புது மாப்பிள்ளை இஸ்திரிக்காரர்

முடியை சீவிப் பார்த்தேன்
காஸ்ட்லி  பாரின் வர்ண சீப்பில்
ஒரு பல்லும் உடையவில்லை

வாஷிங்மிஷினும்
கண்டுகொள்ளவில்லை

பேண்டின் பின் பாக்கெட்டில்
குறுக்கு வாட்டில்
வைத்தது வைத்தப்படி
தோய்த்துவிட்டது

அதே  குறுக்கு வாட்டில்
வைத்தது வைத்தப்படி
உலர்த்தியாகியும் விட்டது

அதே குறுக்குவாட்டில்
இஸ்திரி செய்தும் வந்துவிட்டது

 வாரி முடித்து பின் பாக்கெட்டில்
 குறுக்காக வைக்கையில்
 இஸ்திரிக்காரார் சற்று உறுத்தினார்

இஸ்திரிக்காரரைப் பார்த்து
 ”பர்ஸ்ட் டைம் இது மாதிரி”
என்று சொல்ல நினைத்த நான்
திரும்பிவிட்டேன்

இஸ்திரிக்காரர் முடியை
அழகாக சீவி புது மாப்பிள்ளை
கணக்காக இருந்தார்