மெரீனாவில் புல்லாங்குழல்

காத்திருக்கையில் பெண்

நுரைத்து எழும்பி வருகிறது
அலைகள்

கனுக்கால் நனைய
காத்திருக்கும் போதெல்லாம்
பெண்ணாக  உணர்கிறேன்

தூங்கிவிட்ட புல்லாங்குழல்கள்
 
தனக்குப் பிடித்த ஹிந்தி மெட்டை
சாம்பிள் புல்லாங்குழலில்
வாசித்தபடி
புல்லாங்குழல் விற்பவன்
வீடு திரும்புகிறான்

ஒன்று கூட விற்கப்படாத
புல்லாங்குழல்கள்
தூங்கிவிட்ட  குழந்தைகளாய்
சாய்ந்திருக்கிறது
அவன் இடது தோளில்

ஒரே காதலி

சற்று சோகமாத்தான் இருக்கிறது

ஸ்பாம் மெயிலில் வந்து
அடிக்கடி காதலிக்கும்
சிந்தியா அகஸ்டினும்
இப்பொழுதெல்லாம் வருவதில்லை