ரவி ஆதித்யா

கொத்து கொத்தாக இசையமைப்பாளர்கள்

2012-01-30T10:34:00.000+05:30

பாடல் தளங்களுக்குப் பாட்டு கேட்கப் போனால் நிறைய புதுப்படங்கள் புது இசையமைப்பாளர்கள்.கடந்த 15 வருடம் கும்பல் கும்பலாக (200-300?) புது இசையமைப்பாளர்கள்,புது பாடகர்கள்.அம்மாடியோவ்!

ஒரு காலத்தில் வாய்ப்புக்குக்காக முட்டி மோத வேண்டும்.அவருக்கு இவர்,இவருக்கு அவர்தான் பின்னணி பாட வேண்டும் ரசிகர்கள் ஏமாற்றம் அடைவார்கள் அந்த நியதியெல்லாம் உடைந்து சுக்கு நூறு ஆகிவிட்டது.
படங்கள் மாறிவிட்டது.பாட்டுக்கள் மாறிவிட்டது.

இதில் யாரும் பிரபல ஸ்டார் படங்களுக்குஇசைஅமைக்கவில்லை.வாய்ப்பு கொடுக்கவும் விரும்பவில்லை.ரிஸ்க் எடுக்க விரும்பவில்லை.இசை அமைத்து வெற்றிப்பெற்றால் விமோசனம் உண்டு.

கிழே 28 புது படங்கள்.ரிலீஸ்(ஊகம்) ஆனது ஆகாதது லிஸ்ட்.
இசையமையப்பாளர்கள் 28.28*5=140 பாடல்கள்.இதில் தீம் சாங் வேறு.யார் கேட்பார்கள்.எவ்வளவு பாட்டு கவனத்தைப்பெறும்.காலத்தை வெல்லும்.நன்றாக இசையமைக்கப்பட்டப் பாடல்கள் கும்பலில் நசுங்கி அட்ரஸ் இல்லாமல் ஆகிவிடும்.கொலைவெறி இசையமைப்பாளரின் மற்றப் பாடல்கள் என்ன ஆயிற்று.

அப்படி எல்லா பாடல்களையும் தொடர்ச்சியாக கேட்டால் பெரும்பாலான பாடல்கள் ஒரே சாயலில் இருக்கும். காரணம் லேட்டஸ்ட் டிரெண்டை மெயிண்டன் செய்வதால்.”வாகை சூடவா” ஜிப்ரான் கவனத்தைப் பெற்றார்.இவரின் அடுத்தப்படம்?

ரசிகர்கள் தீடிரென்று கேட்டு ஈர்ப்பாகி செல் காலர் டியூனாகத்தான் கேட்கிறார்கள்.இது ஒரு வகையில் ஆறுதலான விஷயம்.

இப்போதெல்லாம் பாடல்களைப் பார்க்கிறோம்(வீடியோ) கேட்பதில்லை.

கிழ் லிஸ்டில் முப்பொழுதும்,மயிலு பெரிய இசையமைப்பாளர்கள்.

கழுகு
18 வயசு
பேச்சியக்க மருமகன்
சிவ பூஜைல கரடி
பழைய வண்ணாரப்பேட்டை
கனவுக் காதலன்
உன்னதமானவன்
மயிலு
கிருஷ்ணவேணி பஞ்சாலை
தலகோணம்
கொண்டான்கொடுத்தான்
உன்னோடு ஒரு நாள்
அட்ட கத்தி
மெரீனா
உடும்பன்
பெருமான்
பாரி
பிசினஸ் மேன்
விருது நகர் சந்திப்பு
முப்பொழுதும் கற்பனைகள்
மை
உருமி
கம்பன் கழகம்
துள்ளி எழுந்தது காதல்
மூணு
ஆசாமி
மழைக்காலம்
தேனி மாவட்டம்

எல்லாப்பாட்டையும் (8,20,3 தவிர)கேட்டு யாராவது feedback கொடுங்கப்பா.எஸ்கேப்!

பாண்டு,பொம்மை,அருண்மொழி,பரத நாட்டியம்

2012-01-20T15:23:00.000+05:30

நடிகர் பாண்டு ஒரு நகைச்சுவை நடிகர் என்றுதான் பலருக்குத் தெரியும்.அவர் சிறந்த ஓவியர் என்பது எவ்வளவு பேருக்குத் தெரியும்.அவர் தன் ஓவியங்களை வைத்து கண்காட்சியெல்லாம் நடத்தி இருக்கிறார்.

பாண்டுவும் அவர் மகனும்

முக்கியமான விஷயம் தமிழ்நாடு சுற்றுலா வளர்ச்சி துறையின் லோகோவை வடிவமைத்தவர் பாண்டுதான்.கிழே படத்தில் உள்ள குடை லோகோவை வடிவமைத்து பத்தாயிரம் ரூபாய் பரிசு பெற்றவர் பல வருடங்களுக்கு முன்பு.

_______________________________________________________

இந்த வருடம் புத்தகக் கண்காட்சிக்கு போகவில்லை.போனவருடம் வாங்கிய புத்தகங்களே(நீண்ட நாவல்கள்) இன்னும் முடித்தப் பாடில்லை.எந்த ஒரு புத்தகமும் முழு மூச்சில் படிப்பதில்லை.திடீரென்று பத்தாவது பக்கத்தில் நிறுத்திவிட்டு அடுத்த புத்தகத்திற்குத் தாவுவது.

தாவும் புத்தகம் துளி கூட சம்பந்தம் இல்லாமல் இருக்க வேண்டும்.பார்ப்பவர்களுக்கு லூசுத்தனமாக இருக்கும். சத்தியமாக எனக்கு இது ஒரு ரிலாக்ஸேஷன் மாதிரி உள்ளது.தாவுதலில் சுவராஸ்யம் கெட்டும் போவதில்லை.

பள்ளி பருவத்திலும் தேர்வுக்குப் படிக்கும்போது சம்பந்தமே இல்லாமல் சட்டென்று தாவி வேறு ஒரு பாடம் படிப்பேன்.

அடுத்து வாங்குவதற்கு முன் வைப்பதற்கு இடம் யோசிக்க வேண்டி இருக்கிறது.
_______________________________________________________

இளையராஜாவின் இசை நிகழ்ச்சிப் பேட்டியில் புல்லாங்குழல் வித்தகர் அருண்மொழி(நெப்போலியன்) சொன்னது:

இதில் சில விஷயங்கள் தெளிவாகிறது:-

1.ரசிகன் அளவுக்கு சில படைப்பாளிகள் படைப்பில் ஒன்றுவதில்லை??? நான் படைத்தேன் என்னும் உளவியல்...?????????

2.படைப்பவனுக்கு படைப்பு தொழில்.ரசிகனுக்கு பொழுதுபோக்கு

3.காலம் கடந்து மிளிர்ந்து நிற்கும் படைப்புக்களை மறு உருவாக்கம் செய்ய முடியாது.

4.அருண்மொழி வேறு எந்த வெளி மெல்லிசைக் கச்சேரிகளுக்கு வாசிப்பதில்லை??
_______________________________________________________

பரத நாட்டியம் எனக்குப் பிடித்தமான ஒன்று.அதைப் பற்றி ஒன்றும் தெரியாது.அதில் உணர்ச்சிகள் பலவித பாவத்தில் அபிநயம் பிடிக்கப்படுவதால் ஒரு ஈர்ப்பு.மற்றும் வண்ணமயமான உடை அலங்காரம்.ரொம்ப ரொமாண்டிசைஸ் செய்யப்பட்ட கலை.

இதில் பிடிக்காதது ரொம்ப வயது முதிர்ந்த முகத்தில் சுருக்கம் விழுந்த நடனமணிகள் ஆடுவது.முக பாவங்கள் ரசிக்க முடியவில்லை.

தஞ்சை பிரகதீஸ்வரர் கோயில் ஆயிரம் ஆண்டு கடந்ததை ஒட்டி ஆயிரம் பேர் பத்மா சுபரமணியன் தலைமையில் நாட்டியம் ஆடுகிறார்கள். அற்புதம்.

_______________________________________________________

"பொம்மை” என்று ஒரு க்ரைம் த்ரில்லர் படம் 1963 ரிலீஸ் ஆகியது.சிறு வயது,கல்லூரி பருவம் மற்றும் வேறு சந்தர்ப்பங்களில் இந்தப் படம் பார்த்திருக்கிறேன்.இப்படத்தை இயக்கியவர் வீணை மேதை எஸ்.பாலசந்தர்.இப்படத்திற்க்கு இசையும் இவரே.

இந்தப் படத்திற்க்கு தேவையான முக்கியமான விஷயம் மிஸ்ஸிங்.அது விறுவிறுப்பு மற்றும் சஸ்பென்ஸ்.இவரே முக்கிய கதாபாத்திரத்தில் தோன்றி நடிக்கிறார்.ஆனால் பொருந்தாத மிகை நடிப்பு.அந்த கால டிராமா.

பொம்மை நடந்துவருவதை வைத்து திகில் கிளப்பி இருக்கலாம்.ஒரு வேளை அந்தக் காலத்தில் விறுவிறுப்பாக இருந்திருக்குமோ?

படத்திற்கு தனியாக டைட்டில் கிடையாது.படம் முடிந்தவுடன்
இந்த சேரில் உட்கார்ந்தவாறே நடிகர்களை அறிமுகப்படுத்துவர்.
ஒவ்வொருவரும் மேக்கப் இல்லாமல் அவர்கள் தங்கள் பெயரைச் சொல்லுவார்கள்.

முதல் பெண் எல்.விஜயலஷ்மி வேட்டியில் இருப்பவர் வி.எஸ்.ராகவன் கடைசியில் சதன்

படங்கள் ஹாலிவுட் பாதிப்பில் இருக்கும்.பல புதுமைகளைப் புகுத்துவார்.பாடல்கள் இல்லாமல் “அந்த நாள்” படம் இயக்கினார்.”நடு இரவில்” “அவனா இவன்” போன்ற சஸ்பென்ஸ் படங்களை எடுத்தவர்.

நீலப்பட நாயகியும் டோனியின் நாட் அவுட்டும்

2012-01-12T09:46:00.000+05:30

யுகத்திற்கு யுகம் ஊருக்கு ஊர் தர்மங்களும் நியாயங்களும் மாறுபடும்.இதைத்தான் திரு.மார்கண்டே கட்ஜூ,சேர்மன்,பிரஸ் கவுன்சில் ஆஃப் இந்தியா ஒரு விஷயத்தில் சொல்லி இருக்கிறார்.

மார்கண்டேய் கட்ஜூ

ரொம்பவும் மாறுபட்ட கருத்து.இதை ஒட்டித்தான் கருத்து வருகிறது.ஆங்கில தினசரியில் படித்தது.

சன்னி லியோன்-Sunny Leone(லிஒன்?) என்னும் நடிகை பஞ்சாபி அம்மா அப்பாவிற்குப் பிறந்தவர்.இந்தியாவில் படிக்கும்போது 11 வயதில் முதல் முத்தமும் 16 வயதில் கன்னித்தன்மையும் இழந்து அமெரிக்கா சென்றார்.

அங்கு Penthouse /Hustler போன்ற adult பத்திரிக்கைகளில் மாடல் தொழில் செய்துவிட்டு பிறகு பல வருடம் நீலப் படங்களில்(hardcore) நடித்து புகழ் பெற்றார்.லெஸ்பியன் பாத்திரத்தில்தான் நடிப்பேன் என்று அக்ரிமெண்ட் போட்டு நடித்தார். பின்னால் அதை மாற்றிக்கொண்டு தனக்கு பரிசம் போட்டவனுடன் ”வேறு” பாத்திரங்களில் நடித்தார்.அதையும் பின்னால் மாற்றிக்கொண்டு எல்லோருடனும் நடித்தார்.

சில அவார்டும் (???) வாங்கி இருக்கிறார்.அவரே சொந்தமாக நீலப் படங்கள் எடுத்து வெற்றியும் பெற்றுள்ளார்.அவார்டு வாங்கின படத்த இந்தியாவுல யாராச்சும் பார்த்திருந்த நடிப்பு எப்படின்னு சொல்லுங்கப்பா.

பார்க்க விக்கிபீடியா.ரொம்ப சுவராசியமா இருக்கு.
Sunny Leone

சரி விஷயத்திற்கு வருவோம்.

இவர் இப்போது “Colors" என்னும் இந்திய டிவி சேனலில் ”பிக் பாஸ்” என்னும் நிகழ்ச்சியில் கலந்துக்கொண்டுவருகிறார்.அதை தன்னுடைய வெப்சைட்டில் விளம்பரப்படுத்திக் கொள்கிறார் என்று இவர் மேல் ஒளிப்பரப்புத் துறை மற்றும் பிரஸ் கவுன்சில் ஆஃப் இந்தியாவிற்கும் புகார் போய் இருக்கிறது.

கலர்ஸ் சேனல் இவரை வைத்து அவரின் வெப் சைட்டுக்கு விளம்பரம் கொடுக்கிறது என்பதுதான் தாத்பரியம்.

அதுபற்றி திரு.மார்கண்டே கட்ஜூ, சொல்வது:

”சன்னி பொருளீட்டுவது (நீலப்படங்களில் நடிப்பது)அங்கு(அமெரிக்காவில்)சட்டபூர்வமான தொழில்.ஆனால் இங்கு சட்டவிரோதம்.இந்தியாவில் அவர் இருக்கும்போது இந்திய சட்டதிட்டங்களுக்கு உட்பட்டுத்தான் இருக்கிறார்.கடந்தகாலம் இல்லாத புனிதனும்,எதிர்காலம் இல்லாத பாவியும் கிடையாது.சன்னியின் கடந்த காலத்திற்காக அவரைத் தண்டிக்கக் கூடாது.

அம்பா பாலி

தேவதாசி அம்(பா)ராபாலியும்,மேரி மேக்டலின்னும் பிற்காலத்தில் புத்தருக்கும் ஏசுநாதருக்கும் பக்தையானர்கள்”

மேரி மேக்டலின்

_______________________________________________

பிரகாஷ்ராஜின் சொந்த தயாரிப்பில் உருவாகி வெளிவர இருக்கும் படம் “டோனி நாட் அவுட்”இது பெங்காலிப் படத்தின் தழுவலா? பார்க்க யூ டூப்.

டோனி நாட் அவுட் முன்னோட்டம்:

அப்ப டோனி அவுட்டா?

என் வானிலே ஒரு மகேந்தரன்,அசோக்குமார்,இளையராஜா

2012-01-02T18:17:00.003+05:30

டைரக்டர் ஜெ.மகேந்திரன் தமிழ்த்திரையுலகில் (1978-90)ஒரு முக்கியமான ஆளுமை.சினிமாவை அடுத்த கட்டத்திற்கு நகர்த்தியவர்களுள் ஒருவர்.சினிமா ஒரு காட்சி ஊடகம் என்பதை காட்சிகளுனூடே பார்வையாளனை பயணிக்க வைத்துக் கதைச் சொல்பவர்.

மிக முக்கியமாக ரஜினியை வித்தியாசமாக காட்டியவர்.

காட்சிகளும் கதாபாத்திரங்களாக கதையோடு ஒன்றும். கதாபாத்திரங்களின் யதார்த்தமான உணர்ச்சிகளை செதுக்கி நம் முன் உலவ விடுவார்.

வெள்ளை உடையில் மகேந்திரன்

அடுத்து இவரின் கற்பனையை கேமரா மூலம் ஓவியமாக தீட்டுபவர் ஒளிப்பதிவாளர் அசோக்குமார்.இருவருக்கும் இருக்கும் புரிதலைக் காட்சி சொல்லும்.

அந்தக் காலகட்டதில் இவரும் முக்கியமான ஆளுமை.
ரசிகன் ஒளிப்பதிவுக்கும் கைத்தட்டல் கொடுத்த காலம்.உதிரிப்பூக்கள்,நெஞ்சத்தைக் கிள்ளாதே போன்ற அருமையான படங்களுக்கும் இவர்தான் ஒளிப்பதிவு.

ஜீன்ஸ் படத்திற்கும் இவர்தான் ஒளிப்பதிவு.

அடுத்து இளையராஜா.இருவரின் கற்பனைத்திறனை வியந்து அதற்கு உயிர்கொடுப்பவர்.மகேந்திரன் படங்களில் பின்னணி அமைதியே இசையாக இருக்கும்.

மூவரும் கைக்கோர்த்து ஜானி படத்தில் வரும் ”என் வானிலே ஒரே வெண்ணிலா” பாட்டின் ஒவ்வொரு துளியையும் ஓவியமாகத் தீட்டி இருக்கிறார்கள்.

தமிழ்த் திரைப்பட வரலாற்றில் சில பாடல்கள் கவிதையாக
படமாக்கப்பட்டதில் இதுவும் ஒன்று.

எனக்குப் பிடித்த மற்றொரு பாடல் “காற்றுக்கென்ன வேலி” படம்:அவர்கள்.இசை:எம்.எஸ்.விஸ்வநாதன்.

பாடல் பற்றி சில (மீதியை வீடியோவில் அனுபவிக்கவும்)வார்த்தைகள் .....

தி.ஜானகிராமன் தன் கதைகளில் ஒவ்வொரு கணத்தின் துளியையும் இண்டு இடுக்கு விடாமல் விவரித்து நம்மைப் படுத்துவார்.அதேபோல் மகேந்திரனும்.

ஆரம்பமே கேமரா ஊர்ந்து தூரிகையால் ஓவியத்தை தீட்ட ஆரம்பிக்கும்போது சில்லிடுகிறது.இதில் காட்சியின் பின்னணி அதி அற்புதம்.இண்டோர் மற்றும் அவுட்டோர் என்று அலங்கரிக்கப்பட்ட பங்களாவின் ஹால் மற்றும் ஒரு குளிர்வாசஸ்தலம்.

அவுட்டோரில் ரஜனியின் ஒரு பிரேம் 1.22 உயிர்துடிப்பானது.stunning!

முதல் சரணத்தில் ”நீரோடை போலவே’ 1.33 -1.56 ஆரம்பித்து முடியும் வரை

ரஜினி,ஸ்ரீதேவி,பிரேமி மூவரும் வாழ்ந்திருக்கிறார்கள்.குறிப்பாக 1.46-1.47ல் கேமரா திரும்ப, படிக்கட்டில் கன்னத்தில் கைவைத்து உட்கார்ந்தபடி பிரேமி ஸ்ரீதேவியைப் பார்க்கும் (பெருமிதம்?) பார்வை யதார்த்தம்.

Hats off Mahendran and Ashok Kumar.

அடுத்து 1.56ல் ”நீராட வந்ததே என் மென்மை” என்று ஸ்ரீதேவி தன் குண்டு விழிகளில் எதையோ தேக்கி (காதல்?காமம்?)புன்சிரிப்போடு காட்டிவிட்டு தலைகுனிவது அட்டகாசம்.

3.26ல் வாசித்துக்கொண்டே பிரேமியை எட்டிப்பார்க்கும் இடம் ரொம்ப சுட்டி.

ஸ்ரீதேவியின் உடை இப்பாட்டில் தனிமொழியே பேசுகிறது.

இளையராஜாவின் வெஸ்டர்ன் கிளாசிகல் வயலின்/பியானோ இழைகள் பாட்டு முழுவதும் தென்றல் போல் வீசிக்கொண்டே இருக்கிறது.

மகேந்திரனின் முள்ளும் மலரும் படத்தில் வரும் செந்தாழம் பூவில் படமாக்கப்பட்ட விதம் ? அது ஒரு வகை அனுபவம்.

வாய்க்கரிசி,அவன் அவள் மற்றும் ஒரு புன்னகை

2011-12-31T10:23:00.004+05:30

வாய்க்கரிசி

”இதானே”

மார்ச்சுவரி அருகே ஸ்டெரச்சரில் பெண் பிணம் காலை விரித்தபடி சாம்பல் பூத்து கிடந்தது.நான்கு மாத கர்ப்பத்தில் வயிறு பூசி இருந்தது.பக்கத்தில் போலீஸ்காரர்.

“கைவுட்டுட்டு ஓடினனே.. அந்த பொறம்போக்கு என்ன ஜாதி?”

எதிரில் இருந்தவர் முகம் இறுகி எதுவும் பேசவில்லை.

”வாய்க்கரிசி தீர்த்தம்ன்னு சம்பிரதாயத்த முடிச்சிடுங்க “

“அதெல்லாம் வேண்டாமுங்க.களுத தொலைஞ்சா போதும்”கத்தையாக ரூபாய் நோட்டுக்களை போலீஸ் கையில் அழுத்தினார்.

“அட ரிக்கார்டலதான் அனாத பொணம்.உனுக்கு நீ பெத்த பொண்ணூ.” சொல்லி முடிப்பதற்குள் அவர் போய்விட்டிருந்தார்.

வார்டுபாயிடம் கால்கிலோ அரிசியும் தண்ணீர் பாக்கெட்டும் வரவழைத்து முகத்தில் தண்ணீர் பீச்சியடித்து கொத்தாக அரிசியை வாயில் போட்டார்.
------------------

அவன் அவள் மற்றும் ஒரு புன்னகை

சந்தியாவுடன் அவனும் சரிசமமாக கூடவே நடந்து வந்துக்கொண்டிருந்தான்.அவன் யாரோ? இவளுக்குத் தெரியாது.

இருவருக்கும் இடையே கால் இன்ஞ் இடைவெளிதான் இருக்கும்.அவள் செருப்பின் அடியும் அவன் ஷுவின் அடியும் பளிச்சென்ற hexagon வடிவ பிளாட்பார வில்லைகளில் மாறி மாறி வைக்கப்பட்டது. ஒவ்வொரு அடிக்கும் தன் செருப்பின் ”சரக்சரக்”கும் அவன் ஷுவின் ”டக்டக்கும்” ஒரு சினிமா பாட்டின் ரிதம் போல காற்றில் தொடர்ந்து வந்தது.

தெருவில் ஒரு திருப்பம் வந்து இருவரும் பிரிந்தார்கள்.

இணைபிரியாமல் நடந்து வந்தது எவ்வளவு நிமிடம் என்று யோசித்தாள். ஐந்து நிமிடம் என்று தெரிந்தது. அந்த hexagon பிளாட்பார கற்களைப் பார்த்தாள்.மெதுவாகப் புன்னகைத்துவிட்டு ஆபிசை நோக்கி நடக்க ஆரம்பித்தாள்.

------------------

முப்பொழுதும் உன் கற்பனைகள்..சித்தாரா சூப்பர்!

2011-12-24T12:49:00.006+05:30

நேற்று டிவி ரிமோட்டில் சேனல்களை மாற்றிக்கொண்டே வரும்போது ஒரு பெண்ணின் குரலைக் கேட்டு சற்று அசந்துவிட்டேன். எனக்காகவே காத்திருந்தவர் போல் பாட ஆரம்பித்தார்.பாடி சிறிது நேரம் கழித்து நிகழ்ச்சி முடிந்துவிட்டது.

அந்த நிகழ்ச்சி “முப்பொழுதும் கற்பனைகள்” படத்தின் இசை வெளியிட்டு விழா. ஜெயா டிவி.

மேடையில் பாடிக்கொண்டிருந்தவர் சித்தாரா கிருஷ்ணகுமார் என்பது நெட்டில் பார்த்துத் தெரிந்துக்கொண்டேன்.அந்தப் பாடல் “கண்கள் நீயே... கடலும் நீயே”.இசை: ஜி.வி.பிரகாஷ்.படத்திலும் இவரேதான் பாடி இருக்கிறார்.

சித்தாரா

பாம்பேஜெயஸ்ரீ, சித்ரா குரலையும் மிக்சியில் போட்டு அடித்துக்
கலந்தாற் போல் இனிமையான ஜீவனுள்ள குரல்.ஹைபிட்ச்சில் மழலை/கீச் தட்டாமல் அற்புதமாக வழுக்கியபடி பாடுகிறார்.கிளாசிகல் டச்.நல்ல தமிழ் உச்சரிப்பு.

ரொம்ப நாளைக்குப் பிறகு தமிங்க்லிஷ் இல்லாமல் பாடும் பெண்ணின் மெலடியோடு உயிர்துடிப்பானப் பாட்டு கேட்டேன்.ரொம்ப சந்தோஷ் ஆனேன்.

தமிழில் இவருக்கு முதல் பாடல் என்று நினைக்கிறேன்.மலையாளத்தில் சாஜன் மாதவ் இசையில் ”யாக்‌ஷியும் நிஜனும்” படத்தில் ஒரு பாடல் பாடி உள்ளார்.இன்னும் நிறைய மலையாள படப் பாடல்கள் பாடி உள்ளதாக தெரிகிறது. இக்குட்டி கேரளாவின்னு வந்துன்னூ.

தாமரையின் வரிகள் பாடலுக்கு மிகப் பெரிய பலம்.இப்பாடல் தெய்வம் தந்த பூவேவின் சாயல் வருகிறது.அடுத்து ஹாரிஸ் ஜெயராஜின் வழக்கமான மெலடி வாசனை.

இவர் கேரளா ஜீவன் டிவியில் பாட்டுப் போட்டியில் இரண்டு கோடி ரூபாய் பரிசு வாங்கி உள்ளாராம். கிழ் உள்ள வீடியோவில் ஜானகி அம்மாவின் மலையாளப் பாட்டு ஒன்று பாடுகிறார்.

சித்தாரா என்றால் வட மொழியில் காலை நட்சத்திரம்.மின்னுங்கள் சித்தாரா.வாழ்த்துக்கள்!

ரொம்ப தூரத்து உறவு - கவிதை

2011-12-21T18:07:00.000+05:30

எப்பவோ பார்த்திருந்த
தூரத்து உறவு அத்தைப் பாட்டி
இறந்துவிட்டதாக தகவல் வருகிறது

பண்டரிபாய் போல்
முகம் இருந்திருக்கிறது
நெய்வேத்தியம் செய்வதற்கு
முன்னமே ஒரு வடை கொடுத்திருக்கிறார்
சமத்தா படி என்று
வாஞ்சையாக கன்னத்தைக்
கிள்ளி இருக்கிறார்
ஈரத்தலையைத் துவட்டி விட்டிருக்கிறார்
சினிமாவுக்கு அழைத்துப் போயிருக்கிறார்
ரயில் ஜன்னல் ஒரத்தில்
உட்கார அனுமதித்திருக்கிறார்
அம்மா அடிக்கும்போது தடுத்திருக்கிறார்

இப்படியாக
அன்பு சுரந்து முடிகையில்
அவரே வீட்டிற்க்கு வருகிறார்

இறந்தது அவர் இல்லை
வேறு யாரோ ஒரு தூரத்து உறவு

பண்டரிபாய் போல்
முகம் இருக்கவில்லை
நெய்வேத்தியம் செய்வதற்கு
முன்னமே ஒரு வடை கொடுக்கவில்லை
அல்லது சமத்தா படி என்று
வாஞ்சையாக கன்னத்தைக்
கிள்ளி விடவில்லை
ஈரத்தலையைத் துவட்டி விடவில்லை
சினிமாவுக்கு அழைத்துப் போகவில்லை
ரயில் ஜன்னல் ஒரத்தில்
உட்கார அனுமதித்ததில்லை
அம்மா அடிக்கும்போது தடுக்கவில்லை

அந்த இறந்துப் போன
வேறு யாரோ ஒரு தூரத்து உறவின் மேல்
அன்பு சுரக்கிறது

அத்தைப் பாட்டிக்குச் சுரந்ததை விட
இரண்டு படி அதிகமாகவே சுரக்கிறது

நன்றி

2011-12-04T12:30:00.000+05:30

கடைசி தேர்வு எழுதி முடித்த உணர்வு.மண்டை குடைச்சல்கள் இனிமேல் இல்லை.நோ டென்ஷன்.ஏதேதோ யோசித்து பதிவுகள் போட்டு ஒரு வாரத்தை ஓட்டியாயிற்று.புது அனுபவம்.

புது மாப்பிள்ளை ஜோர் ஓவர்.அடுத்த புது மாப்பிள்ளை ரெடியாகிவிடுவார்.

என்னை நட்சத்திரமாக்கிய தமிழ்மணத்திற்கு நன்றி. ஒரு வாரம் என்னை ஆதாரித்து படித்தவர்கள்,பின்னூட்டம் போட்டவர்கள் எல்லோருக்கும் நன்றி.

ஜொலித்து முடித்து சாதாவாக ஆன பிறகும் தொடர்ந்து என் பதிவுகளைப் படித்து ஆதரவு கொடுக்கவும்.

நன்றி வருகிறேன் வணக்கம்.

எம்.எஸ்.விஸ்வநாதன் -மெல்லிசை வித்தகர்

2011-12-04T10:56:00.000+05:30

வலது கை விரல்களால் ஹார்மோனியப் பற்களை அழுத்தி இடது கை விரல்கள் இரண்டை உயர்த்திச் சொடுக்குப்போட்டு ரெடிமேடாக மேஜிக் மெட்டுக்கள் போட்டு திரையுலகத் தமிழ் இசையை மெல்லிசைத்து 50 வருடம் ஆண்டவர் எம்.எஸ்.விஸ்வநாதன்.முடி சூடா மெல்லிசை மன்னர்.

இவருடன் டி.கே.ராமமூர்த்தி இணைந்து பின்னால் பிரிந்தவர்.

இவரின் பல பாடல்களில் நடுநடுவே stunner(பிரமிப்பு) இசைத் துண்டு வந்து போகும்.லட்சணமாக இருக்கும்.

என்னால் மறக்க முடியாத பாட்டு “ அம்மம்மா கேள் ஒரு சேதி” ”பவள கொடியிலே”இதன் காட்சியும் நம்மை ஒன்ற வைக்கும்.தாளத்திற்கு “ஒரு பெண்ணைப் பார்த்து" " நீயேதான் என் மனவாட்டி” “அவளுக்கென்ன அழகிய” இன்னும் சொல்லிக்கொண்டே போகலாம.பல நாட்கள் ஆகும் முடிப்பதற்கு.

ரூமை(அதுவும் இரவில்) இருட்டாக்கி ஒரு திகிலுடன் “எங்கே நிம்மதி” பாட்டை ரசித்ததுண்டு.”ஆயிரம் கரங்கள்
போற்றி”(கர்ணன்),”நாம் ஒருவரை ஒருவர்(குமரிக்கோட்டம்),”நான் காற்று வாங்க”(கலங்கரை விளக்கம்) அடிக்கடி கேட்டு ரசிப்பதுண்டு.

இவரின் குரலில் பல அருமையான பாட்லகள்.”கண்டதை சொல்லுகிறேன்”
(சில நேரங்களில் சில மனிதர்கள்) ,”சொல்லத்தான் நினைக்கிறேன்””சிவ சம்போ” “இன்பத்திலும் துன்பத்திலும்” (சிவகாமியின் செல்வன்”""அல்லா அல்லா”(துக்ளக்)”பயணம்” (பயணம்).

பின் வரும் இசை பிரமிப்புக்களை கேளுங்கள்:-

மனையங்கத்து சுப்ரமணியன் விஸ்வநாதன்.பிறப்பு 24-06-1928.இன்றும் பல சேனல்களில் தன்னுடன் ஒட்டிப் பிறந்த தோரணையுடன் ஹார்மோனியத்தை செல்லமாக அணைத்தவாறு தன் இசையை சிலாகிப்பார்.

பன்முகத் திறமை இல்லாமல் இவ்வளவு வருடம் குப்பைக்
கொட்டமுடியாது.
பண்டித இசையை மெல்லிசையாக்கி அடுத்தக் கட்டத்திற்கு நகர்த்திய முக்கியமான ஆளுமைகளில் முதன்மையானவர்.

அதுவும் சிவாஜியின் உதட்டுக்கும்/நடைக்கும் எம்ஜியாரின் கைஆட்டலுக்கும் கொள்கைக்கும் பாடல் எழுதப்படுகிறது.அதற்கு தன்னை உலுக்கிக்கொண்டு மெட்டுக்கள் போட்டு இளைத்துப்போனவர் மெல்லிசை மன்னர்.அவர்களுக்குத் தெரியாமல் நவீனத்தை மறைத்துக்கொடுத்தவர்.

இவர் காலத்தில் இசையமைப்பாளர்களுக்கு பொறுப்பு அதிகம். ஏன்? பல படங்களில் பாட்டிலேயே கதைச் சொல்ல வேண்டும்.வெயிட்டுஜாஸ்தி.சமூகம்,பக்தி,மாயஜாலம்,
சரித்திரம்,புராணம்,மேற்கத்திய நாட்டு கதை,திகில்,பேய்,கிரைம்,கர்நாடகம் என்று பல வித கூறுகளில் படத்திற்கு இசை அமைக்க வேண்டும்.

அயல் நாட்டு இசையை தமிழில் புகுத்தியவர். ”ஆட வரலாம்”(கறுப்புபணம்),”நினைத்தை நடத்தியே”(நம் நாடு),”மலரென்ற முகம்”(காதலிக்க நேரமில்லை)”என்னைத் தெரியுமா”(குடியிருந்த கோவில்).

அப்போது முக்கியமானது நேரலை இசை( live orchestra) அமைப்பு. எல்லா வாத்தியகாரர்களயும் கட்டி மேய்த்து இசை உருவாக்க வேண்டும். இடையில் தப்பு நேர்ந்தால் மீண்டும் இசைக்க வேண்டும்.

இவரின் தாக்கம் அவரின் சமகாலத்து இசையமையப்பாளர்களான வி.குமார்,சங்கர்கணேஷ்,
ஜி.கே.வெங்கடேஷ்,தேவராஜன்,விஜயபாஸ்கர்,ஆர்.கோவர்தன்,ஆர்.சுதர்ஸனம் இருந்தது.

இளையராஜா பாடல்களிலும்பார்க்கலாம்(நினைத்தால் போதும் பாடுவேன்(கலைக்கோவில்).ஆர்.ரஹ்மானுக்கு ரொம்ப செல்லமானவர்.தாக்கத்தில் ரிமிக்ஸ் போட்டதுண்டு.

பயணம் பாட்டைக் கேளுங்கள்.ஒல்டு இஸ் கோல்டு.

http://www.raaga.com/player4/?id=230558&mode=100&rand=0.031038899207487702

எம்.எஸ்.வி தமிழ்த் திரையுலகில் மாபெரும் தாக்கத்தை உண்டாக்கி விலகியவர்.

டிஸ்கவரி சேனல் -இயற்கையின் பிரமிப்புகள்

2011-12-03T10:50:00.000+05:30

டிஸ்கவரி சேனல் தமிழ் வந்த பிறகு நிறைய சேனல்களின் டிஆர்பி ரேட்டிங் குறைவதாக எங்கோ செய்திப் படித்தேன். உண்மைதான்.கலக்குகிறார்கள்.

அதே ஆங்கிலம்தான் இப்போது தமிழில்.

சினிமா போல ஆரம்பம்,நடு, கிளைமாக்ஸ் என்று பதப்படுத்திக் கொடுக்கிறார்கள்.சில பிராணிக்குச் செல்ல பெயர் வைத்து பின் தொடர்ந்து கதைச் சொல்கிறார்கள்.இது அம்மா,இது அப்பா,இது அதன் குட்டிகள் என்கிறார்கள்.

மாதங்கள் வருடங்கள் காத்திருந்து படம் எடுக்கிறார்கள்.

ஒரு தனி கிரகமாக இயங்கிக்கொண்டிருக்கிறது.வாழ்வா-சாவா போராட்டம் நித்தம் நித்தம் நடக்கிறது.

பாம்பு விஷத்தைக் கழுகின் மேல் பீச்சி அடிக்கிறது.ஆமை ஜோடி சேர்வதற்கு படாத பாடு படுகிறது.ஒரு குருவி
வெகுளித்தனமாக வேறொரு குருவி குஞ்சு இனத்திற்க்கு உணவு ஊட்டுகிறது.லட்சக்கணக்கான மீன்கள் அலுக்காமல் நீந்திக்கொண்டே இருக்கின்றன.

குரங்குகள் குளிரில் நடுங்குகின்றன.பூச்சி ஒன்று எதிரி மேல் குசு விட்டு தப்பிக்கிறது.சிங்கங்கள் பிரபஞ்சமே கிடுகிடுக்கும்படி மோதுகின்றன.புணர்ந்த பின் சிலிர்க்கின்றன.வித விதமான பூக்கள் கொத்துக்கொத்தாக பூத்து குலுங்கிக்கொண்டே இருக்கிறது.வெளவால்கள் கண்டம் விட்டு கண்டம் உணவுக்கு பறக்கின்றன.குளிர் போய் வெப்ப காலத்தில் நிறைய மடிகின்றன. கன்றுகள் தொலைந்துப்போய் அம்மாவைத் தேடுகின்றன.

உஷார்...!காவல்காக்கும் மீர்காட்டுகள்

இயற்கையின் வினோதங்களை இண்டு இடுக்குவிடாமல் படம்பிடித்துப் போடுகிறார்கள்.விதவிதமான நவீன தொலைத் தொடர்பு சாதனங்களுடன் உலகத்தை வலம் வருகிறார்கள்.

சாப்பாடு,தற்காப்பு,செக்ஸ் முக்கியமான மூன்று தளங்களில் கோடிகோடி ஜீவராசிகள் தங்களின் இருப்பை நிலை நிறுத்திக்கொள்கின்றன.

எல்லாமே உள்ளுணர்வு மூலம் உந்தப்படுகின்றன.

Survival of the fittest என்பது நிதர்சனம்.இங்கும் பொறாமை,தகிடுதத்தம்,குழு மனப்பான்மை,பிலிம் காட்டுதல்,அலட்டுதல்(செக்ஸ்ஸுக்காக),திட்டம் போடுதல்,அன்பு,பிரிவு,துக்கம்,போட்டி,வருத்தம், எல்லாம் உண்டு.

யூகிக்க முடியுமா. வெற்றி அல்லது தோல்வி அல்லது டை?

ஆனால் எல்லாம் இருப்புக்கான போராட்டம்தான்.எப்போதும் உயிர் பயம் என்ற டென்ஷனிலேயே இருக்கிறது.ஒரு புல்லைக் கடிப்பதற்க்குள் எவ்வளவு கவனமாக இருக்க வேண்டி இருக்கிறது.24 மணி நேர கண்காணிப்பு கேமராதான்.

தாவரத்தை உண்ணும் பிராணிகள் தாவர பட்சிணி.இங்கு தாவரம் பூச்சியை வூடு கட்டி பிடித்து உண்கிறது. அதற்கு சத்துணவு தேவையாம்.

இயற்கையின் சீற்றங்கள்.மனிதனின் சாகசங்கள்.மருத்துவ உலகின் அதிசயங்கள் என்று உலகம் விரிகிறது.

மனிதன் இயற்கை மற்றும் பிராணிகளுடன் போராட்டம் நடத்தி பிரயாணம் செய்வதை ஒரு டிவி சீரியல் போல் சொல்கிறார்கள்.

ஒரு ஜீவராசிக்காவது, அதன் உள்ளுணர்வில் தெரியுமா, டிவியில் இதன் சொந்த விஷயங்களை நாம் எட்டிப்பார்த்துக்கொண்டிருக்கிறோம் என்று. தெரிந்தாலும் அது கவலைப்படப் போவதில்லை.

சேனலின் மொழிப்பெயர்ப்புத் தமிழை இன்னும் எளிமைப் படுத்தலாம்.

எலுமிச்சம் பழம் - சிறுகதை

2011-12-02T15:41:00.001+05:30

சாந்தகுமார் உடம்பு முழுவதும் திருநூறு அப்பிக்கொண்டு கைகட்டி பவ்யமாக சாமியாரின் முன் நின்றுக் கொண்டிருந்தான்.தொல்லை எல்லாம் நிவர்த்தி ஆகிவிடும் என்ற நம்பிக்கையில்.

“இன்னித்தோட கஸ்டல்லாம் ஓய்யிது.ஒன்னோட புது சலூனுக்கு எந்த திருஸ்டியும் அண்டாது” கையில் கொத்தாக இருந்த எலுமிச்சம் பழங்களை அப்படியும் இப்படியுமாக கசக்கிப் பிழிந்து தூர எறிந்தார் சாந்தகுமாரின் குடும்ப சாமியார்.

ஒரு பழம் மட்டும் எதுவும் ஆகாமல் கையில் இருந்து உருண்டு ஓடியது.சாமியார் அதைப் பார்த்து மிரண்டார்.அபசகுனமா?சாந்தகுமாரும் மிரண்டான்.

“ஏதோ ஒரு பீடை உன்ன உத்துப் பாக்குது.நீ திரும்பிப் பார்க்காத மெட்ராஸ் கிளம்பு.நான் அந்தப் பீடையைச் சுடுகாட்டுக்கு ஓட்றேன்”

சாந்தகுமார் பிடித்த ஓட்டத்தில் சென்னை வந்துதான் நின்றான்.திரும்பியே பார்க்கவில்லை.பீடை உற்றுப் பார்த்தால் எப்படி திரும்பிப்பார்க்க முடியும்.

சென்னை திருவல்லிக்கேணி.

அடுத்த இரண்டு நாளும் நசுங்காத எலுமிச்சம் பழம் இவனையே உற்றுப்பார்ப்பது போல் இருந்தது.மூன்றாவது நாள்தான் கடையைத் திறந்தான்.

”யாரு இப்படி பாக்கறாங்க நம்மள?”கையில் கத்திரிக்கோலும் சீப்புமாக வெளி வந்தான் சாந்தகுமார். இரைச்சலுடன் கடை எதிர் சைடில் நின்ற பஸ்ஸிலிருந்து ஒருவர் ஜன்னல் சீட் வழியாக சாந்தகுமாரின் பள பள ”தனுஷ் சலூனை” உற்றுப் பார்த்துக்கொண்டிருந்தார்.அவரின் சிவப்புச் சட்டை எடுப்பாகத் தெரிந்தது.

யோசித்தவாறே சாந்தகுமார் உள்ளே போய் கஸ்டமருக்கு தலை முடியை வெட்டியவாறே குனிந்து மீண்டும் பார்த்தான்.பஸ்காரர் அதேபோல் உற்றுப் பார்த்துக்கொண்டிருந்தார்.இப்போது பஸ்கார் (பஸ்காரர்)சலூனைத் துழாவிப் பார்ப்பது போல் இருந்தது.

சாந்தகுமார் சற்று டென்ஷன் ஆனான்.

எச்சைத் துப்புவது போல் வெளியே வந்து மீண்டும் ஜன்னலை உற்று நோக்கினான்.பதிலாக பஸ்காரும் உற்று நோக்குவது போல் இருந்தது.பஸ்ஸு ஏன் இவ்வளவு நேரம் இங்க நிக்குது.அதுவும் ஸ்டாப்பிங் இல்லாத இடத்தில் பஸ் நின்று ஒருவர் ரொம்ப நேரம் உற்று நோக்குகிறார் என்றால் ஏதோ தீய சக்திதான்.அதான் எலுமிச்சம் பழம் நசுங்கவில்லை.

ரொம்ப விசனமாகி உள்ளே போய் விட்ட வேலையைத்
தொடர்ந்தபடி மீண்டும் குனிந்துப்பார்த்தான்.பஸ்காரரும் அப்படியேதான் உற்றுப் பார்த்துக்கொண்டிருந்தார்.

சாமியார் சொன்ன பீடையா?கலவரமாகி கையில் இருந்து கத்திரிக்கோல் நழுவ சுதாகரித்துப் பிடித்துக்கொண்டான்.

சாந்தகுமாரரின் நடவடிக்கையில் கவனம் ஈர்க்கப்பட்டு
கஸ்டமரும் சேரில் அமர்ந்தபடி சாந்தகுமாரனுடன் தலைக்
குனிந்துப் பார்த்தார்.ம்ம்ம் என்று பெருமூச்சுவிட்டபடி சாந்தகுமாரை விழித்துப் பார்த்தார்.கஸ்டமரின் விழி பீதியைக் கிளப்பியது.

சாந்தகுமார்அரண்டுபோய் ”பேய்” வேகத்தில் கட்டிங் மற்றும் சேவிங் செய்து முடித்து அவரை அனுப்பினான்.சலூன் புதுப்பித்து முதல் கஸ்டமர் இவர்தான்.

சேவிங் துணியை கையில் பிடித்து உதறுகையில் கையில் ஏதோ பிசுபிசுத்தது.ரத்தம்.ஷேவ் செய்யும்போது இது இல்லையே? மிகுந்த டென்ஷானகி இதயம் படபடத்தது.

வழுவழுப்பாக உருண்டையாக ஏதோ உள்ளங்காலில் தட்டுப்பட்டது.நல்ல குண்டுக்கட்டான எலுமிச்சம் பழம்.குனிந்துபார்த்தால் பாதத்தின் கிழ் ஒன்றும் தட்டுப்படவில்லை.சே! பிரமை.

சே! கடையை அப்படியே பழசாக விட்டுருக்கலாமோ? ஏன் லட்சம் செலவிட்டு புதுப்பித்தோம்.பழசு ஸ்ரீதேவி போய் புதுசு பீடை நம்மைப் பிடிக்கிறதோ.நம்மையே பிடிக்க உற்றுப் பார்க்கிறதோ.

பஸ் போய்விட்டதா?பீடை இருக்கிறதா?மீண்டும் ஏதோ அவனைப் படுத்தியது.

கண்ணாடியை வாசல் நோக்கிக் காட்டிப் பிடித்து கண்ணாடியைப் கவனமாக சற்று பயத்துடன் பார்த்தான்.பஸ் அங்கேயே இருந்தது.என்னாச்சு பஸ்ஸூக்கு.வெளியே போக பயமாக இருந்தது.

லைட் எல்லாவற்றையும் அணைத்துவிட்டு கதவை ஒருக்களித்து மீண்டும் பார்த்தான்.பீடை இங்கேயேதான் பார்த்துக்கொண்டிருந்தது.சற்றுத் தள்ளி பக்கத்துக் கடையில் எலுமிச்சம் மூன்று வாங்கினான்.கடைக்கு எதிரே நின்று சூடம் காட்டி கண்ணை மூடி ஏதோ வேண்டினான்,யார் யாரையோ சபித்தான்.

சூடம் அணைந்ததும் பழங்களை காலால் அமுக்கிப் பிய்த்து மூலைக்கொன்றாக மூன்று முறை சுத்தி இடது வலது பின் எறிந்தான்.ஒன்று பஸ்ஸின் அடியில் விழுந்தது.பரம திருப்தியானன்.பெரிய பழம் ஒன்று எடுத்து கிழே வைத்து காலால் அழுத்தி சப்பை ஆக்கினான்.பழம் சக்கைகள் தெரிய கிழிந்து சாறு பீச்சியது.மனம் ஒரு நிலைக்கு வந்தது.

விறுவிறுவென்று கடையை மூடினான்.பஸ்ஸில் ஏறி ”பீடை”யின் பக்கத்தில் நின்று அது பீடையா அல்லது சாதா பஸ் பிரயாண மனிதனா என்று கண்காணித்து ஏதாவது நிவர்த்திச் செய்ய வேண்டும் என்று எதிர்பக்கம் கிராஸ் செய்து பஸ்ஸில் ஏறினான்.

பஸ் ஏதோ கோளாறால் நின்றிருந்தது.உள்ளே வந்தான்.ஆனால் “பீடை” உட்கார்ந்திருந்த சீட் காலியாக இருந்தது.

பஸ்ஸின் உட்புறம் எல்லா இடத்திலும் தேடி குனிந்தவாறு எதிர் திசையைப் பார்த்தான்.அதே சிவப்புச்சட்டைகாரர் தன் கடையின் எதிரில் நின்றுக்கொண்டு கடையை உற்றுப் பார்த்துக்கொண்டிருந்து விட்டு திடிரென்று பக்கத்து காய்கறி கடைக்கு விறுவிறு என்று நடந்தார்.

அங்கு அவர் ஒரு எலுமிச்சம் வாங்கிக்கொண்டு திரும்பும் தருணம் பஸ் புறப்பட்டு அடுத்த சந்தில் திரும்பியது.”நல்ல வேளை மறக்காமல் எலுமிச்சம் பழம் வாங்கினோமே” வீட்டை நோக்கி நடந்தார் சிவப்புச்சட்டை.

முற்றும்

இளையராஜா - King of Musical Trills

2011-12-01T15:14:00.005+05:30

இந்தப் பதிவில் Trill என்னும் இசையின் ஒரு கூறு பற்றிப் பார்க்கப் போகிறோம்.

ட்ரில் என்பது இசையை குட்டியாக அழகுப்படுத்த இயற்றப்படும் சின்ன இசைத் துண்டுதான்.முகத்தில் மெஹந்தி பொட்டு ஒற்றுகள் மாதிரி ஒரு குட்டி ஒப்பனை.அலங்காரம்.

வயலின்,கிடார்,கிளாரினெட்,பு.குழல்,பியானோ மற்றும் வேறு இசைக் கருவிகளால் இதற்குண்டான நோட்ஸ் பார்த்து வாசிக்கப்பட்டு அலங்கரிப்படுகிறது.

நாக்கு,உதடு,தொண்டை இவற்றால் கூட ட்ரில் இசைக்கிறார்கள்.வெண்ணிற ஆடை மூர்த்தி போல் பிர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர் ட்ரில்லும் உண்டு.பார்க்க யூ டியூப்.

வயலின் கலைஞர் குன்னக்குடி வைத்தியநாதன் அவர்களும் வயலினில் இது மாதிரி செய்வார்.

ட்ரில் பற்றி......

விக்கிப்பிடியா/ஆக்ஸ்போர்டு அகராதி:
1.(the effect achieved by) the fast playing of a note and the note above or below it, one after another.

2.(bird song) Birds to sing a series of quickly repeated high notes.

3.Singing two musical notes one after the other, repeatedly and very quickly

பேஸ் புக்கில் Raja Fans Groupல் ராஜீவ் ஷங்கர் இதைப் பற்றி எழுதி எல்லோரும் தெரிந்துக் கொள்ள வைத்தார்.அவரும் தெரிந்துக்கொண்டார்.அவருக்கும் அங்கு கலந்துரையாடி ராஜாவின் ட்ரில் ஆடியோ பகுதிகளைப் பதித்த எல்லா நண்பர்களுக்கும் நன்றிகள் கோடி.

அங்கு பல மேஸ்ட்ரோவின் பல இசைக் கூறுகள் ஆரோக்கியமாக விவாதிக்கப்பட்டு தெரிந்துக்கொள்கிறோம்.

உன் எண்ணம்,ராஜபார்வை,தீபம், அடுக்கு மல்லி,16 வயதினிலே,அஞ்சலி ஆயிரம் நிலவே வா தவிர மீதி அங்குப் பகிரப்பட்டது.

டிஸ்கி:பொது அறிவில் உள்வாங்கி எளிமைப்படுத்தப்பட்டுள்ளது.பண்டித ஞானம் அல்ல.தவறு இருந்தால் சுட்டிக்காட்டலாம்.

ட்ரில் பற்றி எளிமையாக புரிந்துக்கொள்ள: அதிவேக நாத அதிர்வுகள் அல்லது சிலிர்ப்புகள் அல்லது அலசல்கள்.

குளத்தின் மேற்பரப்பில் கல் எறிந்தால் எதிர்வினையாக ஏற்படும் அதிவேக அலை அதிர்வுகள்.

கேட்டால் செய்வது சுலபமாகத் தெரியும். ஆனால் இதற்கும் திறமை வேண்டும் என்று தெரிகிறது.

(Filedon floating audio பிரச்சனையால்(அங்கு பிரச்சனை) மற்றொரு ஆடியோ Divshare வைக்க வேண்டியதாயிற்று.நல்ல நட்சத்திர நாள் அதுவுமா ரொம்ப விசேஷம் போங்க பைல்டென்! பிரச்சனை எப்போது தீரும் என்று தெரியவில்லை)

இசைஞானி இளையராஜாவின் Trills?

இளையராஜா இதைப் பன்முகமாக (versatile) இசைத்துக்காட்டுகிறார்
பாட்டின் நுனி முதல் அடி வரை ஏதோ ஒரு பகுதியில் எதிர்பார்க்காத இடங்களில் வந்து சின்னதாக சிலிர்த்துவிட்டுப் போகிறது
இசையின் ஓட்டத்தில் பொருந்தி இதுவும் ஓடுகிறது
வண்ணமயமானது
Grand and beautiful
லூசுத்தனமாக (அமெச்சூர் நெடி?) இல்லாதது
ஆத்மா உள்ளது

எதற்காக இது பாட்டின் நடுவே வருகிறது? பல காரணங்கள்.நான் சொல்வது யூகத்தின் அடிப்படையில்.

திகில்/பேய் எமோஷன்,பொழுது புலர்வது,குறும்பு/குறுகுறுப்பு,ஜஸ்ட் ஒப்பனை,தண்ணீர் பீச்சி அடித்தல்,கிராம காட்சிகள்,மெல்லிய சலனங்களோடு தொடங்குதல்,கனிவு, குழந்தைத்தனம்,திடீர் வேகம் etc.,etc.,.

பாட்டின் முழு சரத்தில் ஏதாவது இடத்தில் இதைப் பொருத்தி அழ்காகத் தொடுக்கிறார்.புல்லாங்குழல் நிறைய வருகிறது. காரணம் நிறைய கிராமீய மெட்டுக்கள்.

Let"s get thrilled with his Trills!

கிழ் வரும் முதல் நான்கு (ராஜா அல்ல) ஆடியோ
உதாரணங்கள் எளிமைப்படுத்தும்.இவைகள் நானே என் சொந்த ஆர்வத்தில் சேகரித்தது.

நன்றி: you tube

Trills- Violin.mp3

Trills-Piano.mp3

Trills-Guitar.mp3

Trills-Clarinet.mp3

Trill-Nadodi Thendral-92-ManiyeManikuyile.mp3
0.15-0.22 சிந்தசைசரின்(சிந்த்தானா?)சிலுப்புகள்.

Trill-KelviumNaane Pathilum-88-Title.mp3
இது படத்தின் டைட்டில் இசையில் வருவது.
0.18-0.22 அன்ட் 0.38-.044 பியானோவில் ட்ரில்

Trills-Thambi Pondatti-92Unennam.mp3
0.08-0.24

Trill-Thalapathi-91-YamunaiAatrile.mp3
ஆரம்ப புல்லாங்குழல் ட்ரில் கிளாசிகல் டச்சோடு வருகிறது.

Trills-PallaviAnupallavi-83-.mp3
0.31-0.33(சிந்த்?) அண்ட் 0.47-1.04(பின்னணி வயலின்)

Trills-Mella Pesu-83-Uyire_Uravil.mp3
0.10-0.14 இதன் பின்னணியை கவனியுங்கள்.இதனுடன் வேறு ஒரு எமோஷன் வயலின்(double bass?) குறுக்கிட்டு இசைக்கப்படுகிறது.

RajaParvaiViolin.mp3
ட் ரில் எங்கு ?தமிழ்ப்பறவை அண்ட் கோபிநாத்

Trills-Alaigal Oivathillai-81-PuthamPuthu.mp3
ட்ரில் எங்கு?தமிழ்ப்பறவை அண்ட் கோபிநாத்
அதிகாலை உணர்வுக்குக்காக இந்த ட்ரில்?

Trill-Nenjathai Killathe-80 -Title.mp3
படத்தின் டைட்டில் இசை 0.37-0.40

Trill-Aavarampoo-91-AdukkuMalli.mp3
0.04-0.11 புல்லாங்குழல்

Trill-Athisiya Piravi-90-Annakilye.mp3
0.19-0.25 புல்லாங்குழல்(சின்னதாக)

Trill-Edhomogam-Kozhikovuthu.mp3
வயலின் 00.00-00.05, 0.19-0.22

Trill-NalamVaazha-Marupadiyum-93-.mp3
00.00-00.03 வயலின்

Trills-Gopurangal Saivathillai-83-Poovadaikatru.mp3
0.43-0.45 புல்லாங்குழல்

Trills-Ullasa Paravaigal-80-.mp3
00.19-0.26 சிந்த் அல்லது பு.குழல்

Trill-Time-99-NiramPirithu.mp3
பியானோ 0.00-0.11

Trill-Solla Marantha Kathai-02-Etho Onna.mp3
00.00-0.10 வயலின்

கிழ் வரும் ஆடியோவில் ட்ரில் எங்கு வருகிறது. பின்னூட்டத்தில் சொல்லவும்.
Trills-Sri Ramarajayam-11-Rama Rama Ane.mp3

Trills-Deepam-77-Poovizhivasalil Yaradi1.mp3
0.04-0.08

Trills-Kumbakarai Thankaiah-77-ThendralKaathe(duet).mp3
???????? சொல்லுங்கப்பா.

பேய்-1
Trills-Aayiram Nilave Vaa-83-DevathaiIllam.mp3
00.05-0.08

Trills-Thavani-Kanavugal-84-SengamalamSir.mp3
0.04-0.11, 0.41-0.47,1.03-1.04

பேய்-2
அஞ்சலி-90-ராத்திரி நேரத்து
0.13-0.20

மேலே உள்ள filedon floating audio வேலை செய்யாவிட்டால் கிழே divshare audio

என் பழைய இளையராஜா பதிவுகள்:

1.இளையராஜாவின் மேஜிக் புல்லாங்குழல்கள்

2.ராஜாவின் மேஜிக் வயலின் நாதங்கள் -1

3.இளையராஜாவின் மேஜிக் வயலின் நாதங்கள் -2

ஏன்? ஏன்? ஏன்? ஏன்?ஏன்? அம்மா எமனை ஓடிப் பிடித்தார்?

2011-12-01T12:42:00.000+05:30

வீடியோவில் நடந்த சாவிற்க்கு காரணம் ஆயிரம் சொல்லலாம். ஆனால் முக்கியமான காரணம் “முன் திட்டம் இல்லாமை”(planning).ஒரு ஆழ்துளை ஆராய்ச்சி(drill down analysis).

இடம்: மைசூர் ரயில்வே ஸ்டேஷன்.வண்டி:சாமுண்டி
எக்ஸ்பிரஸ்.அம்மா இறந்துவிட்டார்.பெண் படுகாயம்(?)

எந்த பிரச்சனைக்கும் Why-Why analysis? ஏன் ஏன் ஏன் ஏன் ஏன் என்று ஐந்து கேள்விகள் கேட்டு பிரச்சனையில் வேருக்குச் சென்று அதைக் களைய வேண்டும்.மேலோட்டமாக பிரச்சனையை அணுகக் கூடாது.

நிகழ்வின்(effect) உண்மையானக் காரணத்தை(cause) அறியவேண்டும்.”விதி” “அவன் செயல்” ”மங்கு சனி”எல்லாம் ஒரு நம்பிக்கையாக வைத்துக்கொள்ளுங்கள்.ஆனால் யதார்த்தம் வேறு.

மேற்கண்ட நிகழ்வு ஏன் நடந்தது.அதன் அடிவேர் என்ன?

ஐந்து ஏன்கள் கேட்டு அடிவேரைப் பிடிப்போம்.

இது சும்மா மொக்கையோ டமாஸ்ஸோ அல்ல.நிதர்சனம்.விஞ்ஞான பூர்வமானது.அந்த அம்மாவை நம் சொந்த அம்மா போல் கற்பனைச் செய்து பாருங்கள்.

1.ஏன் இறந்து போனார்?
ஓடும் ரயிலில் ஏறினார்
2.ஏன் ஓடும் ரயிலில் ஏறினார்?
சரியான நேரத்திற்கு ஸ்டேஷனுக்கு போகவில்லை
3.ஏன் போகவில்லை?
வீட்டிலிருந்துப் புறப்பட தாமதம் ஆகிவிட்டது.
4.ஏன் தாமதம்?
அது இது என்று பல வேலைகள்
5. ஏன் அது இது என்று பல வேலைகள்?
எதுமே, முக்கியமாக பிரயாணம் உட்பட சரியாக திட்டமிடவில்லை.

”அவசர எமர்ஜென்சி பிரயாணம்”என்று தப்பிக்க முடியாது.இதற்கும் ஒரு அவசர திட்டமிட்டுதான்(emergency plan) கிளம்ப வேண்டும்.

இந்த whyயை தலைகிழாக திட்டமிட்டு கிளம்புவதாக போட்டுப்பாருங்கள்.மகள் டாட்டா காட்ட அம்மா பதிலுக்கு சிரித்தபடி டாட்டா காட்டிக்கொண்டே போயிருப்பார்.

"பிளான் பண்ணா எதுவும் நடக்கிறதில்ல.டக்குன்னு திங்க் பண்ணுவேன் டக்குன்னு கிளம்பிடுவேன் “ இப்படி ஒரு கோஷ்டி எப்போதும் சொல்லிக்கொண்டு திரியும்.

திங்க் பண்ணிட்டு டக்குன்னு வாயு (திங்க் பண்ணாமலும்)விடலாம்.பாத்ரூம் போகலாம்.
சொறிந்துக்கொள்ளலாம்.கொட்டாவி விடலாம்.சாமுண்டி எக்ஸ்பிரஸ்ஸைப் பிடிக்க முடியாது.

(டக்குன்னு இப்படி ஒண்ணு ( நண்பர்) வண்டியில்
கிளம்பிப்போய் வாரிக்கொண்டு விழுந்தது.சைடு ஸ்டாண்டு மடக்கப்படவில்லை.இவரு “டக்குன்னு” திங்க் பண்ணிட்டாரு.அதான் காரணம்)
_____________________________________

கிழ் உள்ளவர் தப்பித்துவிட்டார்.ஆனால் பைக்.ஏன் ஏன் ஏன் ஏன் ஏன்? படம் வரைந்து பாகங்களைப் பின்னூட்டத்தில் சொல்லுங்கள்.

பைக்கின் தலைவிதி அப்படி இருந்தா யாரால மாத்த முடியும்?

ஹாலில் பெய்த மழை -கவிதை

2011-11-30T12:01:00.000+05:30

நடு ஹாலில் கொட்டும் மழைக்கு
குடை விரித்த குழந்தை
விரித்துப்போட்டபடி தூங்கிவிடுகிறது

அம்மா அப்பா அண்ணன் தாத்தா பாட்டி
அத்தை மாமா சித்தி சித்தப்பா
பெரியம்மா பெரியப்பா பொம்மைகள்
எதிர்வீடு பக்கத்து வீட்டு குழந்தைகள்
கை நீட்டிப் பார்க்கிறார்கள்

மழை நின்று விட்டது

ஒருவர் பின் ஒருவராக
சத்தம் போடாமல்
குடைக்குள் இருந்து கிளம்புகிறார்கள்

குப்.. குப்.. குப்.. குப்.. குப்.. சென்னை மெட்ரோ ரயில்

2011-11-30T09:50:00.002+05:30

வைகை மற்றும் பல்லவன் சூப்பர் பாஸ்ட் எக்ஸ்பிரஸ் விட்ட புதிதில் அதைப் பார்க்க ரயில்வே லைன் ஓரங்களில் மக்கள் காத்திருப்பார்கள்.”படக் படக் படக்..”புழுதி பறக்கக் கடக்கும் நம்மை.

மெட்ரோ ரயிலும் ”படக் படக் படக்” என்று புழுதி இல்லாமல் சென்னை வாசிகளை கடக்கப்போகிறது.

முதல் தடவையாக சிட்டிக்குள் பாம்பு மாதிரி ஊர்ந்து போகப்போகிறது பூமிக்கு மேலும் கிழும்.நிச்சியமாக அண்டர் கிரவுண்ட் ஓட்டத்தை ஆர்வமாக (பிரயாணம் செய்துக்கொண்டே(ஒரு “மண்ணாங்கட்டியும்”தெரியாது) பார்ப்பார்கள்.பூமிக்கு கிழே சைதாப்பேட்டையிலிருந்து நந்தனம்,அண்ணாசாலை,எல்.ஐ.சி,சென்ட்ரல் வழியாக வண்ணரப்பேட்டைக்கு ஒரு ரூட்டு போகிறது,

இரண்டு வருடமாக சென்னையில் அங்கங்கு மெட்ரோ
ரயிலுக்கு வேலைகள் ஜரூராக வேலை நடக்கிறது.போக்குவரத்தும் பாதிக்கப்படுகிறது.

ஜவஹர்லால் ரோடு(100 feet Rd)

அது என்ன சென்னை மெட்ரோ ரயில்?

பெருகிவரும் போக்குவரத்து நெரிசலைக் கட்டுப்படுத்தக் காலத்திற்கு ஏற்றார்போல்(fast,reliable,convenient,economical,efficient and modern transport) விரைவான,சிக்கன,நம்பகமான,புகை இல்லாத,திறன் வாய்ந்த, வசதியான,நவீன வாகனம்தான் மெட்ரோ. அடுத்து இது மற்ற போக்குவரத்துக்களுடன் சார்ந்து மக்களுக்கு பயன் அளிக்கவேண்டும்.

இதுதான் இதன் லட்சியம்.விஷன்.

கொல்கொத்தா மெட்ரோ

மெட்ரோவின் மற்றும் பல சிறப்பு அம்சங்கள்:-

மற்ற போக்குவரத்துக்களை ஒப்பிடும்போது இதற்கு பயணிகள் ஐந்தில் ஒரு பங்கு எனர்ஜி செலவிட்டால் போதும்
சாலைகளை அவ்வளவாக ஆக்கிரமிப்பதில்லை
பயண நேரத்தை குறைக்கிறது
புகை, இரைச்சல் இல்லை
பாதுகாப்பானது,நம்பகமானது

முக்கியமாக இந்தச் சென்னை மெட்ரோ அண்ணாசாலை,ஜவஹர்லால் சாலை மற்றும் பூந்தமல்லி சாலை மூன்றையும் இணைக்கிறது.

எங்கிருந்து எங்கு போகிறது? இரண்டு ரூட்கள்.

முதல் ரூட் (corridor -1) வண்ணாரப்பேட்டை - விமான நிலையம்(23km)
இரண்டாவது ரூட் ( corridor -2) செண்ட்ரல் - செயிண்ட்தாமஸ் மவுண்ட்(22km)
இதில் 24km பூமிக்கு அடியிலும் மீதி மேலும் செல்கிறது

படத்தைப் பார்க்க.

ரூட் -1 வண்ணாரப்பேட்டை -சைதை வரை பூமிக்கு அடியில் பிறகு மேல்
ரூட் -2 செண்ட்ரல் - திருமங்கலம்(அண்ணா நகர்) பூமிக்கு அடியில் பிறகு மேல்

கிழிருந்து மேல்,மேலிருந்து கிழ் நெருங்கும் பகுதிகளை எப்படி ஜெர்க் இல்லாமல் சரி(அலைன்) செய்வார்கள்?

மற்ற திட்டங்கள்:

2-27 கிமீக்கு ரூ8 - 23 வரை வசூலிக்கப்படலாம்(தோராயமாக)
30கிமீ வேகம்.ஆனால் 80கிமீ போவதற்குத் திறன் உள்ளது
45 நிமிட பயணம் முதல் ரூட்டிற்கு
30 வினாடிகள் நின்று புறப்படும்
5 நிமிடத்திற்கு ஒரு முறை நெருக்கடி நேரத்தில் மற்ற நேரத்தில் 15 நிமிடம் ஸ்டேஷனுக்கு வரும்
பேப்பர் இல்லாத டிக்கெட் மற்றும் தானியங்கி ஏறுதல்/இறங்குதல்
இதனால் 16 பேரூந்துகளும்,300 நான்கு சக்கர மற்றும் 600 இரண்டு சக்கர வாகனங்கள் சாலையில் குறையும்.ஆட்டோ?
ரூட் -1 அன்ட் 2 தலா, 17 ஸ்டேஷன்கள்
தண்டவாள நடுவில் அதிக வோல்ட் மின்சாரம்.அதைத் தேய்த்துக்கொண்ட்டுதான் மெட்ரோ போகும்.தொட்டால் கரிக்கட்டைதான்.வாட்டர் பாட்டில் விழுந்தால் எடுக்காதீர்கள்
ஸ்டேஷனிலிருந்து இறங்கியவுடன் வேறு இடத்திற்குச் செல்ல feeder service உண்டு (????)
முதல் கட்டமாக ஒரு பகுதி (பூமிக்கு மேல்) 2015ல் பயணத்திற்கு விடப்படும்
அவசரத்திற்கு டிரைவரை தொடர்பு கொள்ள அழுத்த விசைகள் உண்டு
ஒரே சமயத்தில் 1200-1500 பிரயாணிகள் பிரயாணம் செய்யலாம்
”பாஸ் டைம்” வேர்கடலை,கர்சீப்,ஊசி,பாக்கெட் காலண்ட்ர்,நெய் பிஸ்கட் இத்யாதிகள் தொல்லை இருக்காது

முதலீடு ஜப்பானிடம் இருந்து கடன் வாங்கப்பட்டுள்ளது.அதை 30 வருடங்களில் திருப்பிக்கொடுக்க வேண்டும்.

மறக்காம குடுத்துடங்க கடன் அன்பை முறிக்கும்.

பயணிகள் கவனத்திற்கு ...அடுத்த மெட்ரோ இன்னும் சில நிமிடங்களில் .....திருமங்கலம்(அண்ணா நகருக்கு)

சாரகாத்து from ஹிந்தி?கேட்டதும் மயக்கம் என்ன?

2011-11-29T12:27:00.000+05:30

ரொம்ப நாளைக்குப் பிறகு கடவுளைப் பற்றி சிம்பிளான இதமான வரிகள்.தபலா தாளத்தை அடிப்படையாகக் கொண்ட பாட்டுக்கள் எப்போதும் எனக்கு சுகம்தான்.அடுத்து சிதார்/வயோலா கருவிகளின் இன்பமான ஓலம்.

நான் சமீபத்தில் கேட்டு ரசித்தப் பாடல்.இதமான இசை.ஹரீஷ் ராகவேந்திரா அருமையாக பாடி உள்ளார்.

படம்:,மயக்கம் என்ன பாடல்:என்னென்ன செய்தோம் இங்கு இசை:ஜி.வி.பிரகாஷ்.

ராகம்:கல்யாணி?

என்னென்ன செய்தோம்

வாகை சூட வா

இதில் இரண்டு பாடல்கள் ஹிட்டாகிவிட்டன.இசை எம்.ஜிப்ரான்.

”போறானே போறானே பாட்டை நேகா பாசின் பாடி உள்ளார்.

அடுத்து “சார காத்து” பாட்டு by சின்மயி

எனக்கும் பிடித்திருக்கிறது.வித்தியாசமான கிராம மெலடி.இரண்டிலும் ஒரு மாதிரி “ஸ்டைலான மேற்கத்திய ” வாசனை வருகிறது.தவிர்த்திருக்கலாமோ?
நம்மூர் கிராமம் காணாமல் போகிறது.

Period film என்பதால் மெட்டைப் பழசாக்கப்போக அதில் மேற்கத்திய சாயல் வந்துவிட்டதோ? வாழ்த்துக்கள் எம்.ஜிப்ரான்.

”சார காத்து” இந்திப்பாட்டு “inspiration"னா? சுட்டதா?

சார காத்து

படம்: ஆராதனா பாட்டு: Gun Guna Rahe Hai Bhanvare. சிறு வயதில் மிகவும் பாதித்த பாடல்.

கவுண்ட் 0.28 -0.54 முதல் கவனமாக கேட்கவேண்டும்.

ஆராதனா

__________________________________________________________

6.10.11 அன்று பாலிமர் டிவியில் “மைதானம்” படம் பார்த்தேன். நண்பனின் துரோகம் பற்றியது. இயக்கியவர் சக்திவேல். அருமை.உயிர் துடிப்போடு காட்சிகள். நிறைய இரவு காட்சிகள் படத்தை ஆழமாக்குகிறது.

கதாநாயகி நடிப்பு அருமை.”மைதானம்” என்ற தலைப்பு ஏன்?

குறிப்பாக படத்தின் பின்னணி இசை மற்றும் பாடல்கள் ரொம்ப நன்றாக இருந்தது.இசை சபேஷ் முரளி.இவரிடம் நேட்டிவிட்டி இருக்கிறது.ஆனால் ராஜாவின் தாக்கம்.

இதில் ஒரு பாடல் சின்மயி பாடிய ”கனவா நெசமா” பாடல் என் மனதை கவர்ந்தது.குறிப்பாக அதை உச்சரிக்கும்போது.ஷரேயா கோஷால்/சாதனா சர்க்கம் போல் மழுப்பிப்(அழுத்தம் திருத்தம் இல்லாமை) பாடாமல்அமர்க்களமாக பாடி உள்ளார். காரணம் தாய்மொழி தமிழ்.

கனவா நெசமா

டியூஷன் எத்தனை டியூஷனடா(டி)!

2011-11-29T07:03:00.001+05:30

டியூஷனில்லா ஊரில் குடி இருக்க வேண்டாம்.

ஒரு காலத்தில் டியூஷன் (தனி வகுப்பு) வைத்தால்
அது அவமானம்,மக்கு,பெயில் கேஸ்.இப்போது டியூஷன் போகாவிட்டால் மக்காகிவிடுவார்கள்.93%லிருந்து 98% அடைவதற்கும் டியூஷன் போகிறார்கள்.

காலம் அப்படி.போட்டின்னா போட்டி அப்படி ஒரு போட்டி.

குழந்தைகளின் மேல் பெற்றோர்களின் அவ நம்பிக்கை மற்றும் குழந்தைகளின் மேல் பேஷனைப் போல் டியூஷனை திணிக்கும் டிரெண்ட் வருத்தமளிக்கிறது.

காலையில் எழுந்து பல் துலக்க வேண்டும் என்பது மாதிரி டியூஷன் படிப்பில் ஒரு அங்கமாகிவிட்டது.It is a necessary evil."அந்தக் காலத்தில கிடையாது” என்று பெருசுகள் ஆரம்பித்தால் பருப்பு வேகாது.சுழ்நிலை எல்லாம் மாறிவிட்டது.

பெற்றோர்கள் ஒரு லெவலுக்கு மேல் குழந்தைகளின் படிப்பை மேற்பார்வை செய்ய முடியாததால் “நல்லா பாத்துகுங்க” என்று டியூஷனில்விட்டு விடுகிறார்கள்.குழந்தைகளும் எங்க ஆத்துக்காரரும் கச்சேரி போவது போல் போய் வருகிறார்கள்.scout தவிர எல்லா பாடங்களுக்கும் டியூஷன்.

இங்கும் நல்லா ”பாத்துக்கிறார்களா” என்பதையும் பார்க்க வேண்டும்.

டியூஷன் இப்போது இன்னொரு பள்ளிக்கூடம்.அங்கு விட்டதை இங்குப் பி(ப)டிப்பது.குடியிருக்க வீடு தேடும்போது பள்ளி மற்றும் முக்கியமாக டியூஷனுக்கு வசதியாக இருக்குமாறு பார்க்கிறார்கள்.காலையிலும் மாலையிலும் புத்தக மூட்டைகளை சுமந்தவாறு தெருக்களில் குறுக்கும் நெடுக்குமாக நடக்கும் பள்ளி மாணவ-மாணவிகளைப் பார்க்கலாம்.

இதில் பரிதாபம் பள்ளி முடிந்து அழுக்கு வடிந்தவாறு ரொட்டியோ அல்லது குர்குரே/பேல் பூரி எதையோ சாப்பிட்டுவிட்டு நேரடியாக டியூஷன் செல்பவர்கள்.ஆசிரியர் வீட்டு வாசலில் காத்திருப்பவர்கள்.

அம்மாக்களும் காத்திருப்பார்கள்.மாணவி/மாணவர்களும்
சிங்கிள் ஆட்டோ பேசி குரூப்பாக போகிறார்கள்.சிபிஎஸ்சியும் போகுது.மெட்ரிக்கும் போகுது.ஸ்டேட் போர்டும் போகுது. எல்லாம் போகுது.போய்க்கொண்டே இருக்கிறார்கள்.

இதில் ஏசி ரூம் போட்டு சிரிக்கும் அவலம், பள்ளியில் சொல்லிக் கொடுக்கும் ஆசிரியரே மீண்டும் அதே சப்ஜெக்டை இங்கும் எடுப்பது.

ஏன் டியூஷன்? கற்றுக்கொடுத்தலுக்கும் கற்றுக்கொள்ளுதலுக்கும் உள்ள இடைவெளிதான் காரணம். இடைவெளி நீண்டுவிட்டது. இதற்கு பல காரணங்கள்.

முக்கியமானவை:

1.கற்றுக்கொடுத்தலைப் புரிந்துக் கொள்ளாமை 2.சரியாக கற்றுக்கொடுக்காமை 3.பயிற்சி 4.மீண்டும் பயிற்சி4.அறிவுத்திறன் 5.நேரம் 6.வகுப்பின் ஆசிரியர்-மாணவர் விகிதம் (1-30தான் சரியான விகிதம்) 6.பள்ளியின் நோக்கம்(vision).7.சேவை வியாபாரம் ஆகிவிட்டது.8.வலுவில்லாத அடித்தளம் (கணக்குப்பாடத்திற்கு முக்கியம்)
9.பெருகிவிட்ட கவனக் கலைப்புகள்.(செல்/நெட்/டிவி/திருட்டு சிடி/டிரைவிங்)
10.(சொல்லிக்கொடுக்க)அண்ணன் அக்கா தங்கை தம்பி என்று இல்லாமல் ஒண்ணே ஒண்ணு கண்ணே நிலமை சில குடும்பங்களில்
11. லட்சங்கள் கொடுக்காமல் இன்ஜினியரிங் சீட் வாங்க12.கடினமான பாடங்கள்

எல்லா ஆசிரியர்களும் அப்படி அல்ல. சில பள்ளிகளில் சிரத்தையோடு கற்றுக்கொடுக்கும் ஆசிரியர்களும் இருக்கிறார்கள்.தன் கிழ் படிக்கும் மாணவி/மாணவர்கள் சிறந்து விளங்க வேண்டும் என்கிற எண்ணம் இருக்கிறது.சேவை மனப்பான்மை இருக்கிறது.

கற்றுக்கொடுப்பது ஒரு கலை(teaching is an art).இது எவ்வளவு பேருக்கு வரும்.மேலும் ஆசிரியர்களின் பணி உன்னதமானது(noble profession).எதிர்கால சந்ததியை உருவாக்குகிறார்கள்.

பாடம் நடத்துவதைக் குறுக்கு வெட்டுத் தோற்றத்தில் பார்த்தால்:

1.கற்றுக்கொடுத்தல் அடுத்த நிமிடம் புரிந்துக்கொண்டு கற்றுக்கொள்ளும் திறன். இதில் இருப்பவர்கள் சூப்பர் டூப்பர்.எவ்வளவு பேர் இருப்பார்கள்?

2.கற்றுக்கொடுத்தல்-புரியாமை-விளக்கம் கேட்டல்-மீண்டும் கற்றுக்கொடுத்தல்-ஓரளவுக்குப் புரிந்துக்கொள்ளுதல்-பயிற்சி-பயிற்சியில் தெளிவாதல்-மீண்டும் பயிற்சி-மீண்டும் பயிற்சி-கடைசியில் அடித்தளம் வலுவாதல்.

இந்தச் சுழற்சி முக்கியமாக கணக்குப்பாடத்திற்கு வேண்டும்.

மேற்சொன்ன சுழற்சியில் பிரச்சனை என்றால் டியூஷன்.Practice makes the man perfect என்பார்கள்.டியூஷன் முடிந்தும் இந்த சுழற்சி அவசியம்.எவ்வளவு பேருக்குச் சிரத்தை இருக்கிறது.பயிற்சியை சிரத்தையாகச் செய்தால் எங்கேயோ போய்விடுகிறார்கள்.

31-12-11 அன்று நடக்கப்போகும் ஒலிம்பிக் 100 மீட்டர் ஓட்டத்தில் முதல் பரிசு வாங்க வேண்டும் என்றால். 1.1.11 அல்லது 1.7.11 அன்றே தினமும் பயிற்சியை ஆரம்பிக்க வேண்டும்.அதேதான் படிப்பிற்க்கும்.தினமும் பயிற்சி.

இப்போது பயிற்சி? அவ்வளவு சிரத்தையாக இல்லை.சாதா விடுமுறை மற்றும் இலவசமாக கிடைக்கும் விடுமுறை நாட்களில் விடாமல் சிரத்தையாக செய்தால் டியூஷனே தேவை இல்லை.தூள் கிளப்பலாம்.மேற்பார்வைச் செய்வதற்குள் தாவு தீர்ந்து விடுகிறது பெற்றோர்களுக்கு.

டியூஷனை தவிர்க்க: சிறு வயதிலேயே அடித்தளத்தைப் பலமாக்குவது. முக்கியமாக கணக்கு பாடத்தை.இதற்கு பெற்றோர்கள் பல தியாகங்களைச் செய்ய வேண்டும்.

டியூஷன் வைப்பவர்கள் கவனிக்க வேண்டியது:-

1.கூலிக்கு மாரடிக்கும் டியூஷன்களை கண்டுக்கொள்ளுங்கள்.

2.பள்ளியில் கற்றுக்கொடுத்துவிட்டு பள்ளி முடிந்து “சோர்ந்து” வந்து டியூஷன் எடுக்கும் ஆசிரியர்களின் எனர்ஜி லெவல் எப்படி இருக்கும்?டியூஷன் செண்டர்களில் பார்ட்டைமாக வேலைப் பார்பவர்களும் இதில் அடங்குவார்கள்.

3.இது one to one குருகுலம் கிடையாது என்பதை தெளிவாக புரிந்துகொள்ள வேண்டும்.

4.கலந்து கட்டியாக சில இடங்களில் எடுக்கிறார்கள்.(state+Matri+cbse). 9+10+11+12
ஒரு இடத்தில் கண்ணால் பார்த்தேன்.ஜெஜெவென கூட்டம்.தினமும் பைனகுலர் வழியாக பார்த்து என் மகனை அழைத்து வருவேன்.விளக்கு பூஜை செய்வது போல் எல்லோரும் தரையில் சம்மணம் போட்டு உட்கார்ந்திருப்பார்கள்.

5.எதுவாக இருந்தாலும் கடைசியில் படிக்க வேண்டியது குழந்தைகள் கையில்தான் இருக்கிறது.நாம் திறந்து திணிக்க முடியாது.

6.டியூஷன் வைத்ததும் பள்ளியில் எடுக்கும் மார்க்கை மானிடர் செய்யுங்கள்.

7.டியூஷன் ஆசிரியர்களுடன் அவ்வப்போது உரையாடி feedback வாங்குங்கள்.இரண்டு(ஆசிரியர்+மாணவன்/வி) பேருக்கும் பொறுப்பு வரும

8.ஸ்கூல் விட்டு டியூஷனக்குப் போகும் குழந்தைகளின் எனர்ஜி லெவலயும் மானிட்டர் செய்யுங்கள்.

9.முகத்தைப் பார்த்து முடிவு எடுக்காதீர்கள்.

10.ஒரு டீச்சர் பெயரைச் சொல்லி அங்க டியூஷன் “சூப்பர்” என்பார்கள்.விசாரியுங்கள்.இப்படித்தான் எனக்கு சொன்னஅந்த சூப்பரிடம் டியூஷன் படிக்க 65 மாணவி/மாணவர்கள்.ஒரே ரூம்.வாசலில் ஒரு கோடி செருப்புக்கள்.எஸ்கேப்.

அரசு பள்ளியில் படிக்கும் ஏழை மாணவர்களை நினைத்துப்பாருங்கள்.

டெயில் பீஸ்:

கேள்வி: டியூஷன் என்பதை தடை செய்துவிட்டால் என்ன ஆகும்?

பிளாக் அண்ட் ஒயிட் அம்மா -சிறுகதை

2011-11-28T11:51:00.000+05:30

அம்மா வளையவரும் அரவம் வீட்டில் கேட்கவில்லை.

ஏதோ உள்ளுணர்வு உந்த விசுக்கென்று படுக்கையை விட்டு எழுந்தாள் ஜனனி.சுற்றும் முற்றும் பார்த்தாள்.அப்பாவின் குரல்தான் கேட்டது.வந்த நாளிலிருந்து அம்மாவின் அருகாமை தேவைப்படுகிறது.இந்த அருகாமை ஏக்கம் திருமணம் நிச்சயம் ஆன பின்புதான்.ஏன் இது?அவளுக்கே புரியவில்லை.திருமணத்திற்கு இன்னும் பல மாதங்கள் இருக்கிறது.

இத்தனைக்கும் அம்மாவைப் பிரிந்து டெல்லியில்தான் கை நிறைய சம்பளத்தில் வேலை.பத்து நாள் லீவில் வந்திருக்கிறாள்.

”ஏய் அம்மா..!அம்மா...!”என்று கூப்பிட்டவாறே சமயலறைக்குப் போனாள்.

ஸ்டவ்வின் மேல் ”உஸ்ஸ்ஸ்ஸ்” என்று குக்கரின் சத்தம்.வெயிட்டை ஸ்பூனால் மென்மையாகத்தட்டி ”கீப் கொயட்” என்றாள்.

மற்ற அறைகளிலும் தேடிப் பார்த்துவிட்டு இல்லாமல் டிவி ஸ்டாண்டை நோக்கி வந்தாள்.டிவி ஸ்டாண்டின் மேல் இருந்த அம்மாவின் பிளாக் அண்ட் வொயிட் கல்யாண போட்டோவைப் பார்த்தாள்.இதை எப்போது வைத்தாள்.மனசு பரவசமாயிற்று.

அப்பாவித்தனமும் அழகும் முகத்தில் (கல்யாண)சந்தோஷமும் கொள்ளையாக இருந்தாள்.”ஏ பிளாக் அண்ட் ஒயிட் அம்மா ஒன்ன பாத்தா பொறாமையா இருக்கு” அம்மாவிற்கு முத்தம் கொடுத்துவிட்டு திரும்பிப் பார்க்கவும் அம்மா உள்ளே நுழையவும் சரியாக இருந்தது.

”ஏய் அம்மா..! எங்க தொலஞ்சுப் போயிட்டா..” கத்தினாள்.

“என்னடி ஆச்சு ஒனக்கு.ரொம்ப கிறுக்குப் புடுச்சா போலத்தான் என் பின்னாடி சுத்தற”

சிரித்தாள் அம்மா.சிரிக்கும் போது மேல் உதடு சற்று பட்டையாகி பற்களோடு ஒட்டி வசீகரமாக இருக்கும்.யாராக இருந்தாலும் வசியப்பட்டு பதிலுக்கு புன்னகைக்காமல் இருக்க முடியாது.

“அம்மா.. நைட்டு டிஸ்கஸ் பண்ணினமே.!கல்யாணத்துக்கு அப்பறம் நீயும் அப்பாவும் என்னோட டெல்லில செட்டில் ஆவறதப் பத்தி... அது...!”

இடுப்பில் கைவத்தபடி ஜனனியை முறைத்தவாறு நின்றாள் அம்மா.

“அதெல்லாம் நடக்காத கத.கொழந்த பொறந்த பிறகு பாத்துகிடறத்துக்கு வேண ஒத்தாசயா ஒரு வருஷம் இல்லாட்டி ரெண்டு வருஷம் இருக்கலாம்.ஆனா பர்மனெண்டா நாட் பாசிபிள்.நீயே ஆள் வச்சு பாத்துகிட்டு ஆபிஸ் போக வேண்டிதான்"

”ப்ச்.. போம்மா”

“க்கும்.இங்க இருந்ததான் நான் பிளாக் அண்ட் வொயிட் அம்மாவா இருக்க முடியும்”

“ பின்னிட்ட மிஸஸ் விசாலாட்சிமுருகானந்தம்.சூப்பர் சிக்ஸ்”

ஜனனி வீடு அதிர சிரித்தாள்.

“இன்னும் குளிக்கலயா?சீக்கிரம் குளி.எல்லாரும் ஒண்ணா உக்காந்து சாப்டலாம் பின்னாடி பேசலாம்” பேச்சை மாற்றி செருப்பை ஸ்டாண்டில் உதறும்போது கணுக்காலில் கொலுசு சிணுங்கியது.

அம்மாவையே வைத்த கண் வாங்காமல் பார்த்தாள்.புதுப் புடவை அம்மாவை தனியாக எடுத்துக் காட்டியது.

அம்மா ரொம்ப குண்டும் இல்லை ஒல்லியும் இல்லை.ஐம்பதை நெருங்கும் வயதிலும் கட்டு விடவில்லை.அளவான மார்பகங்களும் பின் பக்கமும் ரொம்ப புடைக்காமல் புடவைக்குள் கச்சிதமாக அடங்கி கவர்ச்சியாக இருந்தாள்.

ஜனனியை விட கூடுதல் நிறம். தலையில் ஒரு நரை கிடையாது.பூச்சரம் எப்போதும் இருக்கும்.உடுத்தும்உடைகள் அனாவசியமாக எங்கும் அசக்கு புசக்கு என்று தொங்காது.

பிளாக் அன்ட் வொயிட்டில் இருக்கும் அதே எளிமை நேரிலும் தெரியும்.

எப்போதும் புடவைதான்.ஜனனி வந்ததிலிருந்து புதுப் புடவைகள்தான் நிறைய உடுத்துகிறாள்.

மூன்று நாளாக அம்மாவை கவனிக்கிறாள்.

பளிச்சென்று வெளியே போகிறாள் வருகிறாள்.அம்மா இப்படி அடிக்கடி வெளியே போவது ரொம்ப குழந்தைத்தனமாகப்பட்டது.அதே சமயத்தில் பிடிக்கவும் செய்தது.

போகும்போது கையில் விதவிதமாக குட்டி பர்ஸ் அல்லது ஹேண்ட்பேக். செல்போன்.ஏதோ யோசித்தப்படி திரும்பி வருவாள்.மீண்டும் போவாள்.சில சமயம் அப்பாவுடனும் போவாள்.வெளியே போகாத தருணங்களில் இருவரும் ஏதோ அசட்டுத்தனமாகச் சிரித்துப் பேசியபடி புழங்குகிறார்கள்.விடிய விடிய தன்னுடன் அரட்டை.

ஒரு குறைச்சலும் இல்லை அம்மாவிற்கு.இதே அப்பாவித்தன முகத்துடன் மூத்த அக்காக்கள் இருவருக்கும் திருமணம் செய்து செட்டில் ஆக வைத்துவிட்டாள்.

அம்மாவைப் பார்க்கப் பார்க்க பொறாமைதான் தலையில் ஏறியது.

.“ ஏய்...பிளாக் அண்ட் வொயிட் அம்மா விசாலாட்சிமுருகானந்தம்! எக்ஸ்சேஞ்ச் ஆஃபர்ல நாம ரெண்டு பேரும் மாத்திக்கலாமா?நீ இடத்துக்கு வா நா உன்னோட இடத்துக்குப் போறேன்”

”என்னாங்க எனக்கு திருஷ்டி சுத்திப்போடுங்க.உங்க பொண்ணு எம் மேல காண்டு வச்சிட்டா.குல தெய்வம் ராஜராஜேஸ்வரி எல்லாத்தையும் பொடிபொடியாக்குமா” மேல் நோக்கிக் கைகூப்பிவிட்டு “சீக்கிரம் குளிச்சிட்டு வா.. சூப்பர் சாப்பாடு இன்னிக்கு”.

ஜனனி குளித்துவிட்டு வந்தாள்.அப்பா, ஜனனி, அம்மா மூவரும் சாப்பிட உட்கார்ந்தார்கள்.

”நானும் வேலைக்குப் போனாதான் சமாளிக்க முடியும்.ஒரு ஸ்டேட்டஸ்ஸோட இருக்க முடியும்.இவ்வளவு சம்பளத்த எப்படி விட்றது”கெஞ்சலாகக் கேட்டாள்.

” இதே பல்லவிதான் திருப்பி திருப்பிப் பாடற.ஒரு வருஷம் இல்லாட்டி ரெண்டு வருஷம் கூட இருந்து குழந்தையப் பாத்துக்கலாம்.அப்படியே கத்துக்கிட்டு நீ டேக் ஓவர் பண்ணிக்க அவ்வளதான்.இது ஒண்ணும் பிரம்ம வித்த இல்ல”

”நீனும் அதே பல்லவிதான் பாடறே”

“வேற எதுவும் மாத்திப் பாடமுடியாது.இதான் உண்மை.” அம்மா எழுந்து சமயலறைக்குப் போனாள்.

“புரியதும்மா.புரியாம இல்ல.கல்யாண நிச்சியம் ஆனதிலிருந்து என்னவோ ஒரு பயம்.ஒரு செண்டிமெண்ட்.சரிம்மா..நீயும் அப்பாவும் வந்து மூணு வருஷம் அப்படியே எக்ஸ்ட்ரா ஒரு அரை வருஷம் இருந்து கொழந்த பொறந்தா பாத்துக்கோ.ஓகே வா”

“ஓகே ...ஓகே டபிள் ஓகே” அம்மாவும் அப்பாவும் குரல் கொடுத்தார்கள்.

கல்யாணமும் நடந்தது.குழந்தையும் பிறந்தது. டெல்லியில் இப்போது அப்பாதான் குழந்தையைப் பார்த்துக்கொள்கிறார்.

அம்மா கல்யாணத்திற்கு முன்பே பிளட் கேன்சரில் இறந்து போனாள்.

முற்றும்

டிவிங்கிள் டிவிங்கிள் லிட்டில் ஸ்டார்..!

2011-11-28T11:34:00.000+05:30

மன்னிப்பு:
என் தமிழ்மண வாரத்தில் வந்திருக்கும்முதல் மூன்று பதிவுகள்” ஓ கல்கத்தா” “பரத்வாஜின்” மற்றும் “இளையராஜா..ஹம்மிங்ஸ்” ஏற்கனவே போட்டதுதான்.
நேரம் பற்றிய தகவல் தொடர்பு இடைவெளி மற்றும் தொடர்ந்து ஏற்பட்ட மின் தடையால் தயாரித்த நட்சத்திர பதிவுகள் ஏற்றப்படவில்லை.

அதனால் தமிழ்மணம் ஏற்கனவே உள்ள பதிவுகளை ஏற்றி உள்ளனர்.

அடுத்து ஆடியோ (ஹம்மிங் பதிவு)பிரச்சனையும் உள்ளது.ஆடியோ வேலை செய்யவில்லை.

இனி டிவிங்கிள் டிவிங்கிள்.....

சுற்றுல மையங்களில் கயிற்றில் தொங்கிக்கொண்டு வரிசையாக ஊரும் ரோப் கார் போல் ஊர்ந்து போகும் பதிவுகள் திடீரென்று செர்வர் பிரச்சனையால் அங்கங்கு நின்று விடும்.அது போல் இரண்டு முறை என் பதிவு முகப்பில் நின்றுவிட்டது.

மூன்று நாள் கழித்துதான் ஊர ஆரம்பித்தது.

ஆக இந்த வார நட்சத்திரமாக என்னை அதிகாரபூர்வமாக தேர்ந்தெடுத்தாலும் unofficialஆக இரண்டு முறை தமிழ்மண நட்சத்திரமாக ஆகி இருக்கிறேன்.

திடீர் மாப்பிள்ளை ஆன உணர்வு.

இந்த வாய்ப்பை பயன்படுத்திக்கொண்டு ஜொலிக்கச் சொல்லி இருக்கிறார்கள்.இதற்காக டியூஷன்,ஹோம்வொர்க்,ஸ்பெஷல் கிளாஸ்,சேகர் கைடு,கோச்சிங்,மனப்பாடம் என்று எதுவும் செய்யவில்லை.

ஜொலிப்பா அல்லது ஜல்லிப்பா என்பது படிப்பவர்கள்தான் சொல்ல வேண்டும்.

அனுபவம்,கதை,கவிதை,கட்டுரை,இசை,பொது,ஆன்மீகம்,லொட்டு,லொசுக்கு இத்யாதிகள் மக்கா...எதையும் விட்டுவைப்பதில்லை.காரணம் சுதந்திரம்.
பிடிக்கவில்லை என்றால் பத்திரிக்கைகளைப் போல் திரும்ப வருவதில்லை.

கவிதைகள் 111 எழுதினாலும் 4 கவிதைகள்தான் பிடித்திருக்கிறது.எல்லா சிறுகதைகளும் எனக்கு திருப்தி அளித்தது.

நான் எழுதி எனக்குப் பிடித்த சிறுகதை:
சாந்தி சலூனுக்கு வந்த மகேஸ்வரி

இசைஞானி இளையராஜா பதிவுகள் எனக்கு நிறைய பாலோவர்ஸ் வாங்கித் தந்தது.நிறைய ஹிட்டுகளும் கொடுத்தது.இந்த வாரத்திலும் பதிவு உண்டு. ராஜா அள்ள அள்ள குறையாத அட்சய பாத்திரம்.

நட்சத்திர பதிவிலும் என்ன புதிதாக எழுத முடிந்துவிடும்.வழக்கமான பதிவுகள்தான்.

எல்லோருக்கும் நன்றி.

ஓ...கொல்கொத்தா! துர்கா காப்பாற்றுவாள்

2011-11-10T12:53:00.003+05:30

ஒவ்வொரு தடவையும் கொல்கொத்தா(Kolkata) செல்லும்போது அது ஒவ்வொரு மாதிரி இன்னதென்று புரியாமல் என்னை வசீகரிக்கிறது.இந்த தடவை மனதின் ஒரு மூலையில் சொந்த சோகம் ஒன்று உறுத்தியபடிதான் ஊர் சுற்ற முடிந்தது.அது என்ன?கடைசி பாராவில்.

நாங்கள் பிரயாணம் செய்த கோரமண்டல் கம்பார்ட்மெண்ட்(ஏசி 2 டயர்) மட்டமான கண்டிஷன்.டமால் டிமீல் என்று இணைப்பில் அதிர்வு.குட்டி கரப்பான்கள்.அதே வழக்கமாக டிடிஇயை சுற்றி வளைத்தபடி அலையும் பிரயாணிகள்.திரும்பும்போது ஹெரா மெயில் பிரயாணம் நன்றாக இருந்தது.

அங்கு கால் வைத்தவுடன் முதல் உணர்வு “சுதந்திர இந்தியாவிற்கு முன்” இருப்பது போல்தான்.காரணம் இன்னும் மாறாத கிழக்கு இந்தியா கம்பெனி ஆட்சித் தோற்றங்கள்.ஹவுரா பாலம்,ஊரும் ட்ராம்கள்,மினி பஸகள்,மஞ்சள் பூத்த வீடுகள்,பச்சை ஷட்டர் ஜன்னல்கள்,கை ரிக்‌ஷாக்கள்,புழுதி,ஏழைகள்.

பூஜா கொண்டாட்டங்கள் முடிந்து உதரியாக அங்கும் இங்குமாக தெரு மூலைப் பந்தல்களில் கொள்ளை அழகாக துர்கா காட்சியளிக்கிறாள். ஒரு மாதிரி fancy dress பொம்மை அலங்காரங்கள்.அருமை.

நம்ம ஊர் மாதிரி வானாளவிய புத்தம் புது சாப்டுவேர்
கட்டிடங்கள்,தனி வீடை இடித்துவிட்டு பல அடுக்கு மாடி கட்டடங்களும் குறைவுதான்.

கொல்கொத்தா இந்தியாவின் தலை நகரமாய் இருந்தது ஒரு காலத்தில்.ஒரு முறை ராஜீவ் காந்தி “இறந்துகொண்டிருக்கும் நகரம்” என்று சொன்னார்.அவ்வளவு பிரச்சனைகள் அந்த ஊரில் முன்னொரு காலத்தில்.

மெளலி ஏதோ ஒரு படத்தில் சொல்லுவார் “உங்க ஊருக்கு கப்பலை தவிர எல்லா வாகனங்களிலும் பிரயாணம் செய்யனம்”.ஆனால் இங்கு கப்பலும் (ferry service)இருக்கிறது.எதிலும் எங்கும் எல்லோரும் பிரயாணம் செய்தபடி இருக்கிறார்கள்.அதனால் பைக், ஸ்கூட்டர்,கார் எல்லாம் ரொம்ப அரிதாக தென்படுகிறது.அடுத்து இங்கு வாங்கும் திறமை(purchasing power) குறைவு என்கிறார்கள்.

பெங்காலிகளில் நிறைய(90%) மிடில் கிளாஸ் மாதவன்கள்?

இப்போது கை ரிக்‌ஷாக்கள் மற்றும் மினி பஸ்கள் குறைந்துவிட்டன.ஆனால்ஆட்டோக்கள் அதிகமாகி விட்டன.இங்கு மாதிரி ஆட்டோ பகல் கொள்ளை கிடையாது. மெட்ரோ ரயில் ரொம்ப வருஷமாக ஓடுகிறது.அதிலும் பிரயாணம் செய்தாகிவிட்டது. டிக்கெட் கிடையாது. அதற்கு பதிலாக ஒரு கருப்பு கலர் கேரம்போர்ட் காயின் மாதிரி ஒன்றை கொடுக்கிறார்கள். ஸ்டேஷன் உள்ளே போகவும் வெளியே வரவும் இதைத்தான் பயன்படுத்த வேண்டும்.

பிரயாணிகள் தவிர நிறைய சுற்றலா பயணிகளும் இதில் பயணிக்கிறார்கள்.

நம்ம ஊர் போல் பளபளவென்று டியூப் லைட் போட்டு வசந்தா/சங்கீதா/சரவண போன்ற சைவம் மற்றும் அசைவ உணவகங்கள் ரொம்ப ரொம்ப குறைவு.

நிறைய ரோட் சைட் கையேந்தி அசைவ பவன்கள்தான்.விதவிதமான அசைவ உணவுகள் ரொமப ஸ்டைலாக கொடுக்கிறார்கள்.மூலைக்கு மூலை நிறைய இனிப்பு பலகாரக் கடைகள். வித விதமான இனிப்புகள்.

பெங்காலிகள் நம்மூர் மசால்தோசையும்,வடையையும் சாப்பிட்டுக்கொண்டிருக்கிறார்கள்.

நான் சாப்பிட்டது மிஷ்டி தொய்,சந்தேஷ்,வர்த்தமான் வாழைப் பழம்,ரசகுல்லா,சிங்காரா,கச்சோரி,ராஜ்போக் மற்றும் பெயர் மறந்துபோன இனிப்புக்கள்.

அங்கு ஏதோ ஒரு தியேட்டரின் சினிமா போஸ்டர் சின்னதாக.உற்றுப் பார்த்தால் அதில் Seventh Sence morning show.

சந்துக்கு சந்து டாஸ்மாக் கடைகள் கிடையாது. ரொமப அபூர்வமாகத்தான் தென்படுகிறது.கிரில் போட்டு இடைவெளி வழியாகத்தான் எல்லாம் சப்ளை. கியூவில் நிற்க வேண்டும்.

காளி கோவில் (பூசாரி) பண்டாக்கள் கையில் 500,100,50 கை விரல்களில் சொருகிக்கொண்டு,(இது பிச்சைகாரர்கள் டெக்னிக்.மினிமம் இவ்வளவுதான் ஏற்றுக்கொள்வோம் என்று காட்டுவது)கையை மேல் நோக்கி நீட்டியபடி கியூவில் வரும் பகதர்களுக்கு பூஜை மற்றும் தொட்டு ஆசிர்வாதம் செய்து பணம் வாங்கிக்கொள்கிறார்கள்.காளி நாக்கை வெளியே நீளமாக துருத்தியபடி இதையெல்லாம் பார்த்துக்கொண்டிருக்கிறாள்.

காளியிடம் வேண்டியபடி நானும் நகர எனக்கும் நெற்றியில் குங்கும் இட்டு ஆசிர்வதித்து பணத்திற்காக உள்ளங்கையை பண்டா சொரண்டினார்.”காளிட்ட வாங்கிக்கோ என்றேன்” அதற்கு அவர் “கீ போல்சா” என்றார்.

அங்கு சங்கு ஊதும் ஒலி கேட்டால் காளி. நம்மூரில் காலி.

டோவர் லேன் மார்க்கெட் அருகே லெதர் பேக் (travel bag) விலை 650/- என்றார். நான் 325/- கேட்டேன்.கடைசியில் 350க்கு கொடுத்தார்.”ஆப் தமில் ஹை” பேக் செய்துக்கொண்டே கேட்டார்.பதிலுக்கு நான் "ஹான்”.
_________________________________________

சோகம்:

என் மைத்துனி (மனைவியின் தங்கை) கழுத்திற்கு கிழ் எந்த இயக்கமும் (அவ்வப்போது சுமாரான இயக்கம்) இல்லாமல் படுத்தப் படுக்கை.எல்லாம் படுக்கையில்தான்.சுவாசம் வெண்டிலேட்டர் மெஷின் வழியாகத்தான்.

கழுத்திற்கு மேல் எல்லாம் நார்மல்.பேசுகிறாள்.சாப்பிடுகிறாள். டிவி பார்க்கிறாள்.சிரிக்கிறாள்.எல்லோருடனும் கலந்து பேசுகிறாள்.எல்லாம் ஓகே.

ப்ளஸ் ஒன் படிக்கும் ஒரு பையன் மற்றும் கணவர் மொத்தம் மூன்று பேர்தான்.

1991ல் நடுமண்டையில் ஏற்பட்ட விபத்து(வாசல் நிலைப் படி இடித்து) சிகிச்சை எடுத்து 2005 வரை நன்றாக இருந்து மீண்டும் தடுக்கி விழுந்து கொல்கொத்தா மருத்துவமனை சிகிச்சையில் ஏதோ கோளாறாகி படுத்தப்படுக்கையாகிவிட்டாள்.

கொல்கத்தா துர்காவும் காளியும்தான் நம்பிக்கை.எங்கள் பிரார்த்தனை வீண் போகாது.

பரத்வாஜ்ஜின் நூதன இசை முயற்சி

2011-10-31T11:57:00.001+05:30

தமிழ்த் திரைப்பட இசையமையப்பாளர் பரத்வாஜ் ஒரு நூதன
பின்னணி இசைக் கோர்ப்பை நடத்தி முடித்திருக்கிறார்.

இவர் தமிழ்ப் படங்களுக்கு நல்ல இசையைக் கொடுத்திருக்கிறார்.

1928 வருடம் பிரிட்டன்,ஜெர்மனி,இந்தியாவின் கூட்டுத்தயாரிப்பில் உருவான பேசாத படம்(silent movie) Taj Mahal, the Romance of India திரையில்(சிங்கப்பூர்) ஓடுகிறது.
2000 சிறப்பு விருந்தினர்கள் பார்வையிடுகிறார்கள்.அதற்கு பரத்வாஜ் உருவாக்கிய பின்னணி இசை,லலிதாவைத்தியநாதன் என்பவரின் மேற்பார்வையில்(conductor) லைவ்வாக இசைக்கப்படுகிறது.

ஒரே ஒரு வித்தியாசம். இசையமைப்பாளர்கள்(ஆர்கெஸ்டரா) முதுகிற்கு பின்னால் திரை.அவர்கள் லலிதா வைத்தியநாதனின் கை அசைவை பார்த்தபடி வாசிக்கவேண்டும். படம் ஒன்றரை மணி நேரம்.

இதற்கு கன்னபின்னாவென்று ஹோம் வொர்க் செய்திருக்க வேண்டும்.

பரத்வாஜ்ஜின் முயற்ச்சிக்குப் பாராட்டுக்கள்.

இளையராஜா - King of Heavenly Hummings-3

2011-10-30T18:16:00.002+05:30

இந்தப் பதிவில் மீண்டும் இசைஞானி இளையராஜாவின் ரம்மியமான ஹம்மிங் பற்றிய பார்வை.இதில் 39 இசைத் துண்டுகள் உள்ளது.ப்ளே லிஸ்டை க்ளிக்கினால் பட்டியல் கிடைக்கும்.

ஹம்மிங்-1

ஹம்மிங்-2

மனது வருட ஹம்மிய முகம் தெரிந்த/தெரியாத தேவதைகள்/தேவர்களுக்கு.

ஒவ்வொரு ஹம்மிங்கையும் கண்களில் தொட்டு ஒற்றிக்கொள்ளலாம்.அவ்வளவு அழகு! முக்கியமாக full of soul...soul... soul...!

இளையராஜா ஹம்மிங்கை ஒரு fashion designer போல் வடிவமைக்கிறார்.சலித்துப் போன ஒரே மாதிரி பாடல்கள் நம் தமிழ் பட உலகில் தவிர்க்க முடியாது.அதில் முடிந்த அளவு சாயல் அடிக்காதபடி அமைக்கிறார்.

வண்ணமயமான கற்பனைத் திறன் இருப்பதால் நிறைய கலவைகளில்(பெர்மிட்டேஷன் அண்ட் காம்பினேஷன்) கொடுக்கிறார்.இல்லாவிட்டால் காபி அன்ட் பேஸ்ட் ஆகிவிடும்.

குறிப்பு: மேலே என் பாடல் பற்றிய குறிப்பு வரும். கிழே ஆடியோ துண்டு.

கிழ் வரும் இரண்டு பாடல்களும் ஒரே மாதிரி ரொமாண்டிக் கோரஸ் டூயட். ஆரம்பம் மற்றும் 1.11 பிறகு வரும் ”தனதந்த”வைக் கவனியுங்கள்.வெவ்வேறு மெட்டில் வரும்.ராகங்கள் வேறுபடுகிறது.அதனால் ராஜாவுக்கு இதெல்லாம் சுலபம்.

Humm-3-Vaathiyar Veetu Pillai-89-Oru Pooncholai.mp3

Humm-3-Periya Veetu Pannakkaran-90-Malligaiye.mp3

ஹம்மிங் என்பது இயற்கையில் இருந்துதான் வந்திருக்க வேண்டும். காடுகளில் பறவைகளின் கூவல்கள்தான் அடிப்படை.இந்து மத நூல்கள்,பைபிள், குரான் போன்றவைகளில் வானத்திலிருந்து அமானுஷ்ய குரல்கள்(அசிரீரி) தேவதூதர்களுக்கு கட்டளைகள் இட்டதாகப் படித்திருக்கிறோம்.

வானத்து தேவதைகளின் ஆசிர்வாதங்களும் அழுகைகளும் ஹம்மிங் வடிவில் பாடல்களில் கொடுக்கப்படுகிறது.புது பரிமாணம் பெறுகிறது பாடல்கள்.

கிழ் வரும் ஹம்மிங் ஓலத்தில் ஒரு “மாபெரும் சோகம்” வெளிப்படுகிறது.வானத்து தேவதைகள் கசிந்துருகுகின்றன.
Humm-3-Devan Magan-92-Vaanam Thottu Pona.mp3

சில ஹம்மிங்கள் ”பிகர்”கள் கொடுக்கும் கிளுகிளுப்பாகிறது.(சொர்க்கம் மதுவிலே) .
Humm-3-Sattam En Kaiyil-78-SorgamMathuvile.mp3

1980/90 ஹம்மிங்குகள் slow motion (வெள்ளை உடை அல்லது சாதா உடை) காட்சிகளுக்கு பயன்படுத்தப்பட்டது.சின்னப்புறா ஒன்று பாட்டு.
Humm-3-Anbe Sangeetha -79- Chinna Pura Ondru.mp3

இது ஒரு பிரமிக்க வைக்கும் ஹம்மிங்.0.19ல் ஹம்மிங் போன்ற இசையும் மற்றும் கார்த்திக்கின் ஹம்மிங்கும் ஒன்றின் மேல் ஒன்று பின்னப்பட்டு நம்மை சிலிர்க்க வைத்தப்படி அமானுஷ்யமாகக் கடக்கிறது. Awesome maestro!
Humm-3-Azhagi-02-Oliyilae Therivadhu Devadhaya.mp3

“ஏரியிலே” வெஸ்டர்ன் கிளாசிகல் அமைப்புப்படி ஒரு ஒழுங்குடன் அழகாக இனிமையாக இருக்கிறது.

Humm-3-Karaiyellam Sen-81-EriyileElandhaMaram.mp3

31 வருஷம் ஓடிவிட்டது.மெருகு அழியவில்லை.வெஸ்டர்ன் கிளாசிகல் கலவையில் வந்து அசத்துகிறது.
Humm-3-Nenjathe Killathe-80-UravenumPuthiya.mp3

உற்றுக் கேளுங்கள். கர்நாடாக மெலடியில் ஹம்மு(கொஞ்சு)கிறார்கள்.அதுவும் கடைசி 0.30-0.33 So sweet !(hear the echo when they hum)
Humm-3-Rajakumaran-94-SithakathiPookale.mp3

சம்பிரதாயமான “ஏலேலோ ஐலேசா”வை வித்தியாசமாக வடிவமைத்திருக்கிறார்.முத்தம்மாவுக்கு எதிரொலியாக வரும் ஹம்மிங் heavenly.0.26-0.40அருமை.
Humm-3-Kattumarakaran-95-VetriVetri.mp3

ஹம்முவது யாரு? அட நம்ம...................? ஸ்டைலை கவனியுங்கள்.
Humm-3-Kalioonjal-97-Varna Vrindavanam.mp3

ஏய்... நான்சென்ஸ் மீசிக் டைரக்டர்ஸ்! மீசிக்னா அப்ப பறிச்ச ரோஜாப் போல சில்லுன்னு பிரஸ்ஸா இருக்கனும்.கீழ வர பிட்ட லிஸ்ஸன்யார்.
சும்மா ஜிகுஜிகுஜிகுன்னு போகும்.0.23 பைபாஸ்ல ஒரு கிடார் ரொமாண்டிக்கா கப்லிங்க் ஆவுது பாரு. கேட்டுட்டு திரும்பி பாக்காத ஓடுங்க! பிச்சுப்புடவன் படுவா!

ஞானி சார் ஸ்டார்ட் மீசிக்...! ஓ மை ஆல் கேர்ள்ஸ்.. ப்ளிஸ் ஹம்ஸ்ஸ!ஜஜம்ஜம்ஜம்....ஜஜம்ஜம்ஜம்.... ஜஜம்ஜம்ஜம்....

கவுண்டர் சொல்வதுபோல் என்னஒரு majestic flow!
Humm-3-Poonthotta Kavalkaran-88-ParamalPaartha.mp3

Humm-3-Mangalam Nerunnu-84-Rithubheda Kalpana.mp3

Humm-3-Ingeyum Oru Gangai-SolaiPushpangale.mp3

Humm-3-VellaiRoja-83-DevaninKovil.mp3

Oh.. Jency where are you(நீ எவ்விட போயி)?நான் பார்க்கும் தமிழக கிராமத்து வயல்களில் “லாலல்லல” இன்னும் ரீங்காரம் இடுகிறது. Stunning Jency!
Humm-3-Puthiyavaarpugal-79-Idhayampoguthey.mp3

Humm-3-Moodram Pirai-82-VaanengumVanna.mp3

Humm-3-Puthiya Raagam-91-Vaadumo Oviam.mp3

முழு பாட்டையும் கேட்டுப்பாருங்கள்.அள்ளிக்கொண்டு போகும் இசை.சித்ராவின் குரலில் என்ன கனிவு/பக்தி.Hats off Chithra!.
Humm-3-Kochu Kochu-00- Sivakaru.mp3

Humm-3-Thaipongal-80-Theerthakaraithanele.mp3

ராஜாவின் “பெல்பாட்டம்” கால குரல்.
Humm-3-ThaiPongal-80-KanMalargalinAlaipithal.mp3

Humm-3-Hey Ram-00-Isaiyil Thodanguthamma.mp3

என்ன ஒரு கர்வமான ஹம்மிங்(எல்லாம் எனக்கேதான்).தாளமும் மிகுந்த வீரியத்துடன் அடிக்கப்படுகிறது.அது ஒரு தனிமொழி பேசுகிறது.
Humm-3-Varusham Pathinaru-89-PazhamudhirCholai.mp3

Humm-3-Sollathudikathu Manasu-88-Yenathu Vizhivazhiyil.mp3

Humm-3-Sivappu Rojakkal-78-NinaivoOruParavai.mp3

Humm-3-KochuKochu Santo-00-Kodamanjin.mp3

ராஜாவின் மாஸ்டர் பீஸ்
அழகு+ஸ்டைல்+ஆத்மா+குரல்+வரிகள்+மேதமை இவ்வளவும் அடங்கிய ஒரு premium package.

ஹம்மிங் வியூகத்தில் நம்மை சுழலவிட்டு கிறங்கடிக்கிறார். என்ன ஒரு அரேஞ்மெண்ட்!இதில் கவுண்டர் பாயிண்டும் உண்டு. ஒரு சமயத்தில் இரண்டு மெட்டு.
Humm-3-Avatharam-95-Thendral.mp3

Humm-3-Agninatchthiram-88-Rojapoo.mp3

Humm-3-Eththnai Konam83Alaipayuthe Kanna.mp3

Humm-3-En Mana Vaanil-02-Vayasu Vandha Valibanukku.mp3

Humm-3-IdhayaKovil-85-OororamaAathuPakkam.mp3

எல்லா பதிவுகளிலும் வழக்கமாக சொல்வது. இதிலும் சொல்கிறேன். இசைகோர்ப்புக்களில் அசட்டுத்தனம் மற்றும் லூசுத்தனமாக அங்கும் இங்கும் கிழிந்து தொங்கும் அபத்தங்கள் இல்லாமல் நேர்த்தியாக கோர்ப்பது எப்பவுமே என்னை ஆச்சரியப்படுத்துகிறது.

Humm-3-Julie Ganapathy-03-Thani Konjam.mp3

Humm-3-Eramana Rojave-91-AthomegaOorvalam.mp3

Humm-3-Thendrale Ennai Thodu-86-KavithaiPaadu.mp3

Humm-3-Bharathi-00-NinnaiCharanadainthen.mp3

Humm-3-Aayiram Vasal Idhayam-Maharani Unai.mp3

அழகான கிராம பாடல் வரிகளும் அதன் எதிரொலி ஹம்மிங்களும் அற்புதம்.
Humm-3-Aathma-93-Velakku Vaippom.mp3

Humm-3-Selvi-85-YaaroYaaro.mp3

Humm-3-Raagangal Maaruvathillai-83-Vaan Meedhiley(new).mp3

இளையராஜா டப்பிங்- ராஜ் டிவிக்கு 10 தலை- மட சாம்பிராணி

2011-10-24T17:36:00.000+05:30

ராஜ் டிவி தேன் குடித்த நரி மாதிரி ஆகிவிட்டது. அதற்கும் “இந்தியத் தொலைகாட்சிகளிலேயே” ஜுரம் வந்து பத்து தலை முளைத்துவிட்டது.தீபாவளி அன்று ராஜ்ஜில் “ராவணன்” படம்.டப்பா படம்.ஒரு மாதமாக விளம்பரம் போட்டுத் தாக்குகிறது.தலை(பத்து?) தாங்க
முடியவில்லை.

இந்த வருடம் தீபாவளிக்கு நிறைய சேனல்களில் “இந்தியத் தொலைக்காட்சிகளிலேயே” ஹிட் படங்கள் திரையிடப்பட உள்ளது. இதற்கு முன் வருடங்கள் எல்லாம் ”ஹிட்” படங்களை சன் டிவி ஆக்கிரமித்து ”அட்டு” படங்களை மற்ற சேனல்கள் போடும். காட்சி மாறிவிட்டது.

When Cat is away(out!) Rats are happyயா! அல்லது வேறா?

மட சாம்பிராணி

இதைப் பற்ற வைக்க ரொம்ப நேரம் பிடிக்கும். அது மாதிரி சொல்வதைப் புரிந்துக்கொள்ளாது முழிக்கும் மனிதர்களை “ சரியான மட சாம்பிராணி” என்று சொல்லும் வழக்கம் உண்டு.டியூப் லைட்?

தலையில் பச்சைத் துணிக்கட்டு,தாடி,கையில் ஒரு தட்டு அதில் சாம்பிராணி தூப ஸ்டாண்ட்,மறு கையில் மயில் பீலியுடன் கடை கடையாக ஏறி சாம்பிராணி புகை போடும் முஸ்லீம் அன்பர்களைப் பார்த்திருக்கலாம்.
பில்லிசூனியம்,திருஷ்டி,ஜலதோஷம்,பூச்சி,ஐஸ்வர்யம் போன்றவைகளுக்கு போடப்படுகிறது.

மேலும் இதில் “தெய்வீக மணம்” வீசுவதால் எந்த மதத்தவரும் எதிர்ப்பதில்லை.


நன்றி: பாரத்ஸ்டூடண்ட்.காம்

ரொம்ப வருடம் முன்பு நடந்தது.

ஒரு துணிக்கடைக்கு வழக்கமாக ஒரு முஸ்லீம் பெரியவர்(வீடியோவில் வருபவர் அல்ல) மூன்று நாளுக்கு ஒரு முறை வருவார்.ஒரு நாள் (பெரிய கடை) இருக்கும்போது இவரிடம் கேட்டேன் “நீங்க ஒரு நாளைக்கு நிறைய ஏரியா உங்க பசங்களோடு போய் பிரிச்சுகிட்டு நிறைய சம்பாதிக்கலாமே. ஏன் நீங்க மட்டும்தான் அதுவும் கொஞ்ச ஏரியாத்தான் போறீங்க?”

”எனக்கு வர்ற காசு போதும். பிசினஸ்ஸா பண்ணல.புகைப் போடும்போது இவங்க நல்லா இருக்கனம்னுதான் போடறேன்.என்ன மாதிரி எவ்வளவோ பேர் இருப்பாங்க.தம்பி, நீங்க ”சம்பாதிக்கலாமே”ன்னு கேட்கும்போதே மதிப்பு போயிடுது.என் குணத்தப் பாத்துதான் என்னோட இரண்டு பசங்க இதே ஏரியாவுல் துணி கடைல சூப்பர்வைஸ்ஸரா இருக்காங்க.அடுத்தவங்க நல்லா இருக்க புகைப்போட்டது நமக்கு நல்லது நடக்க வச்சுட்டாரு அல்லா”

கேட்டவுடன் எனக்கு மந்திரித்துவிட்டார் போல் இருந்தது.

ஸ்ரீ ராம ராஜ்யம் சினிமா

தெலுங்கில் ரிலீசாகப்போகும் படம். பாலகிருஷ்ணா நயந்தாரா நடிக்கிறார்கள்.இசை இசைஞானிஇளையராஜா.பாடல்கள் சூப்பர் டூப்பர் ஹிட் ஆந்திராவில்.இதற்கு ரீரிகார்டிங்கிற்கு ராஜா ரொம்பவும் சிரத்தை எடுத்துக்கொள்வதாக செய்திக்குறிப்புகள் கூறுகிறது. அது:

// Ilayaraja usually does re-recording with two keyboards. But for this film, he opted to use live instruments, with 70 musicians. He refused to go down the beaten track set by previous mythology based movies, and did something new & unique, almost like he re-did the screenplay with his rerecording. Producer says IR did the rerecording as if he was doing research in music.//

படங்கள்:

திருந்துங்கடா டேய்!

2011-10-14T13:22:00.000+05:30

யார் யாரோ மினி டெம்போவில் கழுத்தைச் சுற்றி கலர் துணியுடன் இறங்கி வீடுவீடாக படியேறி கைக்கூப்பி ஓட்டு கேட்கிறார்கள்.பொத்தம் பொதுவாக ஏரியா பிரச்சனைகளை உடனடியாக தீர்த்துவிடுவதாக உறுதி அளிக்கிறார்கள்.

உள்ளாட்சி தேர்தல் பிரசாரங்கள் தெருக்களில் காதைப்
பிளக்கிறது.கைவிசிறி,fan,விளக்கு, முறம்,சைக்கிள்,பம்பரம்,நாற்காலி,கொடை,ஸ்டவ் என்று வீட்டு தட்டுமுட்டு சாமான்கள் சின்னமாக போஸ்டரில் தெரிகிறது.நகரம் ஆனாதால் யாரும் காலில் விழுவதில்லை.நகரத்தில் தன்னுடைய வார்டு மெம்பர் யார் என்று எவ்வளவு பேருக்குத் தெரியும்.

குப்பைக் கூளங்கள், சாக்கடைகள், மேடு பள்ளங்கள், ஆடு மாடு நாய்கள் உலாத்தும் ரோடுகள்,ஆக்கிரமிப்புகள் இவைகளிடையேதான் இந்தப் பிரசாரம் நடக்கிறது.

கவுன்சிலர்கள் வேலை செய்யாமல் இல்லை. ஏதோ செய்கிறார்கள் ஆனால் மீண்டும் குப்பை கூளங்கள், சாக்கடைகள், மேடு பள்ளங்கள், ஆடு மாடு நாய்கள் உலாத்தும் ரோடுகள்,ஆக்கிரமிப்புகள்..........

கட்சி சாராத வேட்பாளர்கள் கும்பல் கும்பலாக நிற்கிறார்கள்.”பொன்னான” வாக்குகளை “சிந்தாமல் சிதறாமல்” போடச்சொல்லி "பணிவன்புடன்”
கேட்டுக்கொள்கிறார்கள்.

கட்சி சாராத வேட்பாளர்கள் வெற்றி பெறுவதற்கு ஒரு முன் திட்டமோ,strategy,சிட்டிங் கவுன்சிலரின் குறைகளை உயர்த்திக் காட்டுதல்(highlight),வாக்களர்களை முன்னமே தெரிந்து வைத்துக்கொள்ளுதல் போன்றவைகள் ஏனோதானோ என்றுதான் இருக்கிறது.சுத்தமாக சிரத்தை இல்லை.

திருந்துங்கடா டேய்!
___________________________________________________________

வீட்டில் சுவற்றில் சாதாரண ஒரு பல்ப் ஹோல்டர் போடுவதற்கு கட்டணம் 65 ரூபாயாம்.காரணம் டிரில்லிங் மெஷின் வாடகை 30 ரூபாயாம்.90ன் இறுதியிலேயே டிரில்லிங் மெஷின் வந்துவிட்டது.”வெட்ரூம்பு” காலம் மலையேறி விட்டது.மார்வலிக்க”வெட்ரூம்பு” வைத்து சுவற்றில் அடித்து ஓட்டைப்போட்ட எலக்ட்ரிஷியன்கள் பாவம் கிழவனாகி விட்டார்கள்.

என் எலக்ட்ரிஷியன் அவருடைய சொந்த மெஷினயே வாடகையாக காட்டி என் வேலையை முடித்தார்.சரி என்ஜாய் என்று விட்டுவிட்டேன்.

இப்போதெல்லாம் எலக்ட்ரிஷியன்(சென்னை) என்றாலே அவரின் அடிப்படை ஆயுதம் டிரில்லிங் மெஷின்.

திருந்துங்கடா டேய்!
___________________________________________________________

”செய்யும் தொழிலே தெய்வம் அதில் நமது திறமையே செல்வம்” என்று ஒரு சொலவடை உண்டு. என் பேண்டின் zip வேலை செய்யாததால் ஒரு டெய்லரிடம் கொடுத்து(காலை 9 மணி) மாற்றச்சொன்னேன். கூலி 40 ரூபாய் என்று சொல்லி மதியம் மூன்று மணிக்கு வரச் சொன்னார்.

ஆனால் சொன்னபடி தயார் ஆகவில்லை. மீண்டும் நாளை வரச்சொன்னார்.இப்படியே மூன்று நாள் ஆகிவிட்டது.கோபத்தில் திருப்பிக் கொடுத்துவிடும்படி சொன்னேன்.கொடுக்கும்போது “ பழைய துணி எடுத்தால் இதுதான் பிரச்சனை” என்று முணகியபடியே கொடுத்தார்.ஆனால் பேண்ட் இடுப்பில் எல்லா தையல்களும் பிரித்துப் போட்டபடி இருந்தது.ஒன்றும் சொல்லாமல் வாங்கி வந்துவிட்டேன்.

ஏன் இந்த சோம்பேறித்தனம்/அசிரத்தை?

1. பழைய துணி எடுக்க மாட்டோம் என்று முதலிலேயே சொல்லி இருக்க வேண்டும்.(கூட்டம் அதிகம் கிடையாது)
2.பழைய துணி என்றால் ஒரு அகெளரவம்
3.அகெளரவத்தால் அலட்சியம்
4.அலட்சியத்தால் அசிரத்தை/சோம்பேறித்தனம்/
5.அதனால் டெலிவரி லேட்/வேலை அரைகுறை
6.இவரிடம் வேலை செய்யும் கூலி டெய்லர்கள் ஓனரை மதிக்காமை(பழைய துணி எடுத்ததால்).ஒனர் இதில் தெளிவாக இல்லை.

திருந்துங்கடா டேய்!

எங்கேயும் எப்போதும்....

2011-10-06T20:45:00.000+05:30

எங்கேயும் எப்போதும் சினிமா விமர்சனம்

எங்கேயும் எப்போதும் - சினிமா விமர்சனம்

2011-10-06T20:11:00.003+05:30

தமிழ் சினிமா வரலாற்றில் பட முடிவில் 99% “சுபம்” போட்டுத்தான் முடிப்பார்கள்.பொழுதுபோக்க வரும் வெகுஜனங்கள் அதைத்தான் விரும்புவார்கள்.மக்கள் விரும்பாத சோகத்தோடு முடித்தப் படங்களின் கடைசிக் காட்சிகளை “சுபமாக” எடுத்து இணைத்து வெளியிட்டும் உள்ளார்கள்.

ரொம்ப வருடத்திற்க்குப் பிறகு சோகத்தோடு முடியும் அதுவும் முக்கியமாக ஸ்டார் ஆகிவிட்ட நடிகை/நடிகர்களை வைத்து சோகத்தோடு முடிப்பது தைரியம் வேண்டும். அது “எங்கேயும் எப்போதும்” படம்.

எங்கேயும் எப்போதும் நல்லதும் கெட்டதும் நடப்பதற்கு
வெயிட்டிங் லிஸ்டில் காத்துக்கொண்டிருக்கிறது.அன்னியராக நேருக்கு நேர் பழகிய தருணங்கள் முடிந்து பிரிந்து நினைவு பொதிகளாகி நெஞ்சத்தில் மிதந்து ஒரு ஓரத்தில் காதல் சாரல் அடிக்க ஆரம்பிக்கிறது அமுதாவிற்கும் கெளதமமுக்கும்.அதைச் சொல்ல இருவரும் ஒருவரை ஒருவர் அவரவர் ஊரில் தேடி அலைந்து கிடைக்காமல் ஏமாந்து எதிரெதிர் திசையில் பஸ்ஸில் பயணிக்க, பஸ்கள் நேருக்கு நேர் கோரமாக மோதி விபத்தாகி நேருக்கு நேர் சந்திக்கிறார்கள்.

தவிர இவர்களுடன் பிரயாணம் செய்த மற்ற பிரயாணிகளின் கனவுகள் ஆசைகள் திட்டங்கள் கொண்டாட்டங்கள் எல்லாவற்றையும் சின்னபின்னமாக்கிவிடுகிறது இந்த நேருக்கு நேர் மோதல் விபத்து.இதில் மற்றொரு காதல் ஜோடியும் அடக்கம்.

படத்தின் முக்கியமான விஷயம் கதையின் freshness.விபத்தின் பின்னணியில் சொல்லப்பட்ட காதல் கதை.அதுவும் சென்னை பிசி ரோடில்இருவரும்

சர்வ சாதாரணமாக (அனன்யா /சர்வா) நடந்தபடி பிரயாணித்தபடி கதையை நடத்திச் செல்வது இன்னும் fresh.அந்தப் பக்கம் திருச்சியில் அஞ்சலியும் ஜெய்யும்.

இடை இடையே வீடியோ கோச் பஸ் விர் விர்ரென்று நெடுஞ்சாலையில் பறப்பதைக் காட்டுவது speed படத்தை நினைவூட்டுகிறது.சாகும் தருவாயில் தன் காதலன் பெயரைத் தெரிந்துக்கொள்ள முனகி கேட்பதும் பிறகு கண்ணீர் துளி வழிவதும் ரொம்ப டச்சிங்.

சொல்ல வந்த விஷயத்தை சுவராசியமாக சொன்னாலே வெற்றிதான்.

முக்கிய பாத்திரங்களாக வரும் நான்குபேரும்
அனன்யா(அமுதா), அஞ்சலி(மணிமேகலை), ஜெய்(கதிரேசன்), கெளதம்(சர்வா) பின்னி இருக்கிறார்கள்.

முன் ஜாக்கிரதை முத்தம்மாக்களாக வரும் அஞ்சலி மற்றும் அனன்யா நடிப்பு அருமை.

Anjali has killing look. Ananya has சமத்துப் பெண் look.

படம் முடிந்து வீடு திரும்பிய பிறகும் நான்கு பேரும் நினைவில் சுழன்று சுழன்று அடிக்கிறார்கள்.

படத்தில் குறைகள் இல்லாமல் இல்லை. விபத்தை முதலிலேயே cut shot மூலம் சொல்லாமல் சஸ்பென்ஸாக வைத்திருந்தால் கிளைமாக்ஸில் தாக்கம் அதிகம் இருந்திருக்கும். உடல் உறுப்புக்களை தானம் செய்வதில் ஆர்வம் காட்டும் குணம் உள்ள அஞ்சலி கதிரேசனின் சம்பளப் பணத்தை இப்படித் தண்ணீராக செலவு செய்வது நெருடுகிறது.

B.E. படித்த அமுதா (அனன்யா) ரொம்ப உஷாராக இருப்பது ஓவர்.

படத்தின் மிகப் பெரிய மைனஸ் பின்னணி இசை.

நாம அவங்க மாதிரி சந்தோஷமா இருக்கமா?

2011-09-14T10:13:00.000+05:30

நான் ஒரு விஷயத்தை அடிக்கடி யோசித்து பொறாமைப்-
படுவதுண்டு.

நம் தாத்தாக்கள், பாட்டிகள் நம்மை விட சந்தோஷமாக வாழ்க்கையை வாழ்ந்தவர்கள் என்று.அவர்களுக்கும் குறைகள் இல்லாமல் இல்லை.அதையும் மீறி சிறுகக் கட்டி பெரு வாழ்வு வாழ்ந்தார்கள்.அடுத்த தலைமுறைக்கு சொத்து விட்டு சென்றார்கள்.இத்தனைக்கும் வசவசவென்று புள்ளைக்குட்டிகளுடன்.

வாழ்க்கையில் அமைதியும் ஆரோக்கியமும் இருந்தது.காரணம் நிதானமான வாழ்க்கை.தேவைகள் குறைவு. மிக மிக குறைவான விஞ்ஞான வளர்ச்சி.

முப்பாட்டன் பாட்டிகளை விடுங்கள். பின்னாடிக் கூட நிதானமான வாழ்க்கை இருந்தது.

நான் சிறுவனாக 1970-80களில் சென்னை நகரம் இரவு 10 அல்லது 10.30 மணிக்கு ஜில்லோவென்று ஆகி பஸ்கள் ஷெட்டுக்குத் திரும்பும்.அதுவும் நாங்கள் இருந்த குரோம்பேட்டை 8.30-9 மணிக்கு அடங்கிவிடும்.ஊரே அடங்கிவிட்ட சில மணி நேரம் கழித்து ஜன்னல் வழியாக தெருவைப்பார்த்தால் வெறிச்சோடி கிடக்கும். ”பொழச்சு கடந்த பாத்துக்கலாம்” என்று தயிருக்கு உறைக் குத்தி,மீந்த சாதத்தில் நீர் ஊற்றி விட்டு ஊர் தூங்கி இருக்கும்.

”அட நாம ஒண்டி ஏன் முழுச்சிட்டு இருக்கோம்” என்ற குற்ற உணர்ச்சியில் நமக்கும் தூக்கம் வந்துவிடும்.

ஊர் அடங்கியதில் ஒரு ஆரோக்கியம் தெரியும். அமைதி இருக்கும். நிம்மதியை உணரலாம்.

இப்போது அவசரமான வாழ்க்கை. அவசர சாப்பாடு.அவசர ஆபிஸ்.அவசர இன்பம்.அவசர சாவு.பல பேர் இதெல்லாம் தெரியாமலேயே இதுதான் வாழ்க்கை என்று வாழ்க்கையைக் கடத்திக்கொண்டிருக்கிறார்கள்.

விஞ்ஞான வளர்ச்சியால தேவைகள் அதிகமாகிவிட்டது.
அடிமையாகி நுகர்வு கலாச்சாரம் வந்துவிட்டது.சுயநலம்.விலைவாசி.
முக்கியமாக வீட்டு வாடகை.80/90களில் வீடு வாங்கியவர்கள் பாக்கியசாலிகள்.இளைஞர்கள் திருமணம் செய்ய பயப்படுகிறார்கள். என்னமோ ஏதோ என்று வாழ்க்கை ஓடுகிறது.

உண்மையான தேவைகளின் விலை அதிகமாகிவிட்டது.

கணவன் மனைவி இரண்டு பேர் வேலைப் பார்க்கும் ஒரு மிடில் கிளாஸ் குடும்பத்திற்கு கிழ் உள்ளவை அவசியமாகிவிட்டது.ஒரு காலத்தில் இதெல்லாம் டாம்பீகம்(luxury).

கிரைண்டர்,மிக்ஸி,செல்போன்,வாஷிங்
மெஷின்,பைக்,கணினி,வாட்டர்கேன்,டிவி,கேஸ்,மஸ்கிட்டோ மேட்,ஏசி,EMI.

டிஸ்கி: மந்தார இலை,அலுமினியம், எவர்சில்வர்,பிளாஸ்டிக் டப்பா,ஹாட் பேக் எல்லாம் போய் இப்போது Tupperware டிபன் பாக்சில் டிபன் எடுத்து வந்தால்தான் கெளரவம்.

இளையராஜா - King of Musical Beats-3

2011-09-12T13:36:00.004+05:30

இளையராஜாவின் மேஜிக் தாளங்களைப் பற்றி ஏற்கனவே
இரு பதிவுகள் எழுதியாயிற்று.முந்தைய பதிவுகள் பார்க்க தாளம். இந்த மூன்றாவது பதிவில் மேலும் தாளங்களைப் பார்ப்போம் (கேட்போம்).

தாளங்களை கவனமாக உள் வாங்கினால் வர்ண ஜாலத்தை அனுபவிக்கலாம்.ஹெட் போன் இருந்தால் இன்னும் கூடும்.

மேஸ்ட்ரோவுக்கு எல்லா இசைக் கருவிகள் மீதும் அளவில்லா காதல் (crush!) இருக்கிறது.இசையை ஓவியமாய் வரைந்துப் பார்க்கிறார். பாடல்களில் தாளங்களில் அழகுணர்ச்சித் தெறிக்கிறது. உதாரணமாக சில பாடல்கள்.

Beat-2-Nizhalgal-81-IthuOruPon.mp3
00.04-0.11 அருமை
Beat-2-Manassinakkare-03- Marakkudayal.mp3

Beat-2-Un Arugil Naan-91-Oh Unnale Naan.mp3
தாளம் ரொமாண்டிக்காக ஒத்தப்படுகிறது.

வித விதமான தாளங்கள்.அதில் உள் அலங்காரங்கள் வேறு.உதிரி உதிரியாக திரிந்து போய் நிற்காமல் தாளங்கள் கலை உணர்ச்சியோடு கைக்கோர்த்து நிற்கிறது.தாளங்கள் ரத்தமும் சதையுமாய் உயிர் துடிப்போடு இசைக்கப்படுகிறது.

தாளங்களுக்கு backoffice வேலை என்றாலும் மெட்டுக்கு ஈடாக தாளங்களுக்கு உணர்ச்சிகள் கொடுக்கப்படுகிறது. உதாரணமாக கிழ் வரும் பாடல்கள்.

Beat-2-ArumbumThalire-95-Chandraleka.mp3
ஆரம்பத்தில் கிடாரே தாளமாக போடப்பட்டிருக்கிறது. வேறு கிரகத்து இசை.

Beat-2-Metti-82-Raagam Engeyo.mp3

Beat-2-Pandi Nattu Thangam-89-YelelamKuyile.mp3

Beat-2-Aan Paavam-85-Kuyile Kuyile.mp3

Beat-2-Nathiyai Thedi Vantha Kadal-80-ThavikkuthuThayanguthu.mp3

Beat-2-Nilavuvandhadhu-92Endrum Anbudan.mp3
முதல் சரணத்தில் இந்தத் தாளம் கிடையாது. வேறு வரும். 1.14-1.16அருமை.

Beat-2-Enakka Kaathiru -81- Dhaagam Edukkira .mp3
”பனிகள் உருகிடும் ஓசை”.....ஒவ்வொரு வரியையும் அனுபவித்து “ஓஹோ அப்படியா” என்றிசைக்கும் தாளம்.

தாளத்தை உன்னிப்பாக கேட்கவும்.

இதில் நடித்திருக்கும் நிஷா நூர் இப்போது உயிரோடு இல்லை. சோகம்!சோகம்!

Beat-2-Uliyin Oosai-08-Pularkindra Pozhuthu.mp3

Beat-2-Ninaivellam Nithya-82-Kaanalneer.mp3

மேலும் தாளங்கள்....

Beat-2Unnai Naan Santhithen-84-Unnai Kaanum Neram.mp3
தாளத்தை வைத்து சிலவற்றை யூகிக்கலாம். 1.ஆறு அல்லது அருவி 2.ஓடம்3.ஓடத்தில் துடுப்புப் போட்டவாறு நகர்தல்.4.கேரள பெண்கள்

Beat-2-Bharathi-00-Vandhe Madharam.mp3
வீரம் /எழுச்சி/வீர நடை 0.25-0.27 தாளம் கூடும்.

Beat-2-Paadu Nilave-87--VaaVeliye.mp3

Beat-2-Bharathi-00-Mayil Pola.mp3

Beat-2-Aaradhanai-81-Ilampanithuli.mp3
0.06-0.21 கலவையாக வாசிக்கப்படுகிறது.

Beat-2-OorellamUnPaattuthan-91-ThoomThoom.mp3

Beat-2-Naan Kadavul-09-OmSivaOm.mp3

Beat-2-Thanikattu Raja-82-Rasaave.mp3
எனக்கு மிகவும் பிடித்த பாட்டு/தாளம்.

Beat-2-Kakki Chattai-85-Vaanile Thenila.mp3
ரொம்ப வித்தியாசமான டிஸ்கோ(?).

Beat-2-Payanangal Mudiva-82-ThogaiIlamayil.mp3
மிருதங்கத்தில் வித்தியாசமான இசை நாதங்கள்.

Beat-2-Agni Natchthiram-88-Ninukkori Varanum.mp3

Beat-2-Thooral Ninnu Pochu-82-ThangaChangili.mp3
இங்கும் ஆறு அல்லது மடுவாங்கரை இசை. ஓடத்தில் டூயட், துடுப்பு போட்டபடி.

Beat-2-Pithamagan-03-Adadaa.mp3

Beat-2-Kasturi Mann-05-Kekalayo.mp3

பிரசன்னா ராஜாவின் தீவிர ரசிகர்

Beat-2-Bhadrakali-Kettele Ange.mp3

Beat-2-Guru Sihyan-88-Uthama Puthiri.mp3

Beat-2-Sri Ram Rajyam-11-Sita Seemantham.mp3

ஸ்ரீ ரா(ஜா)ம ராஜ்யம்

Beat-2-Uruthimozhi-90-AthikalaiNilave.mp3

Beat-2-Senthamizh Pattu-92-Adi Gomatha.mp3

Beat-2-Moodram Pirai-82-VaanengumVanna.mp3
0.36 ல் வேறு தாளத்திற்க்கு தாவுவது அருமை.

Beat-2-Maharishi-88-Mata Rani Mounamidi.mp3

Beat-2-Jhonny-80-YenVaanile.mp3
தாளம் நீட்டப்பட்டு அழகாக அளவெடுத்து வாசிப்பது போல் உள்ளது.அருமை.
கவிதை.

(கனவு)காதலி இது மாதிரி பியானோ வாசிக்க நாங்களும் எவ்வளவு வாட்டி பக்கத்துல (கனவுல) நின்னு ரசிச்சிருக்கோம்

Beat-2-Kadhal Parisu-87-AeyUnnaithane.mp3

Beat-2-Sandhayakku Virinja Poo-83-Manjum Kulirum.mp3

Beat-2-Garjanai-81-EnnaSougamana.mp3
கிடார்/சிந்த்(?) ,வயலின்,புல்லாங்குழல் நாதங்கள் மிருதங்க தாளத்தில் ஊர்கிறது.

Beat-2-Kalaignan-93-Dhillubaru Jane.mp3

Beat-2-Periya Veetu Pannakkaran-90-NikkattumaPogattuma.mp3
தபலாவைத் தவிர வேறு இசைக் கருவியும் அழகாக இசைக்கப்படுகிறது.

Beat-2-Mella Thiranthathu Kathavu-86(SPB)VaaVennila.mp3

Beat-2-EnRasavinManasile-95-OruSanthana.mp3

Beat-2-Ninaivellam Nithya-82-PaniVizhum.mp3
பாடல் பாடும்போது அடிக்கப்படும் தாளத்தைக் கேளுங்கள். வித்தியாசமானது.

பாடல்

Beat-2-RajakaiyaAboorvaSagothar.mp3

Beat-2-Bobbli Raja -90-Balapam Patti.mp3

Beat-2-Sitara BGM-1983- Ilayaraja HQ.mp3

இளையராஜா -King of Trumpet Melody

2011-08-26T11:42:00.004+05:30

சினிமாவில் யானை துதிக்கையை மேல் தூக்கிப் பிளிறினால் “புவ்வாய்ய்ங்.. புவ்வாய்ய்ங்” என்று பின்னணி ஊதுவார்கள். டில்லி சுதந்திர/குடியரசு விழாக்களில் ராணுவ வீரர்கள் இதை (bugle?)ஊதிக்கொண்டு ”லெப்ட் ரைட்” போட்டு நடப்பார்கள். இதற்க்குத்தான் ட்ரம்பெட்(Trumpet) என்னும் இசைக்கருவி என்பது என் பள்ளி வயது அறிவு.

மன்னர்கள் காலத்தில் போர் அறிவிக்க இதை(துந்துபி) கோட்டையின் மீது நின்று ஊதுவதைப் பார்த்திருக்கிறேன்(படம் &சினிமா).

இதில் (ராணுவ & போலீஸ்)மிடுக்கு மற்றும் ராயல்னெஸ் உணர்ச்சிகளை கொடுக்க தோதுவாக இருக்கிறது.

இந்தக் கருவி மேல் நாட்டு ஜாஸ் இசையில் நிறைய பயன்படுத்தப்படுகிறது.வேறு வகை இசைகளிலும் இது உண்டு.அருமையான இசைக்கோர்ப்புகளும் நெட்டில் இருக்கிறது.

இந்திய சினிமாவைப் பொறுத்தவரை இது பெரும்பாலும்
கொண்டாட்ட மனநிலைக்குத்தான் பயன்படுத்தப்பட்டுள்ளது.
கேளிக்கைப் பார்ட்டி,அஜால் குஜால்,கலாய்த்தல் போன்றவை.

இளையராஜாவும் விதிவிலக்கு அல்ல. உதாரணமாக சொர்க்கம் மதுவிலே,ஆசை நூறு,பள்ளியறைக்குள்,ஆகாயம் மேலே,வா வா பக்கம்,இளமை இதோ,தண்ணீ கொஞ்சம்,கொம்புல பூவ...........

(இந்திய சினிமா கிளப் டான்ஸ் பாடல்களில் ஒருவர் சாக்ஸ்போனை மகுடி போல் ஊத ஒரு மங்கை அரைகுறை ஆடையில் அங்கங்களை குலுக்கி அதற்கேற்றார் போல் நெளிந்து ஆடுவார்)

விதி விலக்காக மேஸ்ட்ரோ கோபம் மற்றும் தாபம்/சோக உணர்ச்சிகளுக்கு அற்புதமாக இசைத்துள்ளார். என்னடி மீனாட்சி மற்றும் மன்றம் வந்த தென்றல்,தினம் தினம்(பயம்?),அஞ்சலி இன்னும் சில பாடல்கள் உள்ளது.

கொண்டாட்ட மனநிலை பாடல்களிலும் இது வித்தியாசமாக ஒலிக்கிறது.

வழக்கமாக ராஜா இதை அடுத்த கட்டத்திற்கு எடுத்துச் சென்றிருக்கிறார். மற்ற இசைக்கருவி நாதங்களுடன் இதைத் தொடுத்து வித்தியாசமாகக் கொடுப்பது.

சம்பிரதாயமாக ”பொய்ங்ங்” என்று ஊதிவிட்டு போகாமல்
சிக்கலாக கோர்த்து பிரமிக்க வைக்கிறார்.

கிழ் வரும் ஒவ்வொரு இசை துண்டும் ஒவ்வொரு ரகம்.எல்லாமே சிறப்பு வாய்ந்தது.

SAXOPHONE

பின் வரும் பாடல்களில் ட்ரம்பெட் இல்லாத இன்னோரு இசைக்கருவியான சாக்ஸ்போன் மற்றும் சில காற்றுக்கருவிகளும் இசைக்கப்பட்டிருக்கிறது.

பொதுவாக எல்லாவற்றையும் ட்ரம்பெட் என்று குறிப்பிட்டு இருக்கிறேன்.பண்டித ஞானம் இல்லை.வெறும் காமன் சென்ஸ் அறிவில் எழுதப்பட்டது.

சில இசைத் துணுக்குகள் யூகத்தின் அடிப்படையில் கொடுக்கப்பட்டுள்ளது. தவறு இருந்தால் சுட்டிக் காட்டலாம்.

ஒரு புரிதலுக்காக சில பாடல்களில் இசையின் கவுண்ட் கொடுக்கப்பட்டுள்ளது.

Trumpet-Nathiyai Thedi Vantha Kadal-80-ThavikkuthuThayanguthu.mp3

0.04-0.12 அருமை. வித்தியாசமான 0.26-0.41

Trumpet-Ellam Inba Mayam-81-Solla Solla.mp3
சூப்பர் 0.08-0.20(இது சாக்ஸ்போன்) மற்றும் 0.49-0.59.

Trumpet-Manjal Nila-82-PoonthendralKaatre.mp3
0.04-0.15 மற்றும் 0.39-0.50

Trumpet-Vikram-86-MeendumMeendum.mp3
0.18-0.35 நாக்கைத் துருத்தியபடி காம பாம்பு மெதுவாக ஊர்ந்து வருகிறது.
0.31-0.34 சூப்பர்.

Trumpet-Balanagamma-81-Palliyaraikkul.mp3
00.04-0.24 மன்னர்கள் காலத்து பாட்டு.

கிழ் வரும் இரண்டு பாடல்களும் இரண்டு விதமான உணர்ச்சிகள். ஒன்று மீனாட்சியின் மீதான வார்த்தை தவறியதால் ட்ரம்பெட்டில் பீறிடும் கொதித்த மனநிலை.

மற்றது திவ்யாவுக்கு(மெளன ராகம்) ஒரு சோகமான/பரிவான கவுன்சலிங் for happy married life. பின்னணியில் மெளனமாக கசியும் ட்ரம்பெட்டின் சோகம்.

Trumpet-Ennadi Meenashi-78-Ilamai Oonjal.mp3
1.10-1.23 கலக்கலோ கலக்கல். கிடார் vs ட்ரம்பெட்

Trumpet-Mouna Raagam-86-MandramVantha.mp3
ட்ரம்பெட்டில் ஒரு மென்மையான கவிதை.

சீன்லயே ஒன்னுக்கு ரெண்டா ட்ரம்பெட் கைல வச்சிருக்கோம்ல!

Trumpet-Virumandi-04-Kompula Poove Suthi.mp3

Trumpet-Indrudu chandrudu-89-Sandhyaragapu .mp3

இளையராஜாவின் மாஸ்டர் பீஸ். இது ஒரு டூயட் பாடல். இதன் சிறப்பு ட்ரம்பெட் ரொம்ப அழகாக அங்கங்கே மற்ற கருவிகளுடன் தொடுக்கப்பட்டிருக்கிறது.

Trumpet-Moondram Pirai-82-Ponmeni.mp3
00.13-0.25 அட்டகாசம்.

Trumpet-Thanga Magan-83-VaVaPakkam.mp3

Trumpet-Sivappu Rojakkal-78-NinaivoOruParavai.mp3
0.08-0.25 அருமை.

Trumpet-Avar Enakkae Sontham-77- Suraangani..mp3

Trumpet-Ullasa Paravaigal-80-Germaniyin_Senthean.mp3

Trumpet-Udhaya Geetham-85-Sangeetha Megam.com.mp3

இது ட்ராம்போன் என்னும் கருவியில் வாசிக்கப்பட்டிருக்கிறது.

காலர் டியூன் வசதி வந்த போது நிறைய பேர் இதை வைத்திருந்தார்கள்.

Trumpet-Sattam En Kaiyil-78-SorgamMathuvile.mp3

Trumpet-Rettai Vaal Kuruvi-87-Kannan Vanthu.mp3

Trumpet-Ooru Vittu Oru-90- Chingu Chaa Chaa .mp3

Trumpet-Oka Radha Iraddu Krish-Title.mp3
இது தெலுங்கு படத்தின் டைட்டில் இசை.பல வித கலவைகளில் அற்புதமாக வருகிறது.1.08-1.34 கேட்டுப் பாருங்கள்.

Trumpet-Kokila -77-Navodayam.mp3

Trumpet-JulieGanapathy-03-KaaKaKaaKa.mp3

Trumpet-Ninaikka Therintha Manamey-87-Kannukkum.mp3

Trumpet-JapanilKalyanaraman-85-Appappa thithikkum.mp3

Trumpet-IthuEppadiIrukku-78-DhinamDhinam.mp3

”தினம் தினம்” பாடலில் ஒரு பய உணர்ச்சி மற்றும் திகில் தெரிகிறது.இதில் வாசிக்கப்படுவது மேற் குறிப்பிட்ட கருவிகளில் ஏதாவது ஒன்றா? அல்லது வேறா?

Trumpet-Idhayathai Thirudathe-BGM.mp3

Trumpet-Julie Ganapathy-03-Thani Konjam.mp3
0.02-0.25

Trumpet-Solla Thudikuthu Manasu-88-Then Mozhi.mp3

Trumpet-Idhayam-91-Aprilmayele.mp3
” ஏப்ரல் மேயில் காஞ்சு” போனதால் விரக்தி மன நிலையில் ட்ரம்பெட் ஆரம்பிக்கிறது.

Trumpet-Enakkul Oruvan-84-Engey En Kathali.mp3
0.28-0.40 பின்னணியில் வாசிக்கப்படுகிறது. ஒரு ராயல் பில்ட் அப் கொடுக்கப்படுகிறது.

Trumpet-Dharma Yudham-79-Ada Poiyya.mp3

Trumpet-Chinna Illu-85-Anubhavam ide.mp3
இளையராஜா ட்ரம்பெட்டில் சிலம்பாட்டம் ஆடுகிறார்.

Trumpet-Cheenikum-07-Track Music.mp3

Trumpet-Anjali- 90-Anjali.mp3

Trumpet-Adutha Vaarisu-83-AsaiNooruvagai.mp3

Trumpet-Sakala Kala Vallavan-82-IlamaiIthoo.mp3

புத்தாண்டு வருகையை ராயலாக ட்ரம்பெட்டில் வரவேற்கப்படும் பாட்டு.

ஒவ்வொரு புத்தாண்டு பிறக்கும் போதும் நள்ளிரவில் (11.58) இதைப் போட்டால் பழைய ஆண்டு சிலிர்த்துக்கொண்டு நகர ஆரம்பிக்கும் 12.00ஐ நோக்கி.

1.03-1.08 அருமை.ஆடியோவில் ஐந்து வினாடி.ஆனால் வீடியோவில் பத்து வினாடி வருகிறது. எப்படி?

Trumpet-Naan vazhavaipen-79-Aagayam melae -.mp3

Trumpet-Michael Madana Kama-90-RumBumBum.mp3

இன்னும் கூட நிறைய பாட்டு இருக்கிறது. பின்னொரு சமயத்தில் பார்ப்போம்.

”என்னடி மீனாட்சி” பாட்டு ஆடியோ பிரச்சனை வந்தால் வேறு ஆடியோ.

Trumpet-Ilamai Oonjaladugirathu-78-YeenadiMeenaakshi

குலேபகாவலியும் இளையராஜாவின் “சில்”லென்ற பாட்டும்

2011-08-16T12:49:00.002+05:30

படம்: "குலேபகாவலி”(1955) இசை: விஸ்வநாதன் - ராமமூர்த்தி.இதில் வரும் ஒரு பாட்டு “மயக்கும் மாலைப் பொழுதே”.இனிமையான பாட்டு.பாடியவர்கள் ஏ.எம்.ராஜா-ஜிக்கி. பாகேஸ்வரி ராகம். ஆனால் இந்தப் பாடலுக்கு மட்டும் இவர்கள் இசை இல்லையாம்.

http://www.inbaminge.com/t/k/Kulebagavali/

இந்தப் பாடல் எம்ஜியார்-சிவாஜி சேர்ந்து நடித்த “கூண்டுக்கிளி” படத்திற்காக கே.வி.மகாதேவனால் போடப்பட்டதாம். வி.ராமுவின் வேண்டுகோளிற்க்காக இதை அவர்களுக்குக் கொடுத்துவிட்டராம்.

இதைச்சொன்னவர் விஸ்வநாதன். சொன்னது விஜய் டிவி சூப்பர் சிங்கர் நிகழ்ச்சியின் போது.

இதெல்லாம் முன்னாடியே சொல்லுங்கப்பா. இவ்வளவு காலம்(நான் கேட்ட 25 வருஷமா) புகழ் அனாவசியமா விஸ்வநாதன் - ராமூர்த்திக்குப்போய் இன்னிக்குத்தான் கே.வி.மகாதேவ மாமாவுக்கு டிரான்ஸ்பர் பண்ணினேன்.

____________________________________________

”பனிமழை விழும்... பருவ குளிர் எழும்...” பாட்டை முதன் முதலில் கேட்கும் போது ஒரு வித்தியாசமான ”குளிர்ச்சி” யை உணர்ந்தேன்.மலை வாசஸ்தலத்தில் இருக்கும் உணர்வு.இசை இளையராஜா.

இந்தப் பாட்டை முதன் முதலில் சிலோன் ரேடியோவில்தான் கேட்டேன்.

”எனக்காக காத்திரு”(பாடலின் படம்) படத்தை 1981 வருடத்தின் அக்டோபர் மாத இறுதியில் பார்த்ததாக ஞாபகம்.பல்லாவரம் லட்சுமி அல்லது ஜனதா?

எனக்காக காத்திரு-1981-”பனிமழை விழும் பருவ குளிர்”

பாட்டின் ஆரம்ப இசையே பனி படர்ந்த மலை உச்சி புத்த மடாலயம் பின்னணி உணர்வு தருகிறது.பாடலில் வரும் இசைக்கருவிகளின் ஒலிகளும் மலை வாசஸ்தலத்திற்குரியவைதான். காற்றுக் கருவிகள் அதிகம்.தந்திக் கருவிகள் குறைவு.

இசைக்கபடும் தாளமும் மலைவாழ் மக்களின் தோல் கருவி ஒலியை உணர முடிகிறது.வித்தியாசமான மெட்டு.

இதமான இசை.சில இடங்களில் அமானுஷ்ய இசை. 1.52- 2.11 மற்றும் 3.15-3.17.

அடுத்து எஸ்.பி.ஷைலஜாவின் ”சில்லென்ற காற்றாட... சேர்ந்து மனம் ஆட” சில்லிடும் குரல்.இவருக்கு எப்போதுமே தூரத்து அசிரீரீ குரல்.பிரமாதம்.

பாடல் காட்சிகள் தோன்றும் இடமும் மலை வாசஸ்தலம்தான்....நேபாளம்?

இந்தப்படத்தில் வரும் இன்னொரு பாட்டு “தாகம் எடுக்கிற நேரம்”.இதுவும் மலைபிரதேச உணர்ச்சிகள் கொண்ட இசையமைப்பு.முக்கியமாக பாட்டின் தாளம்.

Enakkaga Kaathiru - Dhaagam EDukkira Neram - Panimazhai Vizhum

திருப்பிக் கொடுக்கப்படாத காதல் கடிதம் - சிறுகதை

2011-08-09T14:34:00.000+05:30

ஒரு நாள் எட்டாவது படிக்கும் கோபால் ஸ்கூல் முதல் பிரியட் தொடங்கும்போது "திடுதிப்"பென்று சக மாணவி கிருஷ்ணவேணியை காதலிக்க ஆரம்பித்தான்.ஏன் இந்த ”திடுதிப்” என்று அவனுக்கே புரியவில்லை.மதியம்வரைப் புல்லரித்துக் கொண்டே இருந்தது.

கண் இமைக்கும் நேரத்தில் பூமியில் மேல் உதிரும் நட்சத்திரம் போல காதல் தேவதை எதையோ தன் மேல் உதிர்த்து விட்டு போய் இருப்பதால் காதல் அங்கீகரிக்கப்பட்டுவிடும் என்று பலமாக நம்பினான்.

அன்று வகுப்பில் இவனை எல்லோரும் ஒரு மாதிரியாகவே பார்த்ததாக இவன் நினைத்துக்கொண்டான்.ஆச்சரியமாக இவனை இந்த “ஒரு மாதிரி”க்கு கேலி ஆட்டவில்லை.ஆச்சரியத்திலும் ஆச்சரியம் இவனுடைய நெருங்கிய நண்பர்கள் காசி மற்றும் குணசீலன் அன்று முழுவதும் வாயே திறக்கவில்லை.தள்ளி நின்று பார்த்தவாறு போனார்கள். இது அவனை மேலும் புல்லரிக்க வைத்தது.

உயிர் நண்பர்கள் காசி, குணசீலன் இருவரிடமும் தன் திடீர்
திடுதிப்காதலைப் பற்றி மிகவும் வெட்கத்துடன் சொன்னான்.இருவரும் ஒருவரை ஒருவர் பார்த்துக்கொண்டு மெளனமானர்கள்.பொறாமையாகக் கூட இருந்தது இருவருக்கும்.

காதல், கடிதம் மூலம்தான் சொல்லப்படவேண்டும்.அதில்தான் ஒரு நிதானம் இருக்கும். போகிறபோக்கில் அவளிடம் ஐ லவ் யூ சொல்வதில் ஒரு அவமரியாதை மற்றும் அலட்சியம் இருக்கிறது.கடிதத்தில்தான் மனதை திறந்து காட்டலாம்.ஒரு புரிதலும் இருக்கும் என்று அவர்களிடம் சொன்னான்.அவர்களும் தலையாட்டினார்கள்.

அடுத்து ஒரு பக்கத்திற்கு காதல் கடிதம் ஒன்று தயார் செய்யப்பட்டது.

நண்பர்கள் இருவரும் படித்தார்கள்.ஏதாவது மிஸ்டேக் இருக்கிறதா என்று கேட்டதற்கு “ சீக்கிரம் சொல்லிவிடு” என்பதில் அதிகார தொனி இருப்பதாகவும் அதை “யோசித்து நல்ல பதில் சொல்” என்று மாற்ற சொன்னார்கள். அப்படியே செய்தான்.குணசீலன் மேலே புள்ளையார் சுழி போட்டான்.

மூன்றாவது வரிசை இரண்டாவது டெஸ்க்கில் ரீசஸ் பிரியடில் வைப்பதாக முடிவாயிற்று.காசிதான் வைத்தான்.

ரீசஸ் பிரியட் முடிந்து உள்ளே நுழைந்து இரண்டாவது டெஸ்கைப் பார்த்தவாறே நடக்கும்போது மூவர் உடலிலும் ஒரு குறுகுறுப்பு இருந்தது.

கிருஷ்ணவேணி மூவரையும் பார்த்து புன்னகைப் புரிந்துவிட்டு வேறு பக்கம் திரும்பிக்கொண்டாள்.தனக்கும் அவளுக்கும் காதல் முடிச்சு விழுந்துவிட்டதாக கோபால் கை நடுங்க ஆரம்பித்து டெஸ்க்கில் கைவிட்டு மறைத்துக்
கொண்டான்.

வகுப்பு நடந்துக்கொண்டிருக்கும் போது, திடீரென PT(விளையாட்டு) மாஸ்டர் உள்ளே நுழைந்து,வாலிபால் போட்டிப் பயிற்ச்சிக்கு சூபர்வைஸ் செய்ய பெண் குரூப்புக்கு ஒரு கேப்டனும் ஆண் குரூப்புக்கு ஒரு கேப்டனும் தேவை என்று கேட்க கிருஷ்ணவேனி பெண் குரூப்புக்கு கைத்தூக்க அதைப்பார்த்த குணசீலன் சட்டென்று ஆண் குரூப்புக்கு புன்முறுவல் பூத்தபடி கைத்தூக்கினான்.

அவனைப் பார்த்து கிருஷ்ணவேணி புன்னகைத்தாள்.குணசீலன் மேகத்தில் மிதந்தான்.

கோபாலின் புல்லரிப்புகள் திடுதிப்பென்று நின்றது.காசி முகம் சிறுத்தான்.

அடுத்த நாள் காசி மேகத்தில் மிதந்தான்.

அன்று விமலா டீச்சர் கிருஷ்ணவேணியையும் காசியையும் காலையில் தன் ரூமுக்கு வரவழைத்து புது புத்தகங்களை அடுக்கிக் கட்டி கிளாசுக்கு எடுத்து வர பணித்தாள்.அடிக்கடி காசி அவளிடம் புத்தகங்களை அடுக்குவதுப் பற்றி “டவுட்” கேட்டு புத்தகங்களை கட்டினான்.அவளும் சிரித்துக்கொண்டே ”டவுட்” டுகளுக்குப் பதில் சொன்னாள்.

இருவரும் புன்னகைத்தப்படியே கிளாசில் நுழைந்து ”இந்தா முதல்ல உன் புக்கை எடுத்துக்கோ” புத்தகத்தின் நடுவே வாசனைப் பிடித்துவிட்டு அவளிடம் கொடுத்தது கோபாலுக்கும் குணாவுக்கும் எரிச்சல் ஊட்டியது.

கோபால் தனக்கும் இது மாதிரி ஒரு சான்ஸ் வரும் என்று அடுத்த வாரம் முழுவதுமாக ஏங்கி இளைத்துப்போனான்.

ஒரு மாதம் அவளிடமிருந்து ஒரு பதிலும் இல்லை. அவளின் மர்ம புன்னகை மட்டும் தொடர்ந்தது.அடுத்த பத்து நாளும் ஒன்றும் நடக்கவில்லை.அதே மர்ம புன்னகை. கோபால் சற்று கலவரமானான். மறுநாள் கடிதத்தை திருப்பி வாங்கிவிட துடித்தான்.இருவருக்கும் தெரியாமல் அவளிடம் கேட்டு வாங்கிவிடவேண்டும் மனதில் எண்ணிக்கொண்டான்.

மறு நாள் காசியும், குணசீலனும் அவளை வழிமறித்து ஏதோ கேட்பதும் அவள் முடியாது என்று விடுவிடுவென்று கோபத்துடன் நடப்பதை மறைந்திருந்த பார்த்தான் கோபால். திரும்பி வரும்போது இருவர் முகத்திலும் இனம் புரியாத பய ரேகைகள் ஓடுவதை கோபால் உணர்ந்தான்.

”என்னடா... கேட்டீங்க அவள்ட? அவ ஏன் டென்சன் ஆவரா?”

“ லெட்டர திருப்பி குடுன்னு கேட்டோம். மாட்டேன்டா”

கோபால் பீதி அடைந்து முகம் வெளுத்தது. மாட்டி விடுவாளா? பயந்தபடியே ஒவ்வொரு நாளும் கோபால் நாட்களை ஓட்டினான்.

அடுத்த மூன்று வாரங்கள் மூன்று பேரும் பேசிக்கொள்ளவில்லை.வெவ்வேறு இடத்தில் மாறி உட்கார்ந்தார்கள்.

அடுத்த வருடம் காசியும் கோபாலும் வகுப்பு மாறினார்கள்.இது வரை ஒன்றும் நடக்காதது சற்று பீதி குறைந்தது. கிருஷ்ணவேனியை இழந்துவிட்டோம் என்ற நினைப்பு மட்டும் மாறாமல் கோபாலை எல்லா வகுப்பிலும் தொடர்ந்தது.

பள்ளியின் கடைசி நாள் அன்று ஒரு செய்தி கேள்விப்பட்டு அதிர்ந்தான் கோபால். தான் கொடுத்த அதே நாளில் குணாவும் காசியும் அவளுக்கு காதல் கடிதம் கொடுத்திருக்கிறார்கள்.

கடைசி நாளில் மூவரும் சேர்ந்து அவளிடம் அந்த காதல் கடிதங்களை கேட்கையில் தர முடியாது என்ற்படி விறுவிறுவென்று நடந்தாள்.

பள்ளி முடிந்து எல்லோரும் மூலைக்கொன்றாக சிதறினார்கள். சிதறினாலும் லெட்டர் திருப்பி வாங்க முடியாமல் போனது உறுத்திக்கொண்டுதான் இருந்தது மூவருக்கும்.

பல பல வருடங்களுக்குப் பிறகு....

புதுகுமரன்புதூர் காந்தி-காமராஜ் ஹை ஸ்கூல் அலுமினி என்ற வெப் சைட்டில்...

ஹாய்! நான் கிருஷ்ணவேணி மாதவன்உன்னி. 1975 பாட்ச்.கோபால்,குணா, காசி, நிர்மலா,சாந்தி எங்க இருக்கீங்க?நான் கணவர், ரெண்டு குழந்தைகளோட திருச்சில இருக்கேன்.

பழைய பள்ளி நினைவுகளுக்காக இந்த வெப் சைட்.மறக்க முடியாத நாட்கள்.

யாரை மறந்தாலும் கோபால்,குணா, காசி மூணு பேரையும் மறக்கவே மாட்டேன்.ஒரு நாள்ல மூணு பேரும் மூணு லவ் லெட்டர் கொடுத்தாங்க. மிரண்டுப் போய்விட்டேன் .ஆனா ரொம்ப பிடிச்சுருந்தது. இன்னும் பத்திரமா வச்சிருக்கேன்.

இங்க கிளிக் பண்ணினா ஸ்கேன் பண்ண காப்பிய பார்க்கலாம்.

என்னைத் தொடர்பு கொண்டால் குடும்பத்தோடு சந்திக்க ரொம்ப ஆர்வம்.

சத்தியமா உங்க லவ் லெட்டர்களை திருப்பிக்கொடுத்துவிடுகிறேன்.(ஹா ஹா ஹா ஹா)

(தினமும் கிருஷ்ணவேணி கமெண்ட் பாக்ஸை பார்ப்பது வழக்கம். பத்து வருடமாக ”0 comments"   என்று வெறிச்சோடிக் கிடக்கிறது)

             முற்றும்

09.10.57ல் நின்ற பிரபஞ்சம்

2011-08-03T10:07:00.000+05:30

டிக்... டிக்... டிக்... டிக்...
அலாரம் டைம்பீஸின்
பிரபஞ்ச இயக்கத்தைக்
கேட்ட குழந்தை
பேட்டரிகளைக் கழட்டி
09.10.57 ல் பிரபஞ்சத்தை நிறுத்திவிடுகிறது

மீண்டும் பாட்டரி பொருத்தியும்
டிக்... டிக்... டிக்... டிக்...இயக்கம் இல்லை
பிரபஞ்சத்தின் கைகள்
09.10.57 ல்லை விட்டு அசையவில்லை

அப்படியும் இப்படியும்
குலுக்கிப் பார்த்தும்
பிரபஞ்சம் அசையவில்லை

பிரபஞ்சத்தை அப்படியே
வைத்துவிட்டு அடுத்த
விளையாட்டுக்குப் போய்விடுகிறது
குழந்தை

பிரபஞ்சத்தின்
கோடானு கோடி கோடி கோடி ஜீவராசிகள்
கட்டிலுக்கடியில் உருண்டுபோய்
கிடக்கும் இன்னொரு பாட்டரியின்
மேல் கண்கள் குத்திட்டு
உறைந்து நிற்கின்றன

கணவன் ரெடியா?

2011-07-29T14:08:00.000+05:30

என் வயது* ____ நான் _________ ஜாதியை சேர்ந்தவள். கருப்பு நிறம். நல்ல இடத்தில் வேலை.ஒளிவு மறைவு இல்லாத,சுயசார்ப்பு மற்றும் உலகத்தில் எல்லாவற்றையும் சமமாக மதிப்பவள்.குடும்பம் ,மனித உறவுகளை மிகவும் மதிப்பவள். மேலும் நகைச்சுவை உணர்வும் குழந்தைகளை நேசிக்கும் குணம் உள்ளவள். அடுத்தவர் உணர்வுகள் பற்றிய புரிதலும் மதிப்பும் என்னிடம் உண்டு.என்னை மதிப்பது, என் குணாதிசயம் அல்லது சுபாவத்தின் அடிப்படையில் இருக்கவேண்டும்.

எனக்கு நண்பர்களையும் அவர்களுடன் பொழுதுபோக்குவது பிடிக்கும்.படம் பார்ப்பதும் வெளியே போய் பொழுதுப்போக்குவதும் பிடித்தமானது. என் சொந்தகாலில் நின்று சுயமாக சம்பாதிப்பதும் செய்யும் வேலையை நேசிப்பதும் ரொம்ப பிடிக்கும்.நான் நம்புவது “ நாம் என்ன கொடுக்கிறோமோ அதுதான் நமக்கு கிடைக்கும்”.நான் ஒரு நல்ல வாழ்க்கை துணைவராக இருந்து நல்ல மற்றும் கஷ்ட காலத்தில் உறுதுணையாகவும் உந்துதல் சக்தியாகவும் இருப்பேன்.

எனக்கு ஜாதகத்தின் மேல் நம்பிக்கை இல்லை ஆனால் கடவுள் மேல் உண்டு.

மேற்சொன்ன அனைத்து பண்புகளையும்/மதிப்பீடுகளையும் என்னுடன் பகிர்ந்துகொண்டு, அன்பும் நட்பும் என் மேல் கொண்டு ,நான் நானாகவே இருக்க விரும்புவதை ஏற்றுக்கொள்ளும் ஒருவரை மணக்க விரும்புகிறேன்.

மேற்கண்ட விளம்பரம் ஒரு தினசரியில் திருமண விளம்பர பகுதியில் வந்திருந்தது.

இவர் நினைப்பது போல் வாழ்க்கை அமைய என் வாழ்த்துக்கள்!

99% திருமண விளம்பரத்தில் கோத்ரம்,நட்சத்திரம்,ஜாதி,பிரிவு,வயது,
வேலை,உயரம்,சம்பளம்,நிறம் முக்கியமாக கொடுப்பார்கள்.

இவர் தன் மனசில் உள்ள மற்றவற்றையும் மறைக்காமல்
கொடுத்துள்ளார்.கிட்டத்தட்ட blogger profile.

இது போல் ஐடியல் எண்ணங்களை மனதில் இளமை காலத்தில் வைத்திருப்போம்.“நீங்கள் எல்லாம் என்ன” நான் வாழ்ந்துக் காட்டுகிறேன் பார் என்ற ஒரு துடிப்பு இருக்கும்.

திருமணத்திற்குப் பிறகு வாழ்க்கை அவ்வளவு சுலபமானதா?

பச்சை நிறத்தில் ஹைலைட் செய்யப்பட்டுள்ள விஷயங்கள் வாழ்க்கைப் பிரயாணத்தில் குறுக்கிட்டு உரசக் கூடியவை.தாக்குப்பிடித்தால் சாம்பியன்.

எல்லோரும் ஒரே அலைவரிசையில் இருந்தால் வாழ்க்கையில் சுவராஸ்யம் இருக்குமா?

என் யூகம் & டிஸ்கி:

தான் கருப்பாக இருக்கிறோம் என்ற தாழ்வு மனப்பான்மையில் இவ்வளவு கொடுத்திருக்கிறாரோ?

*திருமண வயதுதான்.

தல அஜித்து...நாங்கூட்தான் ஆடிக்றேன் மங்காத்தா

2011-07-25T14:14:00.002+05:30

”ரொம்போ ஷ்டைல்லா தல சூட்டு கோட்டு போட்டுகினு வெள்ளாடு மங்காத்தா விடமாட்டா எங்கத்தான்னு பொன்னுகளோட குரூப்பா ஆடிகினே பாட்றாரு”.

தல இத்கூடத்தான் மங்காத்தா வெள்யாடு போறயா?

”அல்லோ பிரதர்ஸ்... சிஸ்டர்ஸ்... மங்காத்தான்ற ஜூது,( சீட்டு)கட்டு வச்சுகினு ரவுடிங்க அல்லாங்காட்டி பொறுக்கி பசங்க அல்லாங்காட்டி சோமாரிங்கதான் முக்கா வாசி வெள்ளாட்ர கேமு. துட்டு பந்தியம் கட்டுவாங்க.கால்வாசி மாடி வீடுங்கள்ள அல்லாகாட்டி அய்யர் வுடுங்கள்ளா சூதுக்கு பத்தியா புளியாங்கொட்ட,கோலி,மேட்சி பாக்சு, லேபிள் வச்சு வெள்ளாடுங்க கொயிந்திங்க”.

”இத்தொட்டு தாம்பரம் -பீச் ட்ரெயினு ரூட்டு தண்டவாளத்தாண்ட லுங்(கி )கட்டிகினு அத்தொட்டு குந்திக்கினு காதுல பீடி சொருவிகினு வெள்ளாடனும். இது மெட்ராஸ்ஸாண்ட. ஏன் குந்திக்கிற? எனி மூவ்மெண்டு போலீஸ்காரன் வருவான்.கபால்லுன்னு எந்திரிச்சு ஒட்லாம்.அத்தொட்டு ட்ரெயின் டிராக்காண்ட போலீஸ்காரன் வரமாட்டான்.அத்தொட்டு சைக்கிள் தள்ளிகினு உள்ள வர முடியாது”.

”மாம்பலம் தாண்டி கோடம்பாக்கம் எல்ட்ரிக் ட்ரெயின் பாஸ் ஆவ சொல அல்லாங்காட்டி கோடம்பாக்கம் செத்பட் ரூட் பாஸ் ஆவ சொல பாத்தின்னா நம் பசங்க ஜீட்டா ஆடிகினு இருப்பானுங்க. தண்டவாளத்து ஒட்டி இருக்கிற செவத்த ஒடிச்சி வச்சுருப்போம்”.

”கன்னுங்களா... இது இப்பத்தி கத இல்ல. எல்லாம் முட்ஞ்சி போச்சு.ரொம்ப ரேர்ரா வெள்ளாட்றாங்க”.

”ரம்மி, மொத்த கட்டு ஆடனும்னா நேரம் ஆகும். சட்புட்ன்னு பாஸ்ட்புட்டு மாதிரி முடியாது.அத்தொட்டு ...த்தா நம்மாளு நாலு பேருக்கு வெள்ளாட தெரியாது.ஆபிசரு கிளப்ல வெளயாடுவாங்க.அத்தொட்டு அதுல அட்த கை பாத்து உள்ள புட்சி ஆடனும்.இவனுங்க முட்டா கூங்க.உஜார புட்சு ஆட தெரியாது.தெரிஞ்சவன் ரெண்டு பேரு பட்டாபிராம் போய்ட்டானுங்க”.

”ரம்மில ஒரு பேஜாரு இன்னா தெரியுமா, ஹண்ட் ஆனாவ(ன்) ஆட்றவன் பக்கத்துல உட்காந்திகினு ” இத எடு அது போடு”ன்னு அட்வைஸ் குடுத்துகினு பேஜார் பன்னுவான்.பெர்சனலா வெள்ளாட உடமாட்டான்.கன்பீஸ் பன்னுவான்”.

”அது சரி எங்க் கட்டு பாத்துக்கிறியா?”

”ஓவ்வொரு சீட்டு பின்னால பாரின் ஆக்டர் குட்டி ஒன்னு மார காட்டிகினு போஸ் குடுத்துகினு இருக்கும்.அந்த கட்டுதான் வாங்கினு வருவான் சொம்பு கஜேந்தரன்.பர்மா பஜார்ல கெடைக்கும்.சொம்ம பள்பள்ன்னு இருக்கும்.மேல பாத்திகுனே சர்சர்ன்னு அத்தினி பேர்க்கும் காடு போடுவான் கன்சன்(கணேசன்)”.

”ஜுது பேரு மங்காத்ததான் ஆனா ஆட்டம் ஸ்டார்ட் ஆவசொல “உள்யா? வெலியா?” கேட்பானுங்க.இதுக்கு உள்ள வெளியேன்னுட்டு ஒரு பேரு இருக்குது. சால்டு கோட்டர்ஸ்ஸாண்ட இத்தான் ஆடுவானுக”.

”அது இன்னா மங்காத்தா? பேர நெனைக்கசொல ஒரு ஐடியா வர்து.குயின் பேஸ் கட்டு பாத்தியா.ஆத்தா (அம்மன்) பேஸ் கட்டு மாதிரி இல்ல.பொட்டுவச்சு கீரிடம் வச்சம்னா அசல்லா ஆத்தாதான். போர்ட் டிரஸ்ட் ஆண்ட ஒரு அம்மன் கோவிலு. மொகம் ஒண்டிதான் தெரியும். பஸ்ட் பஸ்ட்ல ஆட்னவன் இத பாத்து மெர்சலாயிட்டுகிறான். “ஆத்தா... மங்காத்த”ன்னு கும்பிட்டுஆரம்பிச்சிட்டுக்கிறான்.அதுதான் மங்காத்தான்னு ஒட்டிக்கிச்சு”.

”ஆனா ரம்மில குயின் எடுத்தா ஒரு கிஸ் கொடுத்துட்டுதான் கட்டுவுள்ள சொருகுவோம்.அங்க ஆத்தா கெடயாது.தொரசாணி குயினுதான்”.

”இத்தோட ரூல்ஸ் என்னான்னு தெரியுமா. மொதல்ல துட்டு பெட்டு கட்னம். நானு அஞ்சு ரூபா பார்ட்னர் அஞ்சு ரூபா.மொத்தம் பத்து ரூபா. இத பொதுல வச்சிடனும்”.

”கட்ட நல்ல குலுக்கிட்டு பார்ட்னராண்ட ஒரு கார்டு உருவ சொல்லனும். அது மூனு ஆட்டின்னு வை.அத ஓபனா தர்ல போட்டுன்னம். அத்தொட்டு உள்ளவா வெள்யாவான்னு கேட்கனும். வெளியேன்னு கண்டி சொல்றான்னு வை கையாண்ட இருக்கிற கார்டுங்கள ஒன்னு ஒபன்ல, ஒன்னு கவுத்து போட்டுகினே வர்னம்.இப்ப மூனுல ஸ்பேட்,டமண்டு,கிளாவருன்னு ஏதாவது ஒன்னு கண்டி வெளியே விழுந்துச்சுன்னா ஜுது துட்டு பார்டனருக்கு போய்டும். கவுத்து வச்ச கார்டலேயே போயிட்சுன்னா என்கு வரும்”.

”ம்மால... சில சோமாரிங்க “வை ராஜா வைன்னு” குரல் குடுத்துகினே வெள்ளாடுவாங்க. ஆட்டத்துல் ஒரு டெம்பர் கிடைக்கும்.ஆனா போலீஸ்காரன் மோப்பம் புட்சுகினு வந்துருவான். உஜ்ஜார இருக்கனும்.நாங்க சைலண்டு”.

”இதகண்டுகினு மொட்ட பசங்க சிரெட்டு(சிகரெட்) பாக்கெட்ட சூது வச்சு வெள்ளாட்றானுங்க.அத்தொட்டு துட்டு வச்சுகினு சிங்கமா பொட்டா வெள்ளாட்றானுங்க”.

”இப்ப இருக்கிற இண்டர்னெட் மாதர்சோத் பேமானிங்க ஐஸ்வர்யாவுக்கு ஆண் கொயிந்தயா பொட்ட கொயிந்தயா பொறக்க போவுதுன்னு சூது கட்டிஇருக்கானுங்கன்னு பேப்பர்ல படிச்சேன்”.

”பச்ச கொயிந்தீங்க மேல சூது வச்சு வெள்ளாட்னா ஆத்தா... மங்காத்தா கன்ன புடுங்கிடுவ”..

கவிதை

2011-07-24T21:04:00.000+05:30

சோதனை - தமிழ்மணம் கருவிப்பட்டை இணைந்துள்ளதா

மொட்டை -கவிதை

2011-07-24T20:54:00.000+05:30

நடு தூக்கத்தில்
கண் விழித்த குழந்தை
மொட்டைப் போட்டு
மீசை வழித்த
அப்பாவைப் பார்க்கிறது
இது அப்பா இல்லை
இது அப்பாதான்
இது அப்பா இல்லை
இது அப்பாதான்
இது அப்பா இல்லை
இது அப்பாதான்
இது அப்பா இல்லை
இது அப்பாதான்
மீண்டும் தூக்கத்தில் போய்
அப்பாவின்
காணாமல் போன முடிகளை
தேடத் தொடங்குகிறது
தன் மொட்டைத் தலையை
தடவியபடி

காணவில்லை - கவிதை

2011-07-20T18:23:00.000+05:30

சமசீர் கல்வியும் இரண்டு துண்டான பெண்ணும்...

2011-07-11T14:17:00.004+05:30

கல்வி என்பது அறிவை வளர்க்கும் ஒரு கருவி.அதனால்
சிந்தனை கூடுகிறது.மக்களிடமிருந்து மாக்களை(விலங்குகள்) வேறுபடுத்திக்காட்டுகிறது.கூடவே ஒழுக்கத்தைக் (படிச்சவனா நீ?)கற்றுக்கொள்ளுகிறோம்.சமுதாயத்தின் பல தளங்களில் முட்டி மோதி முன்னேற அல்லது சந்திக்க அல்லது கடத்த அல்லது எதிர்க்க நமக்கு இந்தக் கல்வி ஆற்றல்கொடுக்கிறது. கூடவே வரும் அனுபவங்களும் கல்வியின் பங்களிப்புதான்.

இந்த கல்வி இல்லாதவரை “கைநாட்டு”கேஸ் என்கிறது சமூகம்.

பெறப்படும் கல்வியை அப்படியே “டப்பா” (உரு ஏற்றி)அடித்து மண்டைக்குள் திணித்து அதை விழாமல் இறுத்திப்பிடித்தபடி தேர்வு எழுதும் டெஸ்க்கிற்கு சென்று வாந்தி எடுத்து வெற்றி பெற்று வேலைக்குப்போவதுதான் கல்வியின் குறிகோள் ஆகிவிட்டது.

வெறும் புத்தகக் கல்வி.ஏட்டு சுரைக்காய் கறிக்கு உதவுமா? அதனால்தான் செய்முறை கல்வித் திட்டமும் சில இடங்களில் கற்றுவிக்கப்படுகிறது.சிந்தனையை வளர்க்க தேர்வு கேள்விகள் டிவிஸ்ட் பண்ணி கேட்கும் வழக்கமும் உண்டு.

வேலைக்குப்போனால் “இது பிட் அடிச்சு டிகிரி வாங்கி இருக்கு” “ இது டப்பா அடிச்சு டிகிரி வாங்கி இருக்கு” அதான் தடுமாறுது என்கிறார்கள்.கைநாட்டில் கொஞ்சம் உசத்தி அவ்வளவுதான்.

கொடுக்கப்படும் கல்வியில் பல சீர்கேடுகள் இருப்பதால் அதைக் களைவதற்கு கடந்த வந்த ஆண்டுகளில் பலவித சீர்திருத்தங்கள் கொண்டுவரப்படுகிறது.அதில் முக்கியமான ஒன்றுதான் லேட்டஸ்ட் சமச்சீர்கல்வி. எல்லோர்க்கும் சமமான பாட திட்டம்.

இந்தப் பதிவு அதைப் பற்றி அல்ல. சரி எதைப் பற்றி? அது....

எந்தக் கல்வியானலும் அது கல்வியின் அடிப்படையான
அறிவைக்கொடுத்து மாணவர்களின் சிந்தனையை தூண்டுகிறதா?வாழ்வின் பல தளங்களில் இதை மாணவர்கள் பயன்படுத்துகிறார்களா?

ஏதோ ஒரளவுக்குதான்.

நான்காவது வகுப்பில்(தமிழ் மீடியம்) எனக்கு பூகோளம்( geography) எடுத்த ஆசிரியருக்கு மேஜிக்கும் தெரியும்.அடிக்கடி செய்து காட்டுவார்.

ஒரு நாள் “இடது கையின் ஆள்காட்டி விரலை துண்ட ஒடிச்சி, ஒடஞ்ச துண்ட தனியா ஆட்டிக்காட்டிட்டு மறுபடியும் ஒட்ட வைச்சுடுவேன்” சொல்லி அதன்படி செய்துக் காண்பித்தார்.உடையும் போது ஒரு சத்தமும் வரும்.

டிரிக்கென்று தெரிந்தாலும் ஆச்சரியமும் அதிர்ச்சியுமாக அதைப் பார்த்து பரவசமடைந்தோம்.

அடுத்து அவர் “ இது டிரிக்தான்.உண்மையா பண்ணா முடியாது? ஏன்னு யாருக்காவது தெரியுமா?யோசிச்சுச் சொல்லுங்க”

47 பேரும் முழித்தோம்.(சரியாக யோசித்து ஒன்றிரண்டு பேர் பயத்தில் சொல்லாமலும் இருந்திருக்கலாம்)

”அறிவு கொழுந்துகளா.. நம்ம உடம்புல எதுனா துண்டாச்சு இல்ல அடிப்பட்டதுன்னா உடனே என்ன வரும்?”

”ரத்தம் வரும்” முக்கலும் முனகலுமாக குரல் வந்தது.

“அப்புறம்?”

பதில் இல்லை.

”வலி உயிர் போய் கத்துவேன்ல”

”ஆமாங்கயயா”

”எனக்கு வந்ததா? யோசீங்கடா தரித்தரம் புடிச்சப் பசங்களா”.

எல்லோரும் அவரவர் தலையில் நங்கென்றுக் குட்டிக்கொண்டோம்.

ஏன் சிந்திக்கவில்லை.”பெரிய்ய சைண்டிஸ்டு ...இதெல்லாம் தேவையா?” என்ற நினைப்புதான் எல்லோருக்கும் அப்போது.இரண்டு தரப்பிலும் குற்றம் இருக்கிறது.

இது மாதிரி நிறைய கேட்பார். தடுமாறுவோம்.அடுத்த வகுப்பு போனவுடன் இவரை மறந்துவிட்டோம்.அவர் வகுப்பாசிரியராக இருக்கும் வகுப்பில் இது மாதிரி அடிக்கடி பின்னி எடுப்பார்.

ஒரு பெண்ணை இரண்டுதுண்டாக்கும் மேஜிக்.எங்கே ரத்தம்?

எட்டாம் வகுப்பு படிக்கும் போது பள்ளியருகே இருந்த மிக ஆழமான பாழடைந்த கிணற்றில் (தண்ணிர் இல்லை) அந்த ஊரை சார்ந்த ஒருவர் தவறி விழுந்து இறந்து விட்டார். மாடு மேய்க்கும் சிறுவன் சாட்சி.

அடுத்த வாரம் அதே ஆசிரியர் எங்களுக்கு moral instructions
வகுப்பு எடுக்க வந்தார்.அடிவயிற்றில் கிலி.

”டேய் போன வாரம் செத்தாரே ஒருத்தரு.அவரு அடிப்பட்டும் சாவல. பாம்பு கடிச்சும் சாவல. எப்படி செத்தார் தெரியுமா?”

நான்கு பேர்(நானும் ஒருவன்) கைத்தூக்கினார்கள்.நான்கு பேரிடமும் தனித்தனியாக காதில் ரகசியமாக வாங்கிக்கொண்டார்.நாலு பேரும் பதிலும் ஓகே என்றார்.

நாலில் ஒரு மாணவன் கையைக் கட்டிக்கொண்ட்டு கத்தி பதில் சொன்னான்:

“உல்ல விலுவந்தவரு மூச்சு திணறி செத்துட்டாரு.உல்லார மூச்சுப்பிடிக்க காத்துல ஆக்சிசன் இல்ல.பயர் இஞ்சின்காரங்க உல்லார இறங்கம்முன்னே ஒரு விளக்க(lamp) உல்லார காட்னப்போ விளக்கு டப்ன்னு அணைஞ்ச்சிடுச்சு”

மற்ற மாணவர்களை திட்டு திட்டென்று திட்டித்தீர்த்தார்.தலையில் குட்டிக்கொண்டார்கள்.

படிப்பு வழியாக சிந்தித்தக்க தலைப்பட்டாலும் நம் சிந்தனையை மழுங்கடிக்க நம் பாரம்பரியத்தில் நிறைய விஷயங்கள் உண்டு.

இப்படியே உயர் வகுப்பு மற்றும் கல்லூரி முடிந்து வேலைக்குப் (accounts) போன முதல் இரண்டு நாளில் எனக்கு கொடுத்த பல வேலைகளில் திணறி முட்டி மோதி நானே சிந்தித்து (???) இரண்டு சின்ன வேலையை நானே கற்றுக்கொண்டேன்.

1.Bank Reconciliation Statement. இது நாம் மெயிண்டெயின் செய்யும் வங்கி கணக்கும் வங்கியின் கணக்குத் தொகையும் சரி செய்தல்.திணறியது ஏன்? கல்லூரியில் இதைத் தியரியாக படித்தக்காரணம். செய்முறை கல்வி இல்லை.அப்போது DD commission, Telegarphic Transfer, OD என்றால் என்னவென்றே தெரியாது.

2.ஒரு காலத்தில் வீட்டு மின்சார கட்டணத்தை ஒரு யூனிட்டுக்கு இவ்வளவு என்று flat rateஆக கணக்குப்போட்டு கார்டில் பதிக்கும் முறை போய் slab rate வந்தது. இதை நான் அரை நாள் ரூம் போட்டு யோசித்து விடைக் கண்டுப்
பிடித்தது ரொம்ப ஓவர்.ஏன் திணறினேன்.டிவிஸ்ட் பண்ணிக்கேட்ட மாத்தி யோசிக்கனும்.

எந்தக் கல்வியானலும் டப்பா அடிக்காதே.யோசி. அந்த
வயசில யோசிக்கிறதாவது மண்ணாங்கட்டியாவது.ஆசிரியர்கள் தூண்ட வேண்டும்.இங்குதான் concept based learning வருகிறது.

டெயில் பீஸ்: என் பாட்டி இறந்தபோது என் பெரியப்பாவிற்கு தந்தி கொடுக்க பணித்து, தந்தியில் சொற்கள் குறைவாக இருந்தால் காசு கம்மியாகும் என்று (தன் பெயரில்)அப்பா சொல்லி அனுப்பினார்.

எல்லோரும் வழக்கமாக கொடுப்பது: MOTHER DIED START IMMEDIATELY.

நான் கொடுத்தது: MOTHER DIED COME FAST

பையைவிட்டு” மியாவ் ”வெளியே வரவில்லை!

2011-06-27T14:52:00.001+05:30

போன வாரம் என் பையன் ஒரு கேள்வி கேட்டான்.”என்ன சின்ன வயசுல தூங்க வைக்க அம்மா ஒண்ணு சொல்லி பயமுறுத்துவாங்களே தெரியுமா?”

”தெரியுமே. அது “ மியாவ்... மியாவ்... தூங்கு இல்லேன்ன பூன வரும்”

”அதெல்லாம் எங்கப்பா இப்போ?”

”தெரியலப்பா” என்றேன்(நாயகன் கமல் ஸ்டைலில்)

ஆமாம். பாத்து ரொமப நாளாச்சுல்ல.அப்போதுதான் யோசித்தேன். கடைசியா பூனையப் பார்த்தது எப்போது?மெத்துமெத்தென்ற உடலமைப்போடு மற்றும் அழகான கண்களை உடைய குட்டி பிராணி.ஆனால் கருப்பாக இருக்கும் அந்தக் கடுவன் பூனைக்கு ஒரு டெரர் லுக் இருக்கும்.

நகரங்களில் முன்பு போல் பூனைகள் இப்போது அதிகம் கண்ணில் தென்படுவதில்லை.( கிட்டத்தட்ட 90% அழிந்துவிட்டது?)எதிர்பார்க்காத தருணங்களில்"மியாவ்” என்று மீட்டர் பாக்ஸ் அடியிலும், துள்ளிக்குதித்தபடி அல்லது தாவியபடி, மதிலில்(cat walk) நடந்தபடி ரோடை(குறுக்கே?) கிராஸ் செய்தபடி வழக்கமான சாம்பல் அல்லது பிரெளன் நிறப் பூனைகள் கண்ணில் தட்டுப்படும்.இப்போது?

கார்டூன்களிலும் அனிமேஷன் படங்களிலும் தான் இருக்கிறது பூனை.பேஷன் ஷோக்களில் cat walk இருக்கிறது. ஜேம்ஸ் பாண்ட் படங்களில் வில்லன் மடியில் ஒரு பூனையை வைத்திருப்பார்.

கிராமங்களில் எலித்தொல்லையினால் பூனை வளர்ப்பார்கள்.அடுத்து காத்து கருப்பு,பூனை இருக்கும் இடத்தில் அண்டாது என்பார்கள். அது இருக்கும் இடத்தில் வினை வைக்க முடியாது என்பது ஒரு நம்பிக்கை.அதே கிராமத்தில் பூனைக்குப் பிடித்த பாலை அதற்கு வார்க்காமல் பாம்பு புற்றிற்கு வார்ப்பார்கள்.

ஏன் குறைந்துவிட்டது? அதற்கான இடங்கள் இல்லை. மனிதனால் ஆக்கிரமிக்கப்பட்டுவிட்டது. தனி வீடுகளில் அதற்கான இடங்கள் நிறைய இருந்தன.பிளாட்டுகளில் இல்லை.அதன் முக்கிய உணவான எலி,ஓணான்,அரணை எல்லாம் அழிந்ததால் உணவு சங்கிலி அறுபட்டு பூனையும் அழிய ஆரம்பித்துவிட்டது.நீர் நிலைகளும் மறைந்துவிட்டது.

குட்டிகளைப் பிரசவிப்பதற்கு மறைவு இடம் தேவை.அது சற்று குளிர்ச்சியாகவும் உணவுகளைக் கொண்டு வர வசதியாக இருக்க வேண்டும்.அது எங்கு நகரத்தில் இருக்கிறது.

நாய்கள் பெருக்கமும் பூனைக்கு அழிவுக்குக் காரணம்.மக்களுக்கு இதையெல்லாம் போஷித்து வளர்ப்பதில் இம்மியளாவும் ஆர்வம் இல்லை.

அதிகமாக இருந்தக் காலத்தில் இவைகள் செய்த அட்டகாசங்கள் சொல்லிமாளாது.நடு ராத்திரியில் பாத்திரங்களை உருட்டும். இதுகள் “காதல்”(mating) செய்யும் சமயத்தில் வரும் ஓசை கர்ணகடூரமானது.அதே ஓசைப்படாமல் எவ்வளவு நாள் பாலைக் குடித்திருக்கிறது.நாங்கள் இரண்டு பேர் வேலைக்குப் போகும்போது இண்டு இடுக்கு விடாமல் வீட்டை மூடிவிட்டுச்செல்லவேண்டும்.(இதற்காக கிராமத்தில் உரிப்பானையில் பாலை வைப்பார்கள்).

Cat will steel any kind of milk except breast milk என்பார்கள்.

பூனையினால் வரும் நோய்களால் செல்லப்பிராணியாக வளர்ப்பதும் குறைந்துவிட்டது.முக்கியமாக ஆஸ்துமா.

”பூனையை கொல்லக்கூடாது.அதற்கு ஒன்பது ஜென்மம் உண்டு.பிழைத்துப் பிழைத்து ஒன்பது ஜென்மம் வரை உயிரோடிருக்கும்”.

இந்தக் கட்டுக்கதையை வைத்துப் பேசி சிறு வயதில் பல நேரங்கள் ஓட்டி இருக்கிறோம்.எங்கிருந்து குதித்தாலும் தன் உயிருக்கு ஒன்றும் நேராமல் சாமாத்தியமாக தன் கால் குஷன் மற்றும் உடலமைப்பு வைத்து குதித்துப் பிழைக்கும் என்பதுதான் அந்த ஒன்பது ஜென்ம புனைவின் மூலம்.

பூனைகள் அதைப் பற்றிய பழமொழிகளில் இன்னும் உயிரோடு இருக்கிறது.

பூனையைப் பற்றிய பழமொழிகள்/சொல்வழக்குகள்:

பூனை கண்ணை மூடிக்கொண்டால் உலகம் இருண்டுவிடாது
பாலுக்கும் காவல் பூனைக்கும் தோழன்
மதில் மேல் பூனை(எந்த பக்கம் குதிக்கும் என்பதில் பெட் வைத்து சூதாட்டம் நடக்குமாம் வட இந்தியாவில்)
ருத்ராட்ச பூனை
புலிக்குப் பிறந்தது பூனையாகுமா?
Cat "O" nine tails(இது ஒரு மாதிரியான சவுக்கு)
Let the cat out of the bag
பூனைய மடில கட்டிகிட்டு சகுனம் பாக்கிறது
பூனைக்கு யாரு மணி கட்டுவது
பூனை போலமெதுவாக அடி எடுத்து வைப்பது
பூனை அடுப்புல தூங்குது(வறுமை)
பூனைக் கண் அதிர்ஷ்டம்
யானைக்கு ஒரு காலம் வந்தால் பூனைக்கும் ஒரு காலம்
Cat walk
எலிகளுக்குக் கொண்டாட்டம் பூனைகள் வெளியே இருக்கும்போது(மானேஜர் சற்று வெளியே போனால் அலுவலர்களுக்குக் கொண்டாட்டம்)
Curiosity killed the cat
பூனை முடி

இளையராஜா-King of Penetrating Pathos

2011-06-18T10:42:00.006+05:30

தமிழ் சினிமாவில் பல வித ரசங்களில் சோகம் ஒரு ரசம்.ஆனால் கடந்த 15 (20?)வருடங்களில் இந்த ரசம் மிகவும் குறைந்துவிட்டது.பழைய படங்களில் சோகத்தை பாட்டில்தான் அதிகம் வெளிப்படுத்துவார்கள்.அதுவும் பயங்கர தாடியுடன்,தத்துவங்களுடன்,இருமலுடன்,பாட்டிலுடன்.
இருமலில் பாட்டு பாதியில் நின்றாலும் மீதிப் பாட்டை காதலி எடுத்துக்கொடுப்பாள்.

சோகத்திற்கு ஏற்ற லோகேஷேன் பாழ் அடைந்த வீடு,பட்ட மரம்,கடல்அலைகள், சுடுகாடு,குப்பைத்தொட்டி... என்று விதவிதமாக.

ஜகமே மாயா.., பிராதுகே மாயா..(தேவதாசு)

”உலகே மாயம்.வாழ்வே மாயம்” என்று பிழிய பிழிய பிழிய பிழிய சோகம் போய் பின்னால் சோகம் ஒரு பிழிய ஆகி சற்று ஸ்டைல் ஆனாது.காதல் சோகப் பாடல்கள் அதிகம் முன்பு. இப்போது இருக்கிறதா?

காதல் ”happy” பாடல்களே “sad"ஆக டியூன் போட்டு சோகமாக மாறும் ஒரு டிரெண்ட் இருந்தது.இப்போது சுத்தமாக காணவில்லை.

இளையராஜா சோகத்தின் இசையை அடுத்தக்கட்டத்திற்கு நகர்த்தினார். இவருக்கு சவாலான வேலை.

காரணம்?

சிவாஜி சோகம்,விஜயகாந்த் சோகம்,கமல் சோகம்,ரஜினி சோகம், ராமராஜன் சோகம், மோகன் சோகம்,முரளி சோகம்,பிரபு சோகம்,கார்த்திக் சோகம்,சுரேஷ் சோகம்,பாக்யராஜ்சோகம்,பாண்டியன்,பாண்டியராஜன் சோகம்,பார்த்திபன் அடுத்து ராதா,ஸ்ரீதேவி,அம்பிகா,சரிதா,ஸ்ரீப்ரியா,லதா,சுஜாதா,ஷோபா.சீதா இன்னும் பெயர் தெரியாத புதுமுக சோகங்கள்.

எப்படி தாக்குப்பிடித்தார். மகா சோகமான விஷயம்.அதிலும் முக்கால்வாசி காதல் சோகங்கள்!

எப்படி ?

முக்கியமாக ஷெனாய்/வயலின்/வயோலா வீரியங்கள் காலத்திற்கேற்ப குறைக்கப்பட்டது.
பல வித இசைக்கருவிகளின் கலவைகளில் சோகம் தோய்க்கப்பட்டது
வெஸ்டர்ன் கிளாசிகளில் சோகம் வாசிக்கப்பட்டது
நவீன மோஸ்தரில் வித்தியாசமாகக்கொடுக்கப்பட்டது.
சோகத்திற்கு தோதான சிவரஞ்சனி,சிந்துபைரவி, மாயமாளவ கெளள ஹம்சா நந்தி என்று பலவித கலவைகள் வருகிறது
ஸ்டிரியோ டைப் இல்லாத சோகம்.சாயல் சதவீதம் குறைந்தது.
சோதனை முயற்ச்சிகள்
முக்கியமாக முன்னணி(lead) இசைக்கருவியின் நாதத்திற்க்குத் தோதாக மற்ற உபரி இசைக்கருவிளின் நாதங்களை மூட் கலையாமல் பிணைப்பது இளையராஜாவின் மிகப் பெரிய பலம்.பாட்டிற்கு வர்ணங்கள் சேர்க்கிறது.உணர்ச்சிகளை வாரி இறைக்கிறது.

ஆடியோ தகராறு செய்தால் ஒரு தடவை ஓடவிட்டு பிறகு கேட்கவும்.

முதல் படம்.சம்பிராதயமான சோகம் இருந்தாலும் சில வித்தியாசம் உள்ளது.
Pathos-Annakkili-76-Sonthamillai.mp3

Pathos-Rajapaarvai-81-Vizheoorathu.mp3

0.05-0.15 சோகம் அருமை.
Pathos-NallavanukkuNallavan84-ChittukkuChella.mp3

குரல் சோகம்.ஆண் குரல் அருமை.”ஒ.. சின்னப் பூமேனி அழுமோ” பெண் கோரஸ் சோக குரல்கள் 0.46ல் சேர, பின்னணியில் “மெட்டி... மெட்டி...”இதயம் உடைந்து உச்சரிப்பது அருமை.இசைஞானி அழகாக இழைத்து இருக்கிறார். 0.30-0.46 தாளத்தைக் கவனியுங்கள்.

எனக்கு நெருக்கமான பாட்டு.
Pathos-Metti-82-Raagam Engeyo.mp3

சிவரஞசனி ராகத்தில் பிழியும் சோகம்.0.27-0.34 புல்லாங்குழலின் சோகம் மென்மையாக வயலினில் எதிரொலிப்பது அருமை.0.45-0.57ல் திடீரென்று ஷெனாயில் தபலா பின்னணியில் சோகம் தீவிரமடைகிறது.இந்துஸ்தானி டைப் நாதம் அபாரம்.
Pathos-EnUyirkannamma88-yaaraikettu.mp3

மோஸ்மேஸ்ட்ரோவின்ஆரம்பகால மேதமை.இசைக்கருவிகளின் வீரியத்தை மட்டுப்படுத்தி ஒரு வித நவீன தொனியில் வெஸ்டர்ன் கிளாசிகளில் கொடுக்கப்பட்ட சோகம்.ஒரு வித அமானுஷ்யம் இருக்கும்.இந்த இசைக்கோர்ப்பு பேசும் மொழி வித்தியாசமானது.

ஆழ்ந்துக்கேட்டால் மனதைப் படுத்தும். (ஒரு ஆடியோ சரியாக வேலை செய்யவில்லை.அதனால் இரண்டு).

இளையராஜாவின் இசையில் ஒரு மைல் கல்.

24Pathos-Jhonny-79-Kaatril Enthem Geetham.mp3

முதல் படத்திலிலேயே கலக்கலான சோகம்.கிடாரில் வாசிப்பும் அருமை.
Pathos-AnnakiliUnnai76TMS-Sad.mp3

Pathos-Meera-93-Oh Butterfly (Patho).mp3

வீணையில் சோகம் அருமை.
Pathos-Achchani-78-Maatha Un Kovil-SAD.mp3

”கானல் நீர் போல் எந்தன் காதல்.....” ஜானகி உருக்கும் குரல் பிறகு வயலின் பிறகு புல்லாங்குழல்.
Pathos-Ninaivellam Nithya-82-kaanalneer.mp3

கிராமத்து சோகம்.
Pathos-Chinnathayee-92-Naan Erikkarai (Sad).mp3

டிஎம்எஸ் டிஎம்எஸ்தான்.
Pathos-Bairavi-78-Nandooruthu.mp3

Pathos-Geethanjali-85-OruJeevans-SAD.mp3

Pathos-Karakattakaran-89-KudaguMalai.mp3

Pathos-NallavanukkuNallavan84-Unnaithane (Pathos).mp3

Pathos-Nayagan-87-ThenpandiSeemaiyile2.mp3

Pathos-Neethiyin Marupakkam-85-MaalaiKaruSad.1.mp3

நல்ல மனம் உள்ள மச்சான்....!

Pathos-Chinnaveedu-85-VellaManam.mp3

சோக பின்னணி இசை:

BGM-Flute-86-Kadalora Kavithaigal.mp3

BGM-85-Mmuthal Mariyathai.mp3
____________________________________________________________

Pathos-Raasavey Unnai Nambi-88-RaasaththiSad.mp3

Pathos-Vanna Vanna Pookkal-92-Chinna Mani Koyilile.mp3

Pathos-Anandakummi-83-Thindaduthey.mp3

அருமையான வெஸ்டர்ன் கிளாசிகலில் மென்மையான சோகம்.

Pathos-Anand-87-Poovukku.mp3

ஸ்வர்ணலதா சோகத்தைப் பிழிகிறார்.அவரை இழந்ததும் சோகம்.
Pathos-Idhu Namma Bhoomi- 92-AaradiChuvarthan.mp3

Pathos-Ingeyum Oru Gangai -84- Solai Pushpangale.mp3

Pathos-Pandithurai-92-Enna Marantha Pozhuthum.mp3

Pathos-Oruvar Vazhum Aalayam-88-UyireUyire.mp3

Pathos-Anandakummi-83-Thindaduthey.mp3

டெயில் பீஸ்:
விஸ்வநாதன் - ராமமூர்த்தியின் “மலருக்கு தென்றல் பகையானல்”சுசீலா-எல்.ஆர்.ஈஸ்வரி(எங்க வீட்டு பிள்ளை) நான் எப்போதும் ரசிக்கும் பாகேஸ்வரி ராகத்தில் மென்மையான சோகம்.

ஆரண்ய காண்டம்-விமர்சனம்

2011-06-16T21:17:00.001+05:30

"தர்மம் எது?” என்ற கேள்விக்கு “எது தேவையோ அதுவே தர்மம்” என்று ஏதோ ஒரு(400 கி.மு.) காலத்தின் குருட்டாம்போக்கு(loose moral) ஒழுங்கைக் காட்டி படத்தை ஆரம்பிக்கிறார்கள்.அதன்படி இதில் வரும் கதாபாத்திரங்கள் பின்பற்றப்போகின்றன என்று ஒரு இரண்டு வரி கோனார் நோட்ஸ் அது.

அந்த கி.மு.400 வருடத்தின் முழு வரலாறு என்ன?

”அம்மா இல்லாத பையன தலைல கொ(கு)ட்டக்கூடாது ” என்று பள்ளி படிக்கும் காலத்தில் குருட்டாம்போக்கு ஒழுங்கு வைத்து கொ(கு)ட்டமாட்டோம்.ஆனால் முதுகில் அறைவோம். அதுதான் ஞாபம் வந்தது. இதே மாதிரி ஆட்டோ சங்கரும்” அண்ணான்னு கூப்பிட்ட பொண்ணுங்க மேல சுண்டு விரல் கூட படாது”. ஆனா பிடிக்காத ஆளுங்கள கொன்னுட்டு செவுத்துல வச்சி சிமெண்ட் பூசிடுவாரு.

அச்சுபிச்சுத்தனமான கிரிமினல் மாரல்.

பவுடர்(cocaine) கடத்தும் இருட்டு உலக கிரிமினல் கும்பல்களுக்கு இடையே ஒரு நாளில் நடக்கும் டபுள் கிராஸ்/மோதல்/துரோகம்/காமம்/பொறாமைதான் கதை.
வட சென்னை பாஷையில் சொன்னால்” பவுட்ரு கடத்தி அது ரெளடி கேங்குங்க கைல வருதுகுள்ள நடக்கிற மேட்டர்தான் ஸ்டோரி.”

ஒரு நாளில் நடக்கிறது என்று ஏதாவது குறியீடு காட்டி(suggestive shots) இருக்கலாமே? ஒரு வேளை குறியீட்டின் அடுத்தக்கட்டத்தை தாண்டி விட்டார்களோ?.

ஆரண்யம் என்றால் காடு அதான் தாதாவுக்கு சிங்கபெருமாள்(சிங்கம்),கஜேந்திரன், கஜபதி என்று மிருகப்பெயர்களோ?.

ஒரு படத்தின் விதியை முதல் அரைமணி நேரம் நிர்ணயிக்கும் என்பார்கள். இப்படம் அந்நேரத்தில் மனதில் ஒட்டாமல் ரொமப அன்னியப்படுகிறது.என்னவோ இருட்டில் (mood lighting)பேசிக்கொண்டே இருக்கிறார்கள்.அது தவிர அன்று ”பந்த்” இவர்கள்(கேரக்டர்ஸ்) மட்டும்தான் தெருவில் உலாத்துகிறார்கள் என்ற படம் நெடுக ஒரு உணர்வு வந்துக்கொண்டே இருக்கிறது.படத்தின் கதாபாத்திரங்களின் உணர்வுதளங்கள் பார்வையாளனோடு இழைத்துப்பின்னப்படவில்லை.ஆழமும் இல்லை.

(நான் மகான் அல்ல படமும் வட சென்னை ரெளடிகள் பற்றிய படம்தான்.படத்தோடு பொருந்தி வந்து ஒட்டினார்கள்.இவர்கள் ஒட்டவில்லை.ஏன்?)

இரண்டாவது பாதி முதல் பாதியைவிட சற்று கன்வின்சிங்காக போகிறது.என்று சொல்லலாம்.ஜாக்கி ஷெராப் பாத்திரம் ஒன்றும் அவ்வளவு புதுமையாக இல்லை.ரொம்ப யதார்த்தமாக தாதா அம்மணத்தோடு எண்ணெய் தேய்த்துக்கொண்டு குளிக்கக்கிளம்புகிறார்.அதே யதார்த்தமாக பாத்ரூமில் இருக்கும்போது செல் அடிப்பது கேட்கிறது. ஆனால் காட்ரேஜ் பீரோ திறக்கும் ஓசை கேட்கவில்லை. அவருக்கு.

பையனிடம் இருந்து பவுடர் பையை வாங்குவதற்கு ஏன் இவ்வளவு கஷ்டப்படுகிறார் சம்பத்.

படத்தில் ரொம்ப பிடித்தது யுவனின் இசை.அட்டகாசம்.அடக்கி வாசித்திருக்கிறார்.வித்தியாசமான பின்னணி.

படத்தில் நம்மை ஈர்ப்பவர்கள். சப்பை, சிறுவன்,சிறுவனின் அப்பா மற்றும் சம்பத். கடைசியில் திடீர் திருப்பமும் ரசிக்க முடிகிறது.நாங்களும் ஆம்பிளைக்கு சமமான ரெளடிங்கதான்னு.அடுத்து ரசித்தது உலகத்தரம் என்பதற்காக பாசாங்குத்தனமான மிஷ்கின் காட்சிகள்/கோணங்கள் இல்லை.

உடை,காமிரா, பின்னணி எல்லாம் நன்று.ரெண்டு மூன்று இடங்களில் வசனம் ஷார்ப்.மேக்கிங் ஓகே ஆனா சரக்கு கன்வின்சிங்க சொல்லலியே?கதாபாத்திரங்களின் உணர்ச்சிகளை நாமும் உணரவேண்டும்.

கிராண்ட் ஜூரி அவார்ட் வாங்கிவிட்டால் அதற்காக வலியப்போய் படத்தோடு பெவிகால் போட்டு ஒட்டிக்கொள்ள முடியமா?

டெயில் பீஸ்:

பாசிட்டிவ் கதாபாத்திரங்களை வைத்து உலகத் தரம் படம் எடுக்க முடியாதா? எப்பவுமே காட்ஃபாதர் டைப்புதானா?

சினிமா பாட்டும் புராண/சரித்திர மேற்கோள்களும்

2011-06-09T12:06:00.000+05:30

ஒரு கட்டம் வரை (1995 வரை?)தமிழ் சினிமா டூயட் அல்லது சோலோ பாடல்களில் நிறைய புராண அல்லது சரித்திர கதாபாத்திரங்கள் மேற்கோள் காட்டப்படும்.அதுவும் 80க்கு முற்பகுதியில் அதிகம்.

உதாரணமாக.....

கம்பன் கண்ட சீதை உந்தன் தாய் அல்லவா...காளிதாசன் சகுந்தலை(ஆலயமணி-1965)

ராமனின் மோகனம் ஜானகி மந்திரம்(நெற்றிக்கண்-1981)
காவிரி நகரினில் கடற்கரை ஓரத்தில் மாதவி காத்திருந்தாள்(வாழ்ந்துக் காட்டுகிறேன்)
மதுரையில் பறந்த மீன் கொடியை....சேரன் வில்லை உன் கண்களில்(பூவா தலையா-1970?)
வா வா கண்ணா வா.....காளிதாசன் காணவேண்டும்........ஷாஜகானைப் பார்த்ததில்லை ...(வேலைக்காரன்-1987)
கம்பன் ஏமாந்தான் ... கன்னியரை மலர்(நிழல் நிஜமாகிறது-1978)
ராதையின் நெஞ்சமே கண்ணனுக்கு சொந்தமே (கனிமுத்துபாப்பா-1972)
ஆட்டுவித்தால் யாரொருவர் ஆடாதாரே கண்ணா(அவன்தான் மனிதன் -1975)
ராதா ராதா நீ எங்கே...(மீண்டும் கோகிலா-1981)
கங்கைகரைத் தோட்டம் கன்னிப்பெண்கள் கூட்டம்(வானம்பாடி-1963)

இன்னும் நிறைய இருக்கின்றன.

காலங்கள் மாற சினிமாவின் கதைகளும் மாறின.பாடல்களும் மாறின.மக்களின் மனோபாவமும் மாறியது.

முக்கியமாக ஒரு கட்டத்தில் தாலி செண்டிமெண்ட்/கற்பு கதைகள் காணாமல் போயி புடவைக் கட்டிய கதாநாயகிகள் காணாமல் போயினர்.பதிலாக ’கல்யாணம்தான் கட்டிக்கிட்டு ஓடிப் போலாமா” நாயகிகள் வந்தார்கள்.

கிலோ கிலோவாக கதையின் மையத்தைச் சுமக்கும் கதாநாயகி கதைகள் மாறின.டோட்டல் குடும்ப செண்டிமெண்டுக் கதைகளும் காணவில்லை.

அடுத்து தாடி வளர்த்து பட்ட மரத்தின் கிழ் நின்று கதாநாயகன் பாடும் தத்துவப் பாடல்கள் சுத்தமாக மறைந்தன.சிவாஜி கணேசன் இதில் பிஹெச்டியே வாங்கி இருக்கிறார்.

கடந்த பத்து வருடத்தில் ஏதாவது இருந்தால் பின்னூட்டத்தில் தெரிவிக்கலாம்.

ரஜினியின் ராணாவும் “இன்” செய்த புகையும்

2011-06-07T13:22:00.001+05:30

சினிமாவில் ரஜினி சிகரெட்டைத் தூக்கிப்போட்டுப் பிடித்து பல்லால் கடித்தவாறே சிரிக்கும் ஸ்டைல் அப்போது நல்லாத்தான் இருந்தது.“காயத்ரீ” படத்திற்கு கைத்தட்டலும் விசிலும் பறக்கும். நானும் ரசித்திருக்கிறேன். மற்றொரு ஸ்டைல் குடி கிளாஸை ஸ்டைலாகப் பிடித்து அதில் கட்டிங்கை ஊற்றுவது மற்றும் அதில் மோதிரத்தை இரு விரலால் ஸ்டைலாக போடுவது.

சிகரெட் ஸ்டைலுக்காக காயத்ரீ படத்தை இரண்டு முறைப் பார்த்தோம்.

இந்த ஸ்டைல்கள் புகழ் ரேட்டிங்கை ஏற்றியது. அதே ஸ்டைல் இப்போது சிங்கப்பூருக்கு செல்ல வைத்து ரேட்டிங்கை இறங்கவும் வைத்துவிட்டது.
ரஜனியின் ராணா படம் மீண்டும் தொடங்கப்படுமா என்ற கேள்வி ஆரம்பித்துவிட்டது.உடல் நிலையின் ஸ்டைல் மாறிவிட்டது.

ரசிகர்கள் இறைவன் அருளால் நலம் பெற்று திரும்பிவிடுவார் என்று நம்புகிறார்கள்.நம்பினார் கெடுவதில்லை.எம்ஜியார் குண்டடிப்பட்டு மீண்டும் சினிமாவுக்கு வந்து வெற்றிப்படங்கள் கொடுத்தார்.ஆனால் ரஜினியின் உடம்பு உபாதை வேறு.

படத்தில் நடிப்பது இருக்கட்டும் .முதலில் உடல் நலம் பெற்று சந்தோஷமாக வீடு திரும்பட்டும் என்று மனம் பிராத்தனை செய்கிறது.

எப்படி இருந்தாலும் மருத்துவர்கள் நீண்டமாத ஓய்வு வேண்டும் என்று சொல்லுவார்கள்.ஓய்வுக்குப் பிறகு தன்னை வருத்திக்கொள்வாரா? ரஜினி பாதுகாப்பாகத்தான்(safe game) இருக்க விரும்புவார்.நடித்தாலும் பழைய கெத்து வருமா? சந்தேகம்தான்.

சினிமா ஒரு அவுட் அண்ட் அவுட் வியாபார உலகம்.ஓடும் குதிரைகள்தான் மீதுதான பணம் கட்டப்படும்.

டெயில் பீஸ்: விடலைப் பருவத்தில் சிகரெட் பிடிப்பதில் ஒரு பந்தயம் இருக்கும். அது “இன்” செய்வது. அதாவது புகையை இஸ்ஸ்ஸ்ஸ்ஸ் என்று உள்ளே இழுத்து புகையை மார்பில் ”இன்” செய்து(அடக்கி) சிறிது நேரம் கழித்து ஊதினால் புகை வரக்கூடாது. செய்தால் அவன் பிஸ்தா அல்லது பருப்பு.

இப்படி “ இன்” பழக்கமாகி நண்பர் ஒருவர் 30 வயதிலேயே பூமிக்குள் “இன்” ஆகிவிட்டார்.