தலைகீழாக அறிமுகப்படுத்துகிறது.. மூட் லைட்டிங்கும் ,காமிராவும்,இசையும் பிண்ணி எடுக்கிறார்க்ள்.இந்த உலகம் மிரள வைக்கிறது. காசியில் பிணத்தை வைத்து

”அரசியல்” கிடையாது “கருமாதி” அல்லது “இழுத்து (கங்கையில்)விடுதல்” தான். 

ஆரியா, நானே கடவுள் நிலைக்கு(அஹம் பிரம்மாஸ்மி) வந்து விட்டதாக உக்கிரமாக இருக்கிறார். அஹம் பிரம்மாஸ்மி என்பதை “நான் கடவுள்” என்று சொல்வது பாமரத்தனம். கடவுள் நிலையை கடந்து “நானே பிரம்மம்” என்னும் நிலை. இந்த நிலை எதுவும் இல்லாத நிலை.இது ”அதை” உணர்ந்த நிலை.

"தத்வமஸி” அதுதான் இது.

சிவனுக்கு மூன்று முகங்கள் என்று சொல்வதுண்டு. 1.மென்மையான பெண் முகம் (வல்து)-படைத்தல் 2. சாந்தமான முகம்(நடு) -ஞானம் 3. உக்கிரமான முகம்(இடது) ருத்ரன். இது அழித்தல் .இந்த முகத்தை வணங்குபவர்கள் “அகோரிகள்” என்னும் பிணம் தின்பவர்கள்.

நிறைகள்:

பூஜா வாழ்ந்து விட்டார். அவார்டு நிச்சியம்.ஒரு உயரமான கருப்பின basket ball player  போல வில்லன் தாண்டவன் அட்டகாசம்.ஒரு விதமான கருப்பு பாம்பு முகம்.அடுத்து ஏஜண்ட் கிருஷ்ண மூர்த்தீ.இந்து சாமிகள் கைவிட்டதால் பூஜா கிறிஸ்துவ சாமியிடம் வேண்டுவது.

சுற்றி நடக்கும் அநியாயங்களைப் பார்த்து மிரளும் “சிவன்” ”முருகன்””ஆண்டாள்” “அனுமான்”.அதுவும் "சிவன்" மிரளுவது நகைமுரண் (irony?) .ஆர்யா /காசி பாத்திர வசனங்களும் வட இந்தியா வாடையோ வருவது. ஆர்யாவும் நல்ல ந்டிப்பு.கஞ்சா கண்கள்.ஆர்யா பிணம் தின்னும் காட்சிகள் மறைமுகமாக(suggestive) ஆகக் காட்டப்பட்டுள்ளது.

கலை இயக்கம் (கிருஷ்ணமூர்த்தி)பிரமாதம். காட்சிகளோடு கதை யதார்த்தமாக

நகருகிறது.எல்லாம் live வாகப் பார்ப்பது போல் உள்ளது.

ஒவ்வொரு பாத்திரங்களும் செதுக்கப்பட்டுள்ளது. பிச்சைகாரர்Exchange offer க்காக வரும் மலையாளி பாத்திரம் நல்ல திருப்பம்.

குறைகள்:

கடைசிக் காட்சி பூஜா வசனங்கள் சற்று செயற்கை.காசியில் தன் காணாமல் போனப் பையனை விசாரிக்கும் போது, பதில் சொல்லும் காசி பண்டிட் மொழி அதட்டல் தொனியில் இருக்கிறது. அனுதாப மொழியில் இருக்க வேண்டும். 

கோர்ட் சீன் ரொம்ப ஓவர். போலீஸ் ஸ்டேஷன் ஆட்டமும் “கலெக்‌ஷ்ன்” உத்தி?

”கோர முக” பிச்சைக்காரர் ஒரு திணிப்பு. shock value க்காக? ஆர்யாவின் சிஸ்டராக

வருபவருக்கும் பிச்சைகார பாவாடை சட்டை ஏன்? பழைய சூடிதார் அணியலாமே?

காசி காட்சிகள் ரொம்ப குறைவு.மெயின் கதையோடு ஆர்யா ஒட்டாமல் சில நேரம் தடுமாறுகிறது.

மகன் வேத மந்திரங்களைக் கத்துக் கொள்ள காசி போனான் என்று அம்மா(அப்பா?)சொல் கிறார்.வேத மந்திரங்கள் ஒரு குறிப்பிட்ட வகுப்பினருக்குதான் காசியில் சொல்லிக்கொடுக்கப்படும். ஆனால் ஆர்யா பேமிலி அந்த வகுப்பைச் சேர்ந்தார் போல் நடை உடை பேச்சு பாவனைகள் சொல்லவில்லை. 

மொத்தத்தில் “நான் கடவுள்” தமிழ் சினிமாவின் ஒரு மைல் கல்.